اتطلق والا اعيش بدون اعيال

[بــنـ زايد ــت]

سبحان الله كل شي بيده وحده سبحااانه ..

اعرف وحدة كان يقولون لها الحيوانات المنوية عند زوجج صفر ..

وكان يتعالج وياخذذ خلطات بالعسل وسبحان الله حملت بتوأم ..

وكلي امرج لله وشجعييه يتعااالج ..

مب كل الريااييل بيعااملونج مثل معاملته

لاتتسرعيين وبعدين تندميين فكري و استخيري

 

[عذاريي]

والله البنات كفوا وفوا

حبيت ادلج علي دكتور يعالجون عنده كل عيال خالتي اذا تاخروا بالحمال

ولد خالتي صارله سبع سنوات ماعنده عيال راجع عند هالدكتور والله ارزقه بثلث صبيان من بعد

ماقالوله في الكويت انه عقيم ومافي امل باليهال

مشاء الله اهو برفسور عالمي عراقي تخصص بهالحلات الي اهي موت الحيوانات المنويه عيادته بادبيً


اسمه سمير السمرائي راح اكلم خالتي بعد شوي ايبلج الرقم والعنوان

والله الكل يمدحه عطي نفسج وزوجج فرصه حرام اذا تحبينه لاتضيعينه من ايدج

لاتخسرينه وتحسفين

رحت دورت العنوان و الرقم وحصلت موقعه


هذا موقعه : FMC Clinic Services


وهذا عنوانه والرقم :

Prof. Dr. Semir Al - Samarrai
Professor of Urology,
Urosurgeon,
Specialist in Urology,
Andrology,
Sexology & Infertility (Germany)
Member of European Association
of Urology

You can contact us at:
Dubai Health Care City
Al Razi Bldg, Block - D, Suite 2018
Tel: +971-4-4233669, Fax:+971-4-4233668
Mobile: +971 50 4555357
Email:[email protected]
Website:Prince Specialist Medical Center



ما في شي اقوله زود عن البنات كفوو ووفو ، اخذي اجازه وطيري دبي احجزو موعد قبلها ،


العقيم ألي مافيه عيال الله يرزقه بالدعاء ، فمابالج بريلج ألي الله كان رازقه عيال فحضه اكبر من العقيم ،


وتصدقي كل يوم دينار



ادعيلي معاج لو الله رزقج بياهل ان الله يشفيني

 

[بخـــارى]

اذا ربج كاتبلج الحمل والضنا راح تحملين

البنون زينه الحياة الدنيا صح لكن مواساس لنجاح الزواج

نصيحه قضبي ريلج بيدينج واسنانج ولاترفسين النعمه

اذا تطلقتي يمكن تتزوجين ويمكن لا
واذا تزوجتي شلي يضمنج تحملين ويصير عندج عيال
واذا صار يمكن الزوج يكون انسان سيئ ومايربي ولده

وكونج عقب تكونين مطلقه راح تكون فرصج للزواج اقل واحتمال يكون عنده عيال ويطلب منج ماتحملين

( لو علمتم الغيب لرضيتم بالواقع)

 

[حـور]

لا تتطلقين منه لانج تحبينه راح تعانين
والطب تطور انا شخصيا ريلي خذا هالهرمونات وتوقف عنده الانجاب ومرت فترة يطلع بالتحليل عدد الحيوانات المنوية صفررر zero واذا فيه كانو يموتون
المهم الحمدلله تعالج والصبر والدعاء كله هالاشياء ساهمت بعلاجه والحمدلله الله رزقنا بعد العلاج بولد وبنت وانا الحين حامل

حبيبتي عن تجربة انا مثلج الحمل عندي حلم حـــــلم وردي
بس لما افكر القى الحب بعد اذا راح هم بيصير حلم بعييد
وفكري لو تزوجتي غيره وحملتي على طول .... وبعدين.... بتنسين ريلج.... ؟؟؟؟ ولا تظلين تحبينه ..وتيبين عيال من غيره ...؟؟؟
لا تظلمين نفسج ...وانا عندي ثقة بالله انه بيرزقج انشاءالله بالذرية الصالحة بس الصبر والدعاء والعلاج...
الله يوفقج ويسخركم لبعض ويديم عليكم المحبة

 

[بقلبي انت]

البنات ماقصروا ردودهم تريح

صج ان الشغله تزعل لانه خش عنج السالفه بس بالاخير عرفتي والقرار بيدج
دام طيب وحبوب معاج ويحبج ويحترمج ويحترم اهلج وشايل مسؤوليه بيت اهلج هذا يبين انه شاريج
ويحاول يراضيج

لا تيأسين ولاتطلقين يمكن خيره لج انج ماتحملين الحين لكن راجعوا الدكاتره الطب تطور الحين وكل شي ممكن عند ربج
تقربي من ربج وادعي انه يرزقج بالولد السليم ووقفي جنب زوجج دام تحبينه نصيحه لاتخربين حياتج ويمكن خيره لج ماتدرين
والام اهي إلي تربي مو إلي تحمل عندج عيال زوجج احسبيهم عيالج ربيهم مثل ماتحبين قربيهم لج خليهم يحبونج دلليهم
باللبس والاكل واللعب والاهم خلي ثقتج بربج كبيره وكوني علي يقين ان الله مايحرم شخص إلا يكون هالشي من مصلحته

والله يهدي سرج ويريح بالج

 

[سمراء كويتية]

ردت فعلج طبيعيه لان جذب عليج لاحد يلومج عليها
كل شي ياخذ وقت اخذي وقتج لين تهدا اعصابج
روحي الطبيب سافري علاج بره اسعي لان في امل و السبب عنده عيال يعني جذوره زينه
لكن لازم يفهم ان لمن جذب عليج كان غلطان
والله يرزقج حبيبتي انتي امبين من كلامج انج تراعين مشاعر الكل على حسابج اللع يعطيج على قد نيتج

 

[سمراء كويتية]

حرام نطري عليه وعطيه فرصه .. خليييييييييه يروح يعالج .. ربج كريم ..


انا زوجي فيه دوالي ويعرف العيب منه .. ولا يدلعني كثر ما زوجج يدلعج .. من سفرات وطلعاااااااات ..


معنى والله العظيم مو ناقصني شي .. الكل يقول لحمولتي يآحظكم فيها جمال واخلاق وسنع ..


ومع هذا كنت ساكته ما علمت امه العيب منه .. حسبالهم مني .. ولما خالتي اسالتني قالت لي تروحين تراجعين للدكتورة ولا لا ..

دمعت عيوني وقلت لهاا انا سليمه مافيني شي.. بس العيب من ولدج ..

عاد خالتي حبوووبه وطيبه وللآمانه اهي تحبني اكثر وحده من حريم عيالهاا ..

بس العيب من زوجي للآسف ..

آصبري مثلي والله كريم ..:/

الدوالي مافي اسهل من علاجها ياحبوب او عمليه مدتها نص ساعه

 

[رنيم الروح]

حبيبتي انا حاسه فيك ونفس المشكله عند زوجي وصارلي 11 سنه اول 3سنوات كان يكذب علي ويقولي رحت بعدين قال انه خايف اتركه او اقعد اعايره في هالشي بس بعدها فعلا راح معي وللحين يتعالج -بس انتي اقنعيه انه مهما كان السبب مراح تتركينه وانك تحبينه وراح تساعدينه وصدقيني من نفسه بيقولك يلا
بس اقول حق كل وحده مثلنا صح في نقص بحياتنا ونتمنى من الله انه يتحقق لكن في شي اهم من العيال
الصحه الصحه يما اشوف ناس وحالات بالمستشفى اقول الحمدلله الذي عاافانا مما بتلاهم
اللهم ارزقني صحة تغنيني عن جميع خلقك

 

[PuPa^^SWeeT]

شنو هذا الغروث اللي خذاه ؟؟؟




يعتمد ردي على شنو الغرةث

 

[وردة الدوحه]

أنا بصراحه ما فهمت شنو سبب موت حيواناته المنويه ياليت اتفهميني
ثاني شي روحي معاه سافرو للخارج حاولي جميع المحاولات معاه
يمكن مع تطور الطب تلاقون له علاج باذن الله

 

[ابدا يالغالي مانساك]

لاتتسرعي دااام زوجكك يحبكك وتحبينه صبري وعيشي معااه
والطب الحين تطور تقدري تسافري انتي وهو

بس لتكسرري فيه
وكل شووي تخليه وتروحي لاهلكك وتسكرري جهاازكك
هذا ابتلاء من الله وربكك ابتلاه بهالشي
كوني معه ولاتكوني عليه وتلومينه
وبخصووص مقالكك بهالسنتين يمكن منحرج منكك او يخاف يفقدك من غير شر

 

[qazlaan]

حبيبتي ادعيلج واقولج يااااااااااارب تحملين بأسرع وقت. حبيبتي اولا :اقولك حاولوا تروحوا الطبيب وتعالجوا وثانيا:كثري من صلاة الليل والاستغفار لا تستعجلين بالطلاق زوجك ماشاءالله علية خوش رجال اعرف ناس عندهم عيال بس ازواجهم ماكو حب ولا واحترام.وبعضهم يطق زوجته وبعضهم يشرب ويعرف البنات والعيال كله على مسؤوليته الين تكره نفسها انتي احمدي ربك واصبري ان الله مع الصابرين

 

[امـ خــزامـى]

الله يرزقك ويكتبلك الخير

 

[منال $]

يعطيهم العاااااافية البنات ما قصروا وراي من رايهم
الطب تطور راجع دكتور وخلي زوجك يعمل تحاليل من اول
الحب والحنية ماتتعوض
وبنفس الوقت انتي من حقك يصير عندك اولاد
فالقرار الاول والاخير الك

 

[m'3rOoOra]

حبيبتي لاتفقدين الامل بربج والله اعرف ناس قالوا حيواناتهم خامله ماتتحرك بس كانوا عندهم امل ويعالجوم وياكلون عسل وسبحان الله يلبوا ولد شحلاته قمر انتي ردي لريلج والله مافي احسن من زوجج ماشاءالله عليه يحبج ويسوي اللي تبينه حتي تقوليله بنروح بري نعالج تري روحوا بري الديره منها تغيرون جو منها تتعالجون والله يرزقج بدرزن جهال حوالينج يارب ونصيحه نصيحه ردي لزوجج الله يخليكم لبعض

 

[brettey]

حبيبتي عطيه فرصه الطب تطور
روحوا وراجعوا ولا تياسون
الله يعوضكم بالذريه الصالحه عاجلا غير اجلا

 

[barbya_q8]

انا اقول انتي ومقدرتج بس انا اذا الريال وايد زين ومهنيني وعايشه براحة يمكن اتقبل اكمل معاه بدون عيال مادري ماقدر احكم كثر الي عايشه الظرف نفسه بس لا تفقدين الامل الطب وايد تطور

 

[ديانا سبنسر]

يمدحون العسل خليه يجربه

 

[ذات الهمة العالية]

شنو صار عليك شنو قررتى
وهل استخرتى ربك

 

[نجدية2011]

في شيء اسمه استغفار!
والدعاء يغير القدر
والصدقة
والأهم النية الكويسه
لاتخسرين رجلك نادرا ماتلقين رجال كويس والأهم يمكن خيره مايجيك عيال
وفي نقطة مهمة التوكل ع الله وحسن الصلاة
بالتوفيق