اتخلين خدامتج اتبوس عيالج ؟؟؟؟؟

[fofo28]

مو لازم تجيبون خدم
وارتاحو منهم
لا تقولين باست ولا شمت

 

[عسل فى العسل]

اي اخليها ليش لا

اهي بشر حالها من حالنا وبعدين اذا حسستها اني ما ابيها تبوس ولدي اكيد بتحقد ولا راح تحن عليه

 

[*E.B.D.A.3*]

حدج نفسي
مع ان انا مو أم، بس اربي اعيال اختي
اتنرفز لمن اشوف الخدامة تسوي جذي
بس ماقدر امنعها عشان لا تحقد عليه وعلي
اخليها .. بعد شسوي :\

 

[njoom1]

رد : اتخلين خدامتج اتبوس عيالج ؟؟؟؟؟

انا ما احبهااا تبوووس بس شنسوي نبي الحياة تمشي لوووول

 

[~ الــــزيــــن ~]

بصراحه انا عادي عندي تبوس عيالي

 

[اريج الجوري]

رد : اتخلين خدامتج اتبوس عيالج ؟؟؟؟؟



تبوسهم احسن من تطقهم ,,,


وبعدين اللي تقول ويييييع ليش يعني اهيا ماتطبخ ماتغسل ,,,


نفس الشي ,,,


وبالنسبه للأمراض اعتقد انكم مسوين لها فحص وعارفين انها سليمه ,,,


وهم في ناس من اهلكم فيهم امراض شدراكم ؟؟؟

 

[NFOOOL]

قبل ما كنت احب بس صار عندي عاادي بس ولا مرة قلت حق خدامه لاتبوسين بالعكس داام انه الخدامه تبوس الياهل معناته تحبه واذا ما باسته جدامي بتبوسه من وراي مع أنه ريلي يعصب اذا الخدامه باست اليهال

 

[sondos]

رد : رد: اتخلين خدامتج اتبوس عيالج ؟؟؟؟؟

وووووووويع
ذيج المره ريلي شافها تمسح على راس بنتي زفها زفه سنعه

ليش عااد؟؟؟ ما مسحت عليها الا اهى حنونه عليها وحابتها .....مو احسن من اللى يطقون اليهال ولا يسممونهم؟؟(سمالله على عيالنا جميعاا) يمكن تذكر عيالها ؟؟ يمكن مشتاقه لهم؟؟.....هم الخدم ناس لهم مشاعر واحساس

دام الخدامه موجوده لالالابد ان بتخلين عندها البيبي ......خل تبوسها شفييها؟؟ مو الخدامه بالمطبخ وبالبيت يت على البوسه ؟؟

واذا راعيه البيت معلمتها على النظافه خلاص ماكو شى تخافين منه ...

 

[جـوود الحب]

رد : اتخلين خدامتج اتبوس عيالج ؟؟؟؟؟

احسها مشكله من لامشكله الله يهداج خليها تبوسه
مو لهاالدرجه !!!!!
عجيب امركم والله اذا خايفه منها انتي مافحصتوها قبل ماتجيبونها اذا فيها امراض سفرووها !!!>>طلع لها قرون من العصبيه

 

[wafa82]

رد : اتخلين خدامتج اتبوس عيالج ؟؟؟؟؟

اي عادي مساكين هما بشر

 

[mafio98]

اشوه انا من اهو نفااااس قايله حق الكل لاحد يبوس ويهه تبون تبوسونه بوسوا ايده ولاريله:denya:

لاني جد تعقدت عيالي خالتي كلهم يهال ويهم صار فيه خساسبه واقزيمه من كثر تبوس الاوادم والخدم

الحمد الله حتى اهلي ماخليهم قبل يبوسونه لانه بسرعه يلقط العدوه اماالحين يبوسنه عالخفيف فخدامتي تعلمت من غير كلام من كثر ماتسمعني ان ماتبوس الا ايده او ريله​

 

[ام سلومd]

وييي عادي و الله انا احب اشوف خدامتي تبوس عيالي احس انها صج تحبهم انا اخدامتي الحين مشلخه بنتي بالبوس حتى باجي عيالي تحبهم لانه من ولتهم لين الحين المرة عادتهم مثل عيالها ليش لا عاااااااادي

 

[MyLittleBerry]

رد : اتخلين خدامتج اتبوس عيالج ؟؟؟؟؟

انا ماعندي خدامه

بس لو عندي عادي خلتبوسه

مو احسن من اطقه

بعدين اهي بشر حالها حالنا

 

[ام فهووودي]

عادي اخليها اتبوسهم لانها امجابلتهم واهما يلعبون او تقعد معاهم مومعقوله راح امنعها واهي بشر مافيها شي

 

[غـلا الـروقـي]

رد : اتخلين خدامتج اتبوس عيالج ؟؟؟؟؟

اي طبعا ولا اكلمها

 

[pinky.suger]

مو كلهم وصخين او فيهم نفس انا صراحه ماحب سالفه التزلق بويه الياهل

وبنفس الوقت ما أمنعها لأنها بشر انا ماأييب إلا فلبينيه أو أندونسيه وأنظفها تشوفينها

ودج أنتي تبوسينها من نظافتها ولها عطر خاص لأنهم يحطون كريمات ونوع بودرة لوعه

ومهما كان بشر وأنفس أرحمهم عشان يرحمون ضناي --------> جنها قلبتها دراما​

 

[صفاءء]

رد : اتخلين خدامتج اتبوس عيالج ؟؟؟؟؟

هو صحيا ممنوع البوس للطفل لان في جراثيم الككبير قادر عليهم بس الياهل لا

بالنسبه للشغاله عادي ختبوسهم بس يعني مو وايد وله على حلجهم لان حرام بالذات الي عندها ياهل هادته بنفس العمر في ديرتهم

بس ديروا بالكم لاتزودينهم وننتبه الحجي يكون بادب لهم مو بعض الناس ولله يزفون الشغالات لا ذمه وله ضمير يعني بحجي حلو لن ماتسنعت عاد بعدين اسلوب ثاني

 

[([عطر رومانسي])]

كل خدم اهلي يوم ولدت يوني يسلمون علي وباسوا بنتي عادي مافيها شي وخدامتي ماكانت تقرب كلش الا لما انا خذيت بنيتي ورحت لها قلت شوفي البيبي جان تضحك من قلب صج استانست الفقيره ومن يومها تحبها ومن ادخلها شقتي العصر تركض لها وتشيلها وتلمها وتبوسها بالنهايه مسلمه ونظيفه وتصلي بعد شنو ابي اكثر من هالشي على الله

 

[q8ia7]

^^

واي كسرت خاطري ببجي


ضاق خلقي من ردود بعضكم .. اللي ويع واللي زفيتها واللي مدري شنو .. حرام والله ديرو بالكم تراهم اودام حالنا من حالهم الكبر مو زين ..