ابي واااااااسطه يابنات بس خلاص ماني قادره

[فيونكه حمره]

شلونكم بنات بنات احس احلامي وطموحي يوم عن يوم قاعده تتحطم


طووول عمري كنت احلم بمكان معين على اساس اتوظف وارتقي فيه وكنت حاطه امالي فيه

واهوا المكان الوحيد الي كان عندي واسطه قويه فيه وللاسف الشديد الواسطه ماسوت لي شي معه انه الناس تستغرب لمه يدرون انه الفلان الفلاني يصير لي ويقولون لي شلون جذي ماسوه لج شي واهو حيل قريب مني جد مكسوور قلبي على هشي كنت اتمنى الوالد يكون عايش ويوقف معاي بهشي ويكلمه بس الله كريم..

والحمدالله انا الحين توفظت بمكان حكومي عادي بس مثل ماتعرفون الاماكن الحكوميه تقتل الطموحات مليت من القعده بلا شغل روتين ممل ودي اشتغل اكثر ودي احس اني قاعده اسوي توني بعز شبابي واحس اني بدفن روحي مثل بهل مكان

بخااطري اشتغل بالقطاع الخاص او بنك اسلامي بتقولون لي قدمي رحت قدمت لمده سنه بكل مكان وكل محاولاتي فشلت وفيه اماكن قدمت اكثر من مره جد محتاجه احد يساعدني ويوظفني قضبت الوظيفه الي انا فيها لين الله ييسر اموري بس للحين ماني عارفه شلون القالي مكان احسن من جذي وانا حاولت بكل شي


الي عندها مكان تساعدني فيه وتدري انه يبون موظفين خل تبلغني

ووالله بكون جزاها على طول حياتي وبدعي لها

 

[frawlah_83]

كلشي رزق ونصيب من الله اهو الي بيده كل شي اهو الي اوزع الارزاق مو الواسطه ولو شنو تحطين واسطه ولو اكبر واسطه ولو تحطين مليوون وحده اذا مالج نصيب بالمكان ماراح تتوظفين فيه مو الواسطه الي توظف رب العالمين اهو الي يرزق ومحد يدري وين رزقه ونصيبه وماتدرين يمكن خيره لج وذاك المكان مافي خير لج قولي الحمدلله على النعمه وعسى ان تكرهوا شيئا واهو خيرا لكم ...لما تفكرين و تومنين بهالشي انتي نفسيا بترتاحين

انتي الي عليج تسوينه انه تقدمين بكل مكان ردي قدمي مره مرتين واذا لج نصيب ورزق الله بسهل طريجج صدقيني بتاخذينه بدون واسطه ولاشي

شوفي خليني اقولج شنو مشكلت القطاع الخاص اللحين عقب ماصارت الازمه الماليه وووايد قلت فرص التوظيف بالخاص لانه الشغل قل مو نفس قبل ووايد ادارات اندمجت مع بعض وماقامو اوظفون الا اذا صج محتاجين احد وفي شاغر يعني اذا في احد استقال اعينون مكانه احد ودايما بفضلون الي عنده خبره لانه ماكو امكانيات ادزون الموظف دورات عشان يدرب يعني من لي وين لي وين اوظفون احد ماعنده خبره او خبره شويه يبيلها شويه صبر وطوله بال الاوضاع لليحين ماستقرت يبيلهم شوي وقت على مايرد الوضع نفس قبل

ردي قدمي مره ثانيه على البنوك ووايد في بنوك اسلاميه نصيحه خليج في قطاع البنوك اضمن قطاع واذا حابه تشتغلين افرع فرص توظيفهم اعلى
عندج شركات الاتصاالات ونصيحه بعدي عن الشركات الصغيره والي مو معروفه الوضع اخرع فيها

انتي شنو تخصصج ؟؟؟

وهم تابعي الجرايد في وايد جهات حكوميه بدت تنزل اعلانات انتي قدمي وشوفي نصيبج النفط المفروض ينزل لهم اعلان قريب


واذا لج نصيب ان شاءالله بتاخذينه والله ايسر امرج ووفقج ان شاءالله ادعي في كل صلاه واستغفري واللحين احنا داشين برمضان هم ادعي*

 

[فيونكه حمره]

والله اقول الحمدالله بس همن ودي اشوف نفسي حالي حال غيري

مرتاحه بس مو حابه المكان شلون بقعد اداوم 15 سنه وانا مو حابه المكان

انا اداريه وهاذي بعد كانت غلطه لو مفكره بتخصص فني وايد احسن لي

كل الاماكن الي قلتي عنها قدمت

والله كريم ومشكوره حبيبتي

 

[honey lust]

على طول شوفي الجرايد دوري اعلانات الوظايف اللي عندهم شواغر

و شوفي هالمواقع ان شاء الله يفيدونج لانه اغلبهم يبون موظفين بخبره

http://www.q8cv.com/MakeSearch.asp

http://www.krbonline.com/arabic/index-ar.php

http://www.bayt.com/ar/kuwait/job-search/

 

[iNoor]

هناك خطة طموحة لتوفير ما يقارب (2200) فرصة عمل للكويتيين فى مختلف التخصصات الفنية والإدارية من خلال برنامج زمني لإعلانات التوظيف خلال السنة المالية الحالية للمؤسسة وشركاتها التابعة تحددت للأشهر يوليو / اكتوبر / مارس للفئات "حديثي التخرج" من حملة الشهادة الجامعية والدبلوم التطبيقي إضافة إلى تنفيذ الدورات التدريبية التخصصية لــــ "مشغل مصفاة / فني مختبر / برامج السكرتارية وإدارة المكاتب"، وكذلك نشر إعلان لذوي الخبرة.

من صفحة مؤسسة البترول عالفيسبوك

 

[فيونكه حمره]

مشكورين بنات على الاخبار الطيبه

 

[واوا ا]

حبيبتي حمدي ربج واشكريه في غيرج والله يتمنى الوظيفه اللي انتي فيهااا .. انا الحين تخرجت وقاعده في البيت اتمنى اني اشتغل بالقطااع الحكومي بس للاسف انا مو كويتيه فما اقدر فياا اختي شوفي الناس اللي اقل منج وقولي الحمدلله والله كريم انشالله يحقق لج اللي تتمنين قولي آآآآمين

 

[ADAMS]

آآآآآآآآخ بس لو كل شي نتمناه يتحقق

 

[رحيل المرافيء]

طيب ادارية اشتغلي بمدارس خاصة
اشتغلي بجامعات خاصة

 

[فيونكه حمره]

قدمت بالجامعات الخاصه كلها


وماكو اي نصيب

 

[فيونكه حمره]

up up up

 

[أإلع ـشق دلع ـهـأإ]

.










استخيري قبل لا تسوين اي شي ..

ظلي ادعي ربج وادعي وادعي

صدقيني ان كاان لج ربي بيسر اموورج ..

اما اذا شر لج بيصرفه عنج ..

انتي مااتدرين وين الخيره .. ؟! يمكن المكان اللي تبينه لو توظفتي فيه صارت لج مشااكل وبلاوي !!

والله رزقج الوظيفه هذي لانها خيره لج تغنيج عن المشاااكل !!

ماااتدرين وين الخيره فيه ..

الله يعلم وانتم لاتعلموون

عسى ان تكرهوا شيء وهو خير لكم وعسئ ان تحبوا شي وهو شر لكم

فانتي ادعي دعاء الاستخااره

والله يكتبلج الوظيفه اللي تكون خيره لج









.

 

[جلكسيه اس 3]

وااااااااي قولي الحمدلله
غيرج مو لاقي
صح مافي تطور بدوامج بس والله نعمه
دوام مريح
اذا انتي تبين شي فيه تعب
ترا ما كو الا الاسطه اهيا اللي اتساعدج
عموما الله يوفقج

 

[مدام زيزو]

اختي انا ماعرف بلتفصيل بس دشيت موقع اعادة الهيكلة لقيت واااايد وظايف
بس اعتقد لازم تسجلين بموقعهم او تروحين لهم عموما رقمهم103

 

[ابتسامه فورايفر]

حمدي ربج يقلبي انا سنيتن قاعد مو لاقيه وظيفة حمدالله ع كل حال بس ماشاء الله باين انج طموحة الله يوفقج بالله فيه خير

 

[دمثة]

استخيري احسن لج

 

[رقيه وسبيجه]

الحمدلله انج بوظيفه هذي بس تكفي عالاقل تسد حاجتج وتشيلين نفسج من غير منة احد والله
اشكري ربج انج متوظفه وعسا الله يرزقج باللي فيه الخير لج ان شاءالله
احنا مولاقيين وظايف والله وانا تخصص برمجة حاسب آلي مولاقيه وظيفه