السلام عليكم و رحمة الله و بركاته
حبيبتي حاااسة فيج وايد , احساس المسؤولية و انتي بنيه , تبين من يحبج و يحسسج بأنوثتج , و يراعيج ,, صعبة و الله صعبة !!
احساسج انج (أم ) للجميع !! و غيرج مدلل ! و يتهنى ! و يعيش !
عمرج اللي يمر ,, شبابج !! و الى متى .؟
لكن و الله , و الله الذي لا اله غيره و لا رب سواه , أقول لج قصة حقيقية لوحدة أعرفها , و أقسم بالله رب العالمين ما اجذب فيها بحرف واحد ,,
وحدة نفس ظروفج ! ووصلت لنفس عمرج و يمكن اكثر !!!
صايرة ام لخواتها , و حتى الصغيرونة هي اللي مربيتها مع ان امها و ابوها موجودين !!
الباب تسكر بويها من كل الجوانب : الدراسة ! الشغل ! و الزواج !
بعد صبر
و الله العظيم وربي الكريم , انه تقدم لها واحد ( راااااااااااااااااااااااااااااااااااااااااااااااااااااااااائع ) و هالكلمة شوووووووووووووووووووووويه بحقه !!
أدب :eh_s: , أخلاق :eh_s: , خفة دم مستحيلة :eh_s: , رجل أعمال :eh_s: , و عايشة الحين ملكة و اكثر من ملكة , و كل صيف سفرة لدولة غير و احيانا دولتين ما شاء الله ما شاء الله ما شاء الله اللهم لاحسد .
خلي هالسالفة نصب عيونج :wqedqw: لأنها واقع و حقيقة انا ما اييب لج شيء من مخي و لا من التلفزيون ..
هذا شيء : الشيء الثاني
انتي جربتي ترقين روحج ؟؟ تقرين الرقية الشرعية ؟ انتي ما سمعتي عن سحر تعطيل الزواج ؟؟ اذا ما سمعتي سمعي تراه منتشر !!!!
أعراضه : محد يتقدم للبنيه , او يتقدمون لها شوية و مو زينين , او يتكلمون عليها بزواج وبعدين ما ايون , او يشوفونها و بعدين يتهربون ! هالأعراض اعتقد 80 % فيج مو صح ؟
اذا ايه راسليني على الخاص و اقول لج شتسوين و شتقرين من كتاب الله .. و لازم تمشين بالحرف الواحد و لا تخلين ولااايوم ...
الشيء الثالث :
الخطابة
ما راح اقول لج لا و مادري شنو ... الخطابة وسيلة تعارف وفرص , و حتى العوايل الكبيرة عندهم عادي , و كلام الخوات اللي يقولون ديري بالج على عيني و راسي , لكن انتي مو مجبورة و مطقوقه على راسج الا توافقين , شوفيه و اسألوا عنه و بعدين قرري
لكن
امج اللي تتصل مو انتي ,, الا اذا امج من النوع اللي لا يبالي , اهنيه اتصلي و ما عليج !! و تكلمي بإسم امج , بس تكون امج تدري مو من وراها يعني , قولي لها على السالفة و قولي لها بتصل ,,
و تقدرين اذا خالتج اخت امج تقدر تساعدج ,, هم زين على زين ...
أهم شيء الثقة بالله ,,, و التوكل عليه , نصيبج ياي لا تخافين ,, و دعواتج لي آنا بعد ان شاء الله :hearting:
