اتزوج و الا لأ !؟

[صادقة بكلمتي]

حبيبتي الدنيا نصيب لكن ان فشلتي اول مرة مو معناه انك تقطين نفسج على اي احد انا اقول الدنيا بخير وشوفيلج خطابة معروفه وزينه واختالري ابرك من اللي يشرب باجر تتحسفين ولا من متزوج يهملج وتتسببين بمشاكل حق مرته لا درت حرام

 

[دلوعة أبوهآ]

من ترك شيئاً لله عوضه الله خيراً منه ..

 

[جنة المأوى]

حبيبتي كثري من الاستغفار لانه الاستغفار يجييب الرزق و منها الزوااج .... و مثل ما قالوا البنااات ... لا تفكريين تتزوجيين من السكراان و لا من المزوااج هذاا ... انت بس استغفري و ادعي الله سبحانه و تعالى بالستر و الرزق و باذن الله رااج يجيي لك وااحد صاالح ....
​

 

[اميره1980]

شلون راضية بواحد يشرب ؟ مو خايفة على عيالج منه ؟
تركي هذا و ان شاء الله ربي يرزقج اللي احسن منه بس انتي اسعي بعد برزقج و كملي سنتين بعد الثانوية و توظفي و ان شاء الله خير

 

[قموشه21]

انتي قلتي انج مطلقة .. تظمنين نفسج انج ماتطلقين للمرة الثانية بسبه هالريل اللي مايدري وين الله بيقطه

حبيبتي روحي لاي خطابة بتجيب لج ريال والنعم فيه عاقل وراكز وياما في ناس تبي مطلقات .. انتي فكري انتي لج عقل وتعرفين شلون تديرين امورج

الاحظ من ردودج انج مقتنعه بالفكرة وانج ناطرة بس رد يشجعج وتتزوجين وتنسين كل الردود اللي منعتج.. ماقول الا فكرررري

.

.

( ياخوفي بيجي يوم وتكتبين موضوع نساعدج شلون تتخلصين من هالسكران )

وان شاء الله احساسي مو بمحله وموفقه خيــررر

 

[Qatar girl]

رزق عيالك بيوصلهم من رب السماء مو من شخص سكير وماتدرين فلوسه حلال ولا حرام!! ترضين لحم عيالج يربى من مال حراااااااااااام؟؟؟


لازم تعرفين كل صغيره وكبيرة من ناحية دينه واخلاقه ومصدر رزقه

 

[قاهره عذالي]

ما انصحج بواحد يشرب
ولا انصحج بواحد يبيج زواج بالسر

الخطابات مافيهم شي والله كريم

 

[غداً القاك]

لااااااااا الا اللي يشرب
وليش تتزوجين متزوج بالسر ليش ترضين بأقل شي
اذا بتزوجين تزوجي واحد على خلق ودين يخاف الله فيك وبعيالك مو واحد يشرب ماتدرين بكره اذا شرب وش يسوي فيك ويمكن تكرهين اليوم اللي اخذتيه فيه
اللي خلقك ماينساك توكلي على ربك ولاترضين بالقليل ابد

 

[أماني عمري]

الزواج بالسر حل وراه مشاكل لأن اللي طالبه مو قد المسئولية و ممكن بأي لحطة يتخلى عنج أما السكير ابتعدي عنه لأن الخمر تاخذ العقل و اذا ما أذاج انتي يمكن يأذي أحد من عيالج، عارفة احساس انج متوهقة و محد يمج يساعدج بس رب العالمين موجود ما يقصر

عليج بهالأدعية للزرق و الزواج ( حسبنا الله سيؤتينا الله من فضله انا الى الله راغبون. رب اني لما أنزلت الي من خير فقير. رب ارزقني زوجا صالحا يقيني شر الفتنة و يعينني على حسن عبادتك)

و سبحان الله الناس دايما تذكر الاستغفار و تنسى الحوقلة، الحوقلة فيها فرج و تفتح بيبان مسكرة، طول يومج مع الاستغفار حوقلي قولي لا حول و قوة الا بالله العلي العظيم و الأهم من هذا كله حسن الظن برب العالمين، حطي في بالج اللي بينقذج من مشاكلج رب العالمين مو بشر و الله يصلح حالج لما يحبه و يرضاه

 

[روح مغليهاM]

انتي بزواجك بالسكران ماغيرتي شي عن حيااتك قبل يعني اجلسي بدون زواج احسن..
صح الوحده تبغى زوج بس مو حي الله
لازم يكون زوج كفو ويقدرك واهم شي رجل صااالح
يعني لاترمين نفسك ع اي رجالعشان السكن
دوري الي يحيمك واهم شي انه يخاف من ربه
والله يوفقك ويرزقك بالزوج الصالح

 

[ترانيم القصيم]

واااااااااااااااااااااااااااااااااااااااااااااااااااااااااااااهـ

أنتِ من جدك تآخذين سكّير ؟

إلا هذي ستووووووب و بقووووة

أهم شي الأخلااااااااااااااااااااااااااااق

ما يخالف حتّى لو تقدّم لك مُعدّد ( بس أخلاقة كويسة ) وافقي عليه

أمّا السكراااااان لااااااااااااااااااااااااء و ألف لااااااااااااااااااااااااااااااء

حتّى لو كان أعزب ,,

راح يدمرك و يخلي بدل المصيبة مصااااايب

يا قلبي هذا ما راح يعيشك ! لا تفكرين إنوهـ راح يوفر لقمة لعيالك !!

هذا فلوسه كلهن بتكون طايرة على الخمور و البلاوي

غير إنوهـ يبي يصير مهوب في وعيه ,, ممكن يسوي أشياء ما تتخيلينها

يضربك مثلاً ,, يغتصب عيالك ,, ليه لأ ؟

الإدمان يسوي كل شي و أي شي ,,

واحد سكّير يعاشر بناته ( و لما أفاق من السكر ) قالوا له :

وش رايك بالرجال آللي يعاشر بناته ؟ قال : أستغفر الله العظيم !! << مهوب داري إنوهـ هو المقصود لأنوهـ مهوب داري عن نفسوهـ !!

لا يا قلبي لاااااااااااااااا انتبهي تآخذين واحد سيء

سواءًا مدمن أو سكّير أو داشر ( راعي بنات ) أو ما يصلي !

انتبهي انتبهي ..

إذا كل آللي تقدّموا لك أخلاقهم سيئة ,, فـ أقول لك :

خلّك على مجنونك لا يجيك آللي أجن منّوهـ !!

 

[Behtar]

بالسر ومزواج خوفج يطلقج وماتاخذين حقوقج
ويشرب لاوالف لا
شوفي لج خطابه ادور واحد صاحي ويشهر بالزواج

 

[bal8es]

الي يشرب ويسكر ما تظمنين يحافظ على بنتج ولا لأ يسحب ولدج معاه ولا لأ

تعيشين وحيده بس تحصلين لقمة بالحلال لج ولعيالج وايد احسن
الله يوفقج ويسهل امورج ويرزقج بالي بالريال الصالح الي يعوضج ويعوض يعيالج

 

[خليفة العظماء]

الله يعينج يارب

 

[دعابة الشـتاء]

عزيزتي استخيري ربج بكل امورج قبل لا تقدمين على أي خطوة ..
ومدام جتج عروض زواج انطري كل شي خيرة لج
وفكري بمشكلة الماديات بس ولا تساومين على امور دينج
لانها اهي اللي تيسر امور دنياج
يعني اللي يشرب زواجج منه مايجوز ولا حتى اللي بالسر ..
واتركيها لله وتوكلي عليه وربي بيحل امورج
تقبلي مروري المداعب

 

[انا لها شمس]

استغفر الله دنت نفسج ع السكير وعاااادي
وبالسر بعد!!!!

هذا وااااضحه يبي ياخذج ومده ويقطج ولا جان اشهر بارتباطكم
وافتخر فيه بس سكير شترجين من وراه

واكيد ماتبين تنعاد نفس الماساه

خافي ع بنتج المسكينه شذمبها تعيش مع ريل ام وراعي شرب وخرابيط باجر ياخذها لربعه

وانتي ماتقدرين تبطلين حلجج ولا ولدج بنفس الطريج لانج انتي اللي اخترتي لهم هالطريج


واهلج ماهم طاردينج عيشي بظلالهم والله بيسرها معاكم

ودامج مقبوله وحاسه انج ممكن تتزوجين نطري النصيب الزين

لا تاخذين ذنب هاليهال

وبسهوووله اخذيلج دورة من هالدورات الدبلوم ومع شهادتج الثنويه وتصير

فرصتج للوظيفه اكثر وبيزيد الراتب لين الله يفرجها عليج بولد الحلال الزين

 

[شادن33]

ليش ياعمري أتلم المتعوس على خايب الرجا ع قولتهم
انتي وعيالج ما راح اتموتون اذا ماتزوجتي الا اذا انتي ودج بالزواج وهذا حقج حياتي
بس يشرب ويلعوزج انتي وعيالج عشان فلوس بالعنه !!!!الله يغنيكم ويستر عليكم
اذا واحد زين ماعليه
لاتضحين بعيالج بواحد ماراح يكون امين عليهم
والله يسخر لج كل قلب مؤمن يارب

 

[Om_Ksha]

اذا خذيتي واحد يشرب بتطلعين من المر و بدشين باللي امر منه !!

عبالج اللي يشرب بيستر علييج ولا بيصرف عليج ؟؟

اصلن كل فلس عندج بياخذه منج للسم اللي ياخذه لانه بعضهم يفقدون بس يبون اي مبلغ عشان يشربون و حتى لو كانت حالته ميسوره تظمنين نفسج و تظمنين عيالج معاه ؟؟ لا سمح الله و اهو مو بوعيه ماتدرين شيسوي بعيالج و انتي مو موجوده ؟
اصلن اي احد عنده الشرب عادي هاذا ما يتعاشر و محد يظمن نفسه معاه و كلشي عنده بكون عادي مايخاف ربه لانه !

انا اقول نطري و لا تستعيلين علو بو ان تبين احد يضفكم و تبين الستر و انتي ماتدرين مصيرج شبيكون وياه

ان شاءالله راح ايلج اللي يخاف ربه و يستر عليج و على عيالج و عليج بالدعاء و لا تستعيلين ..

موفقه

 

[انثى عاشقة]

انتي مريتي بتجربة مريرة
المطلوب ماتعيدين التجربة المرة ثاني
بمعنى فكري مليون مرة باختيارج
لا سكران ولا بالسر
والله يسخر لك المناسب لك يارب ​

 

[شامبو]

لا حرام

خافي على اعيالج و روحج من هالسكران