اتزوج و الا لأ !؟

[سمينة سابقة]

السلام عليكم
اكتب موضوعي هذا وانا دموعي تسبق كل كلمة لكم
خواتي ورفيجاتي وامهاتي وكلن بمقامه انشدكم عن حل لمشكلتي
ابلغ من العمر 28
ام لطفلين بنت وصبي
مطلقة من سنة بعد زواج دام عشر سنوات
مشاكلي مع طليقي انتهت بعد ما هاجر كونه غير كويتي
واخير عرفت انه انا وعيالي محد بيفرقنا عن بعضنا
لكن بعد هالراحة من المحاكم والخوف من ان فكرت اني اتزوج راح
يشتكي وياخذ عيالي مني !
الحين انصدمت بواقع مر اني مو قادرة اوفر لقمة لاطفالي ولا حتى سكن كريم
لأن ما عندي الا شهادة الثانوية العامة وفرص العمل قليلة
ولأن الكويت ديرة خير عرفت ادبر اموري
من الناس الطيبة امثالكم
انا من جنسية عربية لكن امي كويتية سهلهتلي جنسية امي بعض من اموري
مشكلتي اللي ابي رايكم فيها
اني ابي اتزوج وخايفة شلون اطلع من تجربة مريرة !!
للحين نفسيتي تعبانة
المحكمة خلتني احتك بالجنس الاخر
وعرفت اني مرغوبة الى نوعا ما بعد ما كان محطم فيني طليقي كل احساس بأنوثتي
الحين اتقدملي واحد سيء ولكن !!
سيء لأنه يشرب
ولكن ,, لأنه ممكن يستر علي انا وعيالي
شنو الدبرة ابي اعيش اليهال
اهلي مو دايمين لي وبالاحرى اهلي ما يبوني اعيش بروحي يبون باي طريقة اتزوج
كوني على قولتهم محط اهتمام الكثير
وكون بعد طلاقي يتني عروض حلوة للزواج
السؤال الحين
هل ارضى بواحد متزوج ؟!! ويكون زواجي له بالسر !
هل ارضى باللي يشرب لأنه ممكن يساعدني ماديا وبسخاء !!
ابي عفية بنات رايكم !
ابي كلمة حق وان كانت قاسية
خايفة بروح باقي عمري وانا ودي اتزوج للمرة الثانية واكون اسرة
انا مو اخر ولا اول من تزوجت عقب طلاقها
وشرايكم بنات بالخطابة ؟
اتمنى لكم حياة هانئة وسعيدة والله يتمم عليكم وعلى اهاليكم

وبارك الله لكم
وسلامتكم

 

[FeShinGoOo]

والله اختي خافي ربج
اشلون تبين التوفيق وانتي راضيه بواحد يشرب ..؟؟
فكري بربج قبل ماتفكرين بانوثتج او بالماديات ..!!
ماتخافين هاذا الي يشرب على يوم يدش سكران ويغتصب بنتج ولا ولدج ؟؟
ماتخافين تقومين يوم تلقين روحج مقطوطه بالشارع
ماتخافين يدش عليج يكفخج ويذبحج من الطق
ماتخافين يعذب عيالج
ترى السكران مايحس بروحه ولا يدري شقاعد يسوي
انتي بدال لا تطمحين للافضل تطمحين للحضيض؟
مدام انج مرغوبه ليش تقطين روحج بالتهلكه وتقطين روحج على اول واحد طق بابج ؟
وليش تتزوجين بالسر ؟؟ يابالعلن ويفتخر فيج زوجه على سنة الله يا لاتسوين شي بالسر بس اقل شي طلقج ورد حق الاوليه وقالها نزوه صدقيني اهو شايفج نزوه وحاط فباله ان الشيء مو رسمي ومو مستمر من جذي قالج بالسر
متى ماشبع بيهدج ويرد لحياته الطبيعيه وانتي الي بتاكلينها
فكري بعقلج وخافي ربج بعيالج تراهم برقبتج وانتي مسؤله عنهم مدامج مدبره امورج حاليا حاولي تشوفينلج مشروع بسيط او تستثمرين شي من رزقج حق الظروف
كثري من سورة الواقعه والرحمن بنية زيادة الرزق وصدقيني بتشوفين الخير باذن الله وببركه كلامه الكريم

 

[مسس وايت]

انصحج .. جابلي عيالج ودوري وضيفه

محد يفيدج غير عيالج

 

[سمينة سابقة]

والله اختي خافي ربج
اشلون تبين التوفيق وانتي راضيه بواحد يشرب ..؟؟
فكري بربج قبل ماتفكرين بانوثتج او بالماديات ..!!
ماتخافين هاذا الي يشرب على يوم يدش سكران ويغتصب بنتج ولا ولدج ؟؟
ماتخافين تقومين يوم تلقين روحج مقطوطه بالشارع
ماتخافين يدش عليج يكفخج ويذبحج من الطق
ماتخافين يعذب عيالج
ترى السكران مايحس بروحه ولا يدري شقاعد يسوي
انتي بدال لا تطمحين للافضل تطمحين للحضيض؟
مدام انج مرغوبه ليش تقطين روحج بالتهلكه وتقطين روحج على اول واحد طق بابج ؟
وليش تتزوجين بالسر ؟؟ يابالعلن ويفتخر فيج زوجه على سنة الله يا لاتسوين شي بالسر بس اقل شي طلقج ورد حق الاوليه وقالها نزوه صدقيني اهو شايفج نزوه وحاط فباله ان الشيء مو رسمي ومو مستمر من جذي قالج بالسر
متى ماشبع بيهدج ويرد لحياته الطبيعيه وانتي الي بتاكلينها
فكري بعقلج وخافي ربج بعيالج تراهم برقبتج وانتي مسؤله عنهم مدامج مدبره امورج حاليا حاولي تشوفينلج مشروع بسيط او تستثمرين شي من رزقج حق الظروف
كثري من سورة الواقعه والرحمن بنية زيادة الرزق وصدقيني بتشوفين الخير باذن الله وببركه كلامه الكريم

شاكرتلج كلامج ونصحج
حقيقة شي ما غاب عن بالي لكن تفكيري اني ممكن اوكل عيالي وانستر طغى على سالفة انه يشرب
يعني معقول ما راح يعقل ؟
احبج في الله وما قصرتي على غاريتج واهتمامج بيض الله ويهج ما قصرتي

 

[سمينة سابقة]

انصحج .. جابلي عيالج ودوري وضيفه

محد يفيدج غير عيالج

حاليا انا اشتغل براتب اقل من اجار بيتي !!
ففكرة الزواج راح تنقذني من الحاجة !
مشكورة على اهتمامج ونصحج بارك الله فيج حبيبتي

 

[ام كوثر2007]

طبعا من حقج انج تدورين علي ريال يضفج ويستر عليج ويشوف طلباتج وخصوصا انج بعمر صغير .

ومو من حق اي شخص يقولج انهي حياتج وقعدي ربي بعيالج

لانه مو كلنا نفس الظروف . في حريم تقعد علي عيالها وتربيهم وفي حريم لا والله ما تتحمل تقعد من غير ريل . وبكلا الحالتين الحمدلله نتي ماشيه بالحلال .

بالنسبه للشخص اللي يشرب . مو شرط انه يكون انسان مو زين . لكن بمجرد انج قلتي عندي بنت . اهنيه اشوي خفت .
خفت علي البنت . خصوصا انها بنت ومهي بنته . وما تدرين هالريال اشلون طريقته بالشرب . في ناس تشرب وتطخ وتهدا . وفي ناس تشرب وتصير شبيه للحيوانات مكرم السامع .

وهالشي لازم تحطينه براسج مو عشانج عشان بنتج ما يصير فيها شي وعقب تقعدين تلومين نفسج عقب ما يطيح الفاس بالراس .

الزواج بالسر .. ما ادري والله علي حسب ظروفج . بس اذا انتي مفكره انج تبين تستقرين وتكونين اسره ثانيه . زواج السر ما راح يوفر لج هالشي . لانه بالسر , ومستحيل هاللى بتزوجينه بيرضي انج اتيبين منه عيال ,

وبعدين محد يضمن انه هالزواج يستمر يمكن بمجرد ما تعرف زوجته يطلق لا سامح الله خصوصا انج مثل ما قلتي مو كويتيه ومع الاسف اغلب الرياييل يشوفون انه الوافده ما وراها ظهر خصوصا بالامور هذى ..

دام مثل ما قلتي انج انتي جميله الحمدلله ومو ناقصج شي ومرغوب فيج . ليش ما تنطرين نصيب ثاني . يمكن اييلج شخص مطلق ما عنده عيال أو شخص مو متزوج لكن كبير بالعمر . يقدر وتقدرين تفتحين معاه بيت وتكونين اسره ثانيه.

عسى الله يسخر لج امورج يارب . ولا تستعيلين بأتخااذ القرار .

 

[تحت ظلك]

الخطابه فضل حل وسألي عن أي رجال يخطبج أما سكران فهذا اكبر غلط بحياتج

 

[*الهنوف*]

لا طبعا ماتوافقين
لان الشرع قال من ترضون دينه وخلقه
واللي يشرب وين دينه وخلقه
بتقطين نفسج بالتهلكه
هذا يشرب يعني بيكون اغلب الاحيان غايب عن الوعي اخذي عاد من الافعال الشينه وفلوسه رايحه للشرب وين بيصرف عليج
دام تقدمو لج ناس قبل ليش ماوافقتي ورضيتي بالسكير والعياذ بالله
ربج ماينسا عبده اذا موقادره تربين عيالج وديهم عند ابوهم لفتره خليه يتحنل مسوليتهم

انتي اذا وافقتي عالسكير بتضيعين نفسج اكثر
وين عقلج لما فكرتي بهالشي يمكن عشا الدنيا سكرت بوجهج مالومج بس الحمدلله انج عرضتي مشكلتج عشان ننصحج ونصحيج من غفلتج
ديري بالج واستخيري ربج ولا ترنين تفسج بالتهلكه*

 

[سمينة سابقة]

طبعا من حقج انج تدورين علي ريال يضفج ويستر عليج ويشوف طلباتج وخصوصا انج بعمر صغير .

ومو من حق اي شخص يقولج انهي حياتج وقعدي ربي بعيالج

لانه مو كلنا نفس الظروف . في حريم تقعد علي عيالها وتربيهم وفي حريم لا والله ما تتحمل تقعد من غير ريل . وبكلا الحالتين الحمدلله نتي ماشيه بالحلال .

بالنسبه للشخص اللي يشرب . مو شرط انه يكون انسان مو زين . لكن بمجرد انج قلتي عندي بنت . اهنيه اشوي خفت .
خفت علي البنت . خصوصا انها بنت ومهي بنته . وما تدرين هالريال اشلون طريقته بالشرب . في ناس تشرب وتطخ وتهدا . وفي ناس تشرب وتصير شبيه للحيوانات مكرم السامع .

وهالشي لازم تحطينه براسج مو عشانج عشان بنتج ما يصير فيها شي وعقب تقعدين تلومين نفسج عقب ما يطيح الفاس بالراس .

الزواج بالسر .. ما ادري والله علي حسب ظروفج . بس اذا انتي مفكره انج تبين تستقرين وتكونين اسره ثانيه . زواج السر ما راح يوفر لج هالشي . لانه بالسر , ومستحيل هاللى بتزوجينه بيرضي انج اتيبين منه عيال ,

وبعدين محد يضمن انه هالزواج يستمر يمكن بمجرد ما تعرف زوجته يطلق لا سامح الله خصوصا انج مثل ما قلتي مو كويتيه ومع الاسف اغلب الرياييل يشوفون انه الوافده ما وراها ظهر خصوصا بالامور هذى ..

دام مثل ما قلتي انج انتي جميله الحمدلله ومو ناقصج شي ومرغوب فيج . ليش ما تنطرين نصيب ثاني . يمكن اييلج شخص مطلق ما عنده عيال أو شخص مو متزوج لكن كبير بالعمر . يقدر وتقدرين تفتحين معاه بيت وتكونين اسره ثانيه.

عسى الله يسخر لج امورج يارب . ولا تستعيلين بأتخااذ القرار .

مادري شقولج كلامج مثل البلسم على روحي
اختي الغالية
انا صج ان ترددت فقط لأنه عندي بنت
لألأمانة مستعدة اموت نفسي بس عيالي لا يحوشهم ضرر من بعيد او قريب
ابي لا كبرو قالو امي تعبت وربتنا وكانت ام وابو لنا !
حبيبتي بخصوص الريال اللي متقدملي اهو مزواج اساسا تفكيري اني اتزوجه
واكيد بيكون لاهي مع حريمه
وما اكون حتى ظلمت وحدة من حريمه
واهو ميت على الضنا فأكيد بيحب عيالي
والله مادري شقولج ظروفي ممكن تخليني اقط نفسي
الحمدلله على كل حال
شاكرتلج واتمنالج كل السعة والخير بحياتج حبيبتي

 

[سمينة سابقة]

الخطابه فضل حل وسألي عن أي رجال يخطبج أما سكران فهذا اكبر غلط بحياتج

الخطابة حل وارد بس هل بينظرلي طول عمري انه متزوجني من خطابة ؟.

 

[سمينة سابقة]

لا طبعا ماتوافقين
لان الشرع قال من ترضون دينه وخلقه
واللي يشرب وين دينه وخلقه
بتقطين نفسج بالتهلكه
هذا يشرب يعني بيكون اغلب الاحيان غايب عن الوعي اخذي عاد من الافعال الشينه وفلوسه رايحه للشرب وين بيصرف عليج
دام تقدمو لج ناس قبل ليش ماوافقتي ورضيتي بالسكير والعياذ بالله
ربج ماينسا عبده اذا موقادره تربين عيالج وديهم عند ابوهم لفتره خليه يتحنل مسوليتهم

انتي اذا وافقتي عالسكير بتضيعين نفسج اكثر
وين عقلج لما فكرتي بهالشي يمكن عشا الدنيا سكرت بوجهج مالومج بس الحمدلله انج عرضتي مشكلتج عشان ننصحج ونصحيج من غفلتج
ديري بالج واستخيري ربج ولا ترنين تفسج بالتهلكه*

الله يباركلج وانا اقدر كل حرف انكتب معاي او ضدي حبيبتي
اكيد انتو بتشوفون المشكلة بشكل اوضح مني !
لأني للحين بهالمعمعة ضايعة مابين اقساط مدارس و وبين اجار بيت و هموم طلبات اليهال
الله يقدرني على ان اربيهم تربية حسنة اللهم امين
وبارك الله فيج حبوبة

 

[سفيره الكويت]

طبعا لا حبيبتي رضى ربج اهم من كل شي ولو وصلت فيج تاكلين من القمامه لا سمح الله ولا انج تعيشين تحت رحمه انسان سكران

حبيبتي اذا انتي مرغوبه قدمي نفسج لخطابه او شي والله يوفقج

 

[سفيره الكويت]

طبعا من حقج انج تدورين علي ريال يضفج ويستر عليج ويشوف طلباتج وخصوصا انج بعمر صغير .

ومو من حق اي شخص يقولج انهي حياتج وقعدي ربي بعيالج

لانه مو كلنا نفس الظروف . في حريم تقعد علي عيالها وتربيهم وفي حريم لا والله ما تتحمل تقعد من غير ريل . وبكلا الحالتين الحمدلله نتي ماشيه بالحلال .

بالنسبه للشخص اللي يشرب . مو شرط انه يكون انسان مو زين . لكن بمجرد انج قلتي عندي بنت . اهنيه اشوي خفت .
خفت علي البنت . خصوصا انها بنت ومهي بنته . وما تدرين هالريال اشلون طريقته بالشرب . في ناس تشرب وتطخ وتهدا . وفي ناس تشرب وتصير شبيه للحيوانات مكرم السامع .

وهالشي لازم تحطينه براسج مو عشانج عشان بنتج ما يصير فيها شي وعقب تقعدين تلومين نفسج عقب ما يطيح الفاس بالراس .

الزواج بالسر .. ما ادري والله علي حسب ظروفج . بس اذا انتي مفكره انج تبين تستقرين وتكونين اسره ثانيه . زواج السر ما راح يوفر لج هالشي . لانه بالسر , ومستحيل هاللى بتزوجينه بيرضي انج اتيبين منه عيال ,

وبعدين محد يضمن انه هالزواج يستمر يمكن بمجرد ما تعرف زوجته يطلق لا سامح الله خصوصا انج مثل ما قلتي مو كويتيه ومع الاسف اغلب الرياييل يشوفون انه الوافده ما وراها ظهر خصوصا بالامور هذى ..

دام مثل ما قلتي انج انتي جميله الحمدلله ومو ناقصج شي ومرغوب فيج . ليش ما تنطرين نصيب ثاني . يمكن اييلج شخص مطلق ما عنده عيال أو شخص مو متزوج لكن كبير بالعمر . يقدر وتقدرين تفتحين معاه بيت وتكونين اسره ثانيه.

عسى الله يسخر لج امورج يارب . ولا تستعيلين بأتخااذ القرار .

انا من زمان انتقد ردودج السلبيه تحرضينها تاخذ واحد سكران بدال لا تنصحينها انه هذا حرام وكلنا

ندري السكران غالبا مايصلي !!

:eh_s(10):


اقولج ماعليج منها صاحبه الموضوع وان شاء الله ييلج الافضل منه

 

[ذهبه]

لا تتزوجين سكران لانه مثل ماقالو البنات مايجوز وممكن يضيّع حياتج وحياة عيالج
ولا تتزوجين بالسر ..مايجوز ..لازم التشهير والكل يدري فيه
محد راح ينفعج الا واحد ..تدرين منو ؟ الله سبحانه وتعالى..صلي قيام الليل وتقربي منه وادعي من كل قلبج ..ولازم ترضينه قبل لا تدعين يعني تتركين المعاصي مثل : الكذب \سماع الاغاني وإلخ
وادعي ربي انه يرزقج خير الزوج الصالح اللي يصونج انتي وعيالج ..ترا الرزق مراح إييج من الزوج ..لا من رب العالمين
والله يستر عليج ان شاء الله ويحفطج

 

[ذهبه]

انا من زمان انتقد ردودج السلبيه تحرضينها تاخذ واحد سكران بدال لا تنصحينها انه هذا حرام وكلنا

ندري السكران غالبا مايصلي !!

:eh_s(10):


اقولج ماعليج منها صاحبه الموضوع وان شاء الله ييلج الافضل منه

أتفق وياج..لان للأمانه شفت تعليقها ام كوثر وخفت قلت لازم انبه صاحبه الموضوع انه مايجوز ..السكران سكران ماله حالات ..ارتكب معصيه ..وهم كان عندها الزواج بالسر عادي ..هم مايجوز لازم التشهير فيه ..
يابنات لازم تطبقون شريعه ربكم قبل احتياجاتكم

 

[سمينة سابقة]

طبعا لا حبيبتي رضى ربج اهم من كل شي ولو وصلت فيج تاكلين من القمامه لا سمح الله ولا انج تعيشين تحت رحمه انسان سكران

حبيبتي اذا انتي مرغوبه قدمي نفسج لخطابه او شي والله يوفقج

الله المستعان وان شاء الله انا بديرة خير ما توصل اني اكل من خمام حشا اللي يقرون
بيض الله ويهج وشاكرتلج على نصحج حبيبتي

 

[سمينة سابقة]

لا تتزوجين سكران لانه مثل ماقالو البنات مايجوز وممكن يضيّع حياتج وحياة عيالج
ولا تتزوجين بالسر ..مايجوز ..لازم التشهير والكل يدري فيه
محد راح ينفعج الا واحد ..تدرين منو ؟ الله سبحانه وتعالى..صلي قيام الليل وتقربي منه وادعي من كل قلبج ..ولازم ترضينه قبل لا تدعين يعني تتركين المعاصي مثل : الكذب \سماع الاغاني وإلخ
وادعي ربي انه يرزقج خير الزوج الصالح اللي يصونج انتي وعيالج ..ترا الرزق مراح إييج من الزوج ..لا من رب العالمين
والله يستر عليج ان شاء الله ويحفطج

حبيبتي انتي
بيض الله ويهج على النصيحة والتنبيه
تهقين ما من توبة له ؟
يمكن الله يصلحه على ايدي
ويحبني ويحب عيالي وان يبتله ضنا يطخ ويتسنع :eh_s(2):

 

[ام كوثر2007]

حبيبتي انتي
بيض الله ويهج على النصيحة والتنبيه
تهقين ما من توبة له ؟
يمكن الله يصلحه على ايدي
ويحبني ويحب عيالي وان يبتله ضنا يطخ ويتسنع :eh_s(2):

حبيبتي سمينه سابقه .. لا تخلين ظروفج اللى تمرين فيها حاليا تسكر عيونج عن الواقع .

انتي الحين بحاجه ماسه للماده عشان توفرين لقمه عيش حقج وحق عيالج .


من حقج يا قلبي ولام الله من لامج .. اصعب شي علي الانسان لا شاف نفسه مشلول لمن احد من عياله يطلب منه طلب ..


ما الوومج لاني ام .. واحس بأحساس المحتاج وعسى الله لا يحوجج لحد ..


لكن ما يمنع انج تسكتين عن سالفه السكران هذا .. انتي قلتي يمكن الله يهديه علي ايدج .. صح كلامج بس تهقين في شي مضمون ؟


دايم افترضي الاسوء عشان ما تنصدمين بعدين.

لو افترضنا انه ما تسنع . وشفتي الويل منه . شبتسوين ساعتها؟


لو افترضنا انه قبل لا الله يهديه سوا بلوه فيج او بعيالج ذيج الساع بيفيد الندم ؟؟؟؟؟؟


قلت لج اني ادري بمعاناتج . وادري شكثر انتي محتاجه للاستقرار النفسي والمادي والعاطفي


لكن ما يمنع انج تتريثين اشوي قبل اتخااذ اي قرار ..


واول وتالي هذى مشكلتج وظروفج محد بيحس فيها كثرج ..


يمكن احنا نكتب لكن مو عايشين حالتج . لكن احنا خواتج . وانتي طلبتي النصيحه . وانا كلمتج كانج اختي بالضبط .


استخيري ي قلبي . استخيري اكثر من مره . ودايم قولي هالدعاء . اذا ياربي انته شايف انه هالشخص فيه خير لي قربه لي ويسر اموري معاه . واذا شايف انه فيه شر لي ولعيالي بالمستقبل امحي ذكره من عقلي ولا تخليه يطري علي بالي .


وربج رب قلوب ونوايااا .. وعالم مافي الصدور .

عسى الله يمسح علي قلبج ويخليج تعرفين وين طريج الصح عشان تمشينه ..


موفقه وطمنيني عليج .​

 

[قلبي وينك]

انتي اوردي مطلقه فلا تعيدين التجربه مره ثانيه ما اقولج لا تتزوجين لا طبعاااااااااااااااااا بس الدنيا ما خلت الا من هذا السكير
انتي تدرين شمعنى انه سكير يعنى شارب خمر = فاقد وعيه والفاقد ممكن يطقج لين الموت اسم الله عليج يمكن يـأذي عيالج وهم رأس مالج ودنيتج يمكن يجيب لج ناس بالبيت سكارى
من ترك شئ لله عوضه الله خير منه

 

[الحللللوه]

الله يفررج همي وهمك وكلل مهمووم