ابي واسطة في منطقة حولي التعليميه (والله ادعيلهااللي تساعدني)

[غلطة حياتي]

الموضوع وما فيه ان ولدي تخرج من روضة بيان ونقلوه الي منطقة مبارك الكبير حسب البطاقه المدنيه وانا بصراحه ابيه في بيان بليز منو تساعدني ناظرة بيان معصلقه معانا مو راضيه تقبله الا بالبطاقه المدنيه اتكون على بيان ودينه لها بطايق اليد واليده على ب يان وشرحنا ظروفنا وما وافقت؟

 

[زلابيا]

الله يعينكم ..

انزين ليش ما تحولون بطاقاتكم المدنيه على بيان .. ؟؟ جنه اسهل لكم السالفه؟؟

 

[أوركيد]

وااايد متشددين على هالسلافة ..

ناظرتنا نفس الشي ..فيه ناس واايد ماقبلتهم إلا يوم غيروا البطاقة ..

جذي أسهل لكم ..شتسوون بعد !!

 

[غلطة حياتي]

زلابيا - اوركيد شاكره ردودكم حبايبي بس المشكله وقت انتخابات ووايد متشددين على تغيير البطاقات المدنيه في الخدمه المدنيه

 

[ra3yat almorsids]

وى عياراتهم الناظرات مو مشتهين لو يايتلهم واسطه جان وافقو انا بنتى بطاقتها المدنيه على كيفان بيت اهلى ودخلت روضة القرين ماعصلقت وياى لانه يايتلها فى واسطه

 

[عسولة الكويت]

مومشتهية والا عادي حماتي بالجهراء ودخلت ولدها عندنا بالعارضية

 

[أوركيد]

بنات ...

فعلاً حولي واايد متشددين مو مثل المناطق الثانية ..

وهذا مو من الناظرات ...لا من المراقبات والمنطقة ..

 

[غلطة حياتي]

والله صج كلامكم لو الناظره مشتهيه بيدها كل شي بس حظنا طحنا بهالنظره

 

[Harmony]

صبرى اسالج و اذا يصير ادزلج مسج اوكى

 

[Harmony]

حبيبتى عطينى المعلومات على الخاص و ان شاء الله ما يصير الا الخير

 

[غلطة حياتي]

الله كريم انشاء الله نلاقي حل

 

[غلطة حياتي]

Harmony بعد عمري والله عسى الله يفرج عليج بالدنيا وبالأخره قولي أمين إنشاء الله

ولدي اسمه : صقر فيصل عبدالحميد الشاهين

كان بروضة الأمانه في بيان ونقلوه الى مدرسة بمبارك الكبير اسمها عبدالكريم السعيد وأناأبيه بمدرسة عثمان عبداللطيف العثمان بمنطقة بيان (ابتدائيه)وبالتوفيق عمري

على فكره بريدج متروس ما يستقبل رسايل عيزت وانا ادز لج