قوه بنات .. ماادري من وين ابدي انا داخله بسم رفجتي ماعندي عضويه اهني بنات انا متزوجه من سنتين وزواجي كانت بعد قصه حب وكنت اعرف كل شي عنه وعن اهله اهوا مطلق وعنده اعيل من طليقته وكان يقولي اكل غروث وياما نصحته يبطل هالخربيط كان يقول لا تخافين افحص واذا تزوجنا بعالج ومايخذ العلاج الا اشهر ولما تزوجنا ذكرته وقلت بديت علاج قال ايي شفيج وبعد فتره قال خلاص حللت والحيونات صارت سليمه الحين ومن غبائي صدقته. كان اي شي يقوله اصدقه مثل العميه وحييل احترمه مع انه عنده اخطاء واطوف له واطوف لاهله عشان احبه بنات انا ميته علي العيال وكان يشوفني احاتي الحمال واحجز موعد ويوديني والدكتوره تقول لي ماكو شي يمنعج من الحمل واخاف اساله انت اكيد عالجت لاني من داخل مصدقته واخاف اجرحه اهوا يقول يبه خليني نستانس تونا معاريس وكنت اقول بخاطري بيبي منك يشبهك واهوا يقول من زيني ابي يشبهج والله يا بنات والله يشهد مو مقصر معاي معيشني ملكه سفرات وطلعات وساعات يسحب علي ربعه عشاني بس كل هالاشياء من داخلي ما نستني اني فاقده احساس الامومه لدرجه اني صرت اتوهم اني حامل واشتري تست الحمل المنزلي ويطلع ماكو شي سنه ونص نفسيتي تعبت اشوف خواتي وحريم اخواني ورفجاتي يحملون وانا شنو ناقصني الين جاه اليوم اللي خلاص قررت اقول لريلي حللل ابي اتاكد انه حيوناتك حيه ويومها فصلت عليه واهوا يقول شفيج مافيني شي جان يقول لي خلاص بسوي التحليل االلي تبينه والحجي كان برمضان وسالت متي ناوي قال خلاص بعد العيد وحسيت اعتفس وتوتر حسيت في شي مو صح ورحنا نتفطر مع حمواتي ياكل واهوا مو معانا وبعدها رحنا نتسوق واحنا رادين نزل حمواتي وقال بيوديني الجمعيه ناقصنا اغراض قلت له مو ناقصنا شي شفيك منت طبيعي قال تبين الصج والا شنو قلت اكيد الصج جان يقول انا يوم رحت احلل قبل سنتين قال لي الدكتور حيوانتي ميته واذا صار حمل الجنين بيكون مشوه حسيت احد عطاني طراق ما تكلمت ضليت ساكته ردينا البيت وقلت له خلني بنام والصج ماقدرت انام قعدت افكر ليش هالجذب ليش خلاني غبيه يشوفني شفقانه علي العيال وبالخير يصدمني هالصدمه علي الساعه ثلاث الفجر قلت له الصبح قبل لا تروح الدوام قطني بيت اهلي بفگر قال ليش بيت اهلج وبشنو بتفكرين وقام يبجي ويبوس ايدي وريلي ويقول اموت من دونج ويحلف انه راح يموت كنت قاسيه قلت محد يموت الا بيومه وخر بزهب جنطتي ويقول لي مو بكيفي ويذكرني بحبنا واحلامنا ووايد اشياء كنا نخطط لها قلت له الاحلام انت هدمتها اللي قلته شي واللي صار شي يومها كنت صج معصبه وما اشوف جدامي وخليت له الغرفه ورحت الغرفه الثانيه نطرت الصبح يطلع واول ما شفته قلت انطرني البس وودني بيت اهلي قال مصممه قلت انت شفيك ماكو احساس ماكو كرامه هم مجذب علي سنتين وهم تبي تجبرني علي شي قرره بيدي قلت لك ابي افكر ارد لك او اطلب الطلاق انت عندك اعيال اما انا لا مثل منت شفت لك اعيال من حقي اشوف اعيالي لا تصير اناني وداني بيت اهلي وعلي طول رحت غرفتي بيتنا ينامون مايقعدون الا العصر سكرت تلفوني ونمت لي المغرب بعد بجي قعدت واهلي ما يدرون اني موجوده ما خليتهم يدرون شنو صار كنت بفكر بدون ضغط وعن قناعه دقيت علي بنت عمتي وقلت لها تمرني نطلع. وطلعنا وقلت لها اللي صار بنت الحلال قالت هالشي راجع لي اذا اقدر اعيش بدون اعيال وانا مو صغيره 27سنه يعني لازم الحق علي عمري وايب لي طفل وبس رديت كلمت امي ونفس الكلام قالت لي خصوصا ريلي مو مقصر معاي وشايل بيتنا بعد وفات ابوي وامي كله اعتماده عليه لانه خدوم. وبنظر امي واهلي خوش ريال والزين ما يكمل .....دقيت عليه وقلت تعال اخذني لانه العيد ما باقي عليه الا يوم ومابي اهله يحسون بشي واهوا ما صدق جنه واقف عند الباب عشر دقايق وقال انا عند باب بيتكم ركبت معاه ويحلول يدلعني وانا مو معاه قلت له ترى راده عشان اعيالك وعشان خالتي لا تحس مريضه مابي اغثها والعيد باجر وبس يخلص العيد تردني بيت اهلي وانت بغرفه وانا بغرفه قال لي حاضر تامرين امر بس تنورين بيتج حسيت اني مخنوقه ماادري شسوي احبه واحب يكون لي اعيال منه طول الطريج يكلمني ويمسك ايدي وانا مو معاه ردينا البيت وزهبت اهدومه واهدوم اعياله ولدين وضغت علي نفسي ول ايام العيد عشان خالتي وبس خلص العيد رديت بيت اهلي ومسكره تلفوني عشان ما يدق علي ويضغط علي مو عارفه اقبل اني اعيش مع واحد جذب علي وحرمني من الامومه والا اتطلق واشوف نصيبي مع غيره حدي تعبانه
