ابي وحده مجربه مساج معهد سويس الموند

[انوووس]

السلام عليكم
مرحبا شخباركم ممكن تفيدوني عن معهد سويس الموند لأن انا ابي اسوي عندهم وأخاف اقط فلوسي على الفاضي تكفوووووووووووووووون ساعدوني مليت من السمنه :lkmnkl::lkmnkl:.​

 

[أم عبدالعزيز1]

تبين نصيحتى من خبرة طوووويلة

لا تفكرين فى ها المعاهد اللى تخسس

سكرى الحلج ( حلوه هذى ) وأمشى كل يوم ساعة

وبعد الساعة 7 مساء لا تفكرين تآكلين وتعطينها بالخمس كالعاده

تحياتى لكــ
الإرداة
ثم
الإرداة
ثم
الإرداة

 

[انوووس]

مشكووورة حبوبة صح كلامج والله بس مانقدر على تسكيرت الحلج:dddds:

 

[yam_yam]

مادري و الله ماعرفه

 

[BaTtEr My HeArT]

مرحبا

والله حبيت انصحج ,, قبل تشتركين
لنى قبلج لو احد نصحنى جان ما اشتركت وقطيت فلوسى

لانه خرطى

عشر جلسات = 370 دينار وكله جذب بجذب لا تخسيس ولا نحف
يحطونج بغرفه السونا اول شى ربع ساعه ,, وبعدها الملاءه الحراريه لين تذوبين من الحر
واخرتها مساج خفيف

كيلو واحد اللى نزلته من شاى الاعشاب اللى تعطينيه الفلبينيه وهذى كل السالفه

حرااام والله ضاعت فلوسى خساره وزوجى يتشمت فينى

 

[F@ntG Q@t]

 

[وردة بيتنا]

خرابيط . انا جربته و ما نزلت شي .

كل ما اتذكره تلوع جبدي و اتحسف على فلوسي

 

[انوووس]

خرابيط . انا جربته و ما نزلت شي .

كل ما اتذكره تلوع جبدي و اتحسف على فلوسي

مشكوره حبوبه والله يوفقج ان شاءالله

 

[انوووس]

مشكورين حبايبي على النصيحة والله يستر عليكم ويوفقكم ان شاءالله

 

[الناجحه]

الحمدللة قلتولي كنت ناوية اشترك بس الله نورني

شكرا

 

[maryooma]

اي والله ترة هالمعاهد لاتضعف ولاتسوي شي كل بنات المنتدى قطاو فلوووسهم عالفاضي!! الي حيل مضايقها سمنها مالها غير الشفط والشد ماشاءالله الحين الكل طايح ابهالعملياااااات و صارت عادي ماتخوف نفس قبل!! بس ترة المشي سحر سحر!!! امشي قبل العشا كل يوم لمدة ساعة و اكلي عشا خفيف و بتحسيييين ابفرق موطبيعي!!!

 

[i love me]

انا اضم صوتي مع صوت الاخوات اللي قالوا عنه خرطي وخربووووطه وقط فلوس عالفاضي فعلا جربته ونزلت كيلو مادري كيلوين عقب ماذبت بالبطانية الحرارية اللي عندهم وعقب ماتخلصين منها مايخلونج تشربين ماي وياخذون وزنج ولا انتي ضاعفه هالكيلو و بس تردين البيت وتشربين ماي الا انتي راده هالكيلو

 

[منايا84]

واللة انتو ماعندكم سالفة اوكي ماقلنا شي لي بتضعف تخخف اكلها اولا وبعدين الحرة مهمة ياجماعة احنا مانتحرك كلش