اتزوج بدون عرس (( رايكم بنات ))

[ريم الروقي]

أمممممم
انا خبري تكاليف العرس على المعرس نفسه
وانتي كذا ولا كذاك
راح تجيبين كوشه ودي جي سواء بالبيت او بصالة الأفراح
والأفضل بصالة أفراح لا تحوسييين في بيتكم خراب وزحمه
ولا تتكلفين كل ما كان الشي بسيط ومرتب كل ما كان أحلى
ومبرووك
​

 

[fatomd]

انا سويت بالبيت و تحسفت
حتى بالبيت مخاسير و تعب امي طاحت مريضه و السبه حوسه ملجتي
و الله انتي سوي اللي يريحك و ما عليك من الناس
اهم شي النفنوف و المصورة و المشكله هذيل يكسرون الميزانيه بالبيت او بالفندق
انا اللي تحسفت عليهم اكثر شي

 

[كيوت قطر]

يعطيكم العافيه ,’ فديتكم يابنات الكويت ,

بنات بس بنوه لكم شغله , اعتقد تكاليفكم للعرس غير عنا
حنا في قطر تكاليف العرس واايده يعني فوق خمسين الف ريال بس حجز القاعه للنساء
وتجهيز الطاولااات ودجي والكوشه والتصوير وغير عرس الرجال مب في حسبة الخمسين الف ريال
يعني بينصير اضعاف اضعاف من المبلغ , و الاسعار عندنا نار لووول


انا قاعده افكر والتكاليف ع زوجي ,
انا اول وحده اتزوج من البيت وريلي بعد اول واحد بيتزوج من اخوانه لوول

والمشكله انوو اهلي اللي برع بيجون وحتى اهوو اهله بيون
والكل ينظر هاليوم لانوو انا اول وحده بتزوج من عايلة امي هههههه

ريلي يقدر وانا ماقلت له والحمدالله
بس انا مابين بين قاعده احووس وافكر ع المخاسير
واخرته ياناس بيستانسون ولا بيحقدون

واذا بسوي عرس في قاعه , لااازم اعزم الكل
ويكون عرس فخم لانه هاي اول فرحه ليتهم ولبيتنا

وان شاااء الله بستخير , بس قلت اجوف تجاربكم

والله يوفقنا ويوفقكم حبايبي

 

[๓ίşś зśŏłả..!]

خووش فكـره

بس مادري احس حلاته يكون عرس ولا ما احس
هذا رايي وانتي براحتج والله يوفقج

 

[فوق الثريا محلي]

الله يوفقج الغالية سوي عرس بسيط

 

[شواخي]

والله اهنيج عالتفكير

انا تزوجت بجراند حياه وسويت عرس كبير ،،

بس ترى هو وناسه الربع واللمه مو مهم المكان

انا اقول الحين فالبيت اكشخ
وعزمي ربعج وسوي الي تبينه

واي مساعده دزي لي خاص يابنت بومشعل

 

[يارب احفظ عيالي]

الله يوفقج

 

[^حرامية غسيل ^]

انا ماانصح بالعرس
احس ماله دااعي حفله صغيرة ملموومه احلى واونس
وثاني يوم سفره

صج صج وناااااسه

 

[دلوعة المنتدى]

حفله بسيطه والفلوس سافري فيهم واستانسي لان الناس ما يعجبهم العجب ولا الصوم برجب
والله يوفقج حبيبتي انشاءالله وتستانسن يارب انشاءالله ..​

 

[N O R A]

انا اشوف اذا قادرة ليش لا

سوي واستانسي وطلعي يلي بخاطرج

الفلوس رايحه رايحه

اهم شي تذكرين انه عرسج كان روعة وانج استانستي فيه

وترى حتى فالبيت الاكل غالي والدي جي غالي والميكب والفستان واحسبي التوزيعات

يعني كله كله بيكلفج

فاحس مو حلو فالبيت سوي فالصاله واعتدلي فالصرف

لا تصرفين وايد ولا تبخلين على روحج

 

[^روح غاليها^]

الله يوفقج ويرزقج الذرية الصالحه
​

 

[اخت خالتهم]

اهـو يفـرق طبعـا ..
انا عن نفسـي ما راح أرضـى .. لأن أبـي أجـرب اللي جربـوه البنـات ..
بس أعـرف وايد سوو بالبيـت .. وعـادي مو متحسفيـن
يفرق بينج وبين وحده ثـانيه
موووفقـه حياتي

 

[ام زهقانه]

سوي عرس علي كيفك اهم شي انك تحسين انك عروس واذا ما سوتي راح تتحسفين بعدين الوحده كم مره تبي تصير عروسه
افرحي وانا اقلو لج ققققققققققللللللللللللللللللوششششششششششششش

 

[ذكرى الايام]

من ناحية الخساير بتخسرين وغير جذي الزعلان اكثر من الراضي
وانتي ملزومه لما يكون في قاعه تعزمين اهلكم ومعارفكم
غير بيقولون هذا ناقص وفكرتهم ما فيها شئ جديد ومن هالكلام
لكن لما بيكون في البيت ملمومه ومختصرة احسن والله يبارك فيها
فما هان تبارك عسى الله يوفقكم ويجملك بعيون زوجك
اهم الشئ التوفيق عسى ربي يحفظج

 

[شندوخه]

اذا عندج بالبيت مكان ومساحه حلوه احسن انج تسوينها بالبيت
لان بتكون محفوفه وبتعزمين الناس اللي على قلبج ويحبونج مو يتغبطونج ويتكلمون فيج من وراج ومايعجبهم اي شي تسوينه
واصلا راح تستانسين والله العروس اللي تكون محفوفه وبالبيت سبحان الله تونس

 

[ابدا يالغالي مانساك]

ربي يوفقج
وحلو فكرتج
وعسي ربي يتمم عليج ويسعدج ويوفقج

 

[الزيـــــ^^ـــــن]

أنا اايد العرس لان ليييييييله بالعمر

 

[amoona89]

موشرط تسووين بقااعه كبيرره اخذى لج قااعه تكوون منااسبه
واكشخى والبسي وتميزي لانها ليلة عمرج لاتتحسفين عليهااا وتحسفين انج قطيتي مصااريف
بالعكس انتي قاطتهم على عرسج موعلى شي ثااني والووحده موكل يووم تتزوج
عسى ربي يهنيج ويسعدج ياارب​

 

[ام ميميتو]

انا ما سويت عرس وما ندمت بالعكس لان كل ماروح عرس و اسمع الناس شلون يتكلمون و يعلقون اقول بقلبي الحمدلله ما سويت عرس حبيبتي بعض الاعراس الحين صارت حق تنقل الكلام و يشوفون العروس شنو لابسه ومنو احلى هي ولا المعرس و شنو حاطين بالبوفيه وكلام فاضي انا من راي سافري احسن

 

[ام ميميتو]

نسيت اقولج شغله حبيبتي تأكدي ان الي يحبونج صج بيفرحون لج بعرس و بلا عرس انا دايما اقول ( المعاريس اثنين والي يزعلون الفين) المعنى ان مهما سويتو الناس ما يعجبهم شي و بالتوفيق حبيبتي