ابي نبذه عن مطاعم الافنيوز بليز بنات جاوبوني ظروري

[غرام 20]

السسسلام عليكم

شلونكم خواتي


هذا اول موضوع اكتبه واتمنى الكل يفيدني
خواتي بالمتوسط نجحوا وانا قررت اعزمهم بمطعم بالافنيوز يعني مطعم صيني ايطالي اي شي بس مطعم محترررم اكله لذيذ وانا كلش ما اعرف بمطاعم الافنيوز حدي ماك وبيتزا هت ومياس وايكيا
ابي مطعم عائلي واكله حلوو ومعقول انا حدي 50 دينار وخواتي 3 مع الوالده وطبعا انا

ابي تعطوني اسم المطعم وين في تحديدا واسعارهم اهم شي اهم شي الاكل ابيه حلوو

 

[الحورية الصغيرة]

عندج أشــاز الهندي بس قعدت المرينا أحلى صعدي من الدري مال جوكليت بار

و بعد في مطعم هندي ثاني واااااااااااااايد حلو إسمه تال بس مو بالأفنيوز بالبدع يم صالون رشا شيك

الأفنيوز في بعد المطعم الصيني إلي يم لينوتر و بعد يمهم مطعم إيطالي اسمه ألفورنو

هذا إلي في بالي ألحين

 

[غرام 20]

مشششكوره حياتي يعطيج العافيه ششكلي بروح للإيطالي لوووول

 

[krkooora]

ايطالي

الفيرينو يم h&m

او

نينو قبال جوكلت بار و اجمل للعطور


انا انصحج بـ نينو احلى

 

[ReeM ^ Style]

انصحج بفيلا فيروز او مطعم b+f الصيني اثنينهم يم بعض
واثنينهم يهبلون
بس عندي فيلا فيروز الذ اكله لبناني
جربيه وادعيلي

 

[مسك81]

عندج فرايديز وتشيليز وليلى من لبنان بس الصراحه ماعندي خبر عن اسعارهم

 

[غرام 20]

تسسسسلموون ربي يوفقكم ياااارب

 

[.:!:. ونس .:!:.]

مبروك نجاحهم

 

[زنوبة الحلوة]

مممممممممم مطاعم والله وايد حلوة ولذيذة


عندج فرايديز حده لذيذ وحبيب الشعب امريكي وسعره مايعدي 50 دينار اذا انتو 3 انفار او 4 وصاير صوب السينما

ويم فرايديز مطعم ليلى لبناني والله لذيذ ونفس الشي يمكن ماراح يطق السعر فوق ال 50

وفي مطعم ايطالي صوب ماجيك بلانت يصير على الزاويه بس اسمه صعب شوي هذا اكله روعه بس غالي شوي مادري اذا يناسبج وله لا

وهم بعد من جهه ماجيك بلانت في روبي تيوزدي حلو والمطعم اكله امريكي

وفي من صوب ايكيا بره مو داخل الافنيوز تشيليز هم لذيذ واكله امريكي بس انصحج بفرايديز احلى

وفيلا فيروز مطلعم لبناني تشوفيه برة بعد من صوب المصافط ما يحتاج تروحين داخل السوق له مصافط برة هم لذييييييييييييذ وايد حلو احلى من مطعم ليلى اللي ذكرته لج

مممممممممممم والله الافنيوز عالم من المطاعم نسيت

اي تذكرت في بعد لنوتر هذا وايد حلو وراقي بس يمكن يكون سعرة غالي لان كل ماروح انا نفرين وله كلش 3 انفار ويطع والله الفاتورة غاليه

في مطعم بس مو بالافنيوز وانا ماجربته بس وايد امدحوه حقي للامانه مادري جم اسعارة واهوا ايطالي في برج النصار اسمه التسيمو وانا بخاطري اجربه من كثر ما مدحوه ( ماقدر اعطيج فيه رايي لان مو مجربته )


ويمكن اكون ناسيه شي بس هذول اللي على بالي وان شاء الله اكون افدتج

 

[NaYoob]

اذا تبين اكل صيني وحلو ويشبع وسعره زيييييين وصدقيني اهلج رح يستانسون

نودلز فاكتوري اذا عزمتي تروحين قوليلي على الخاص واطرشلج اشهى الاكلات اللي عندهم

والسعر ما يتعدى 20 اذا مو اقل بعد ^_^

 

[MissChoco]

الف مبروك النجاح

حبيبتي دام الوالده وياكم لا تروحين صيني احس ماراح يعجبها ,, عندج المطاعم اللبنانيه افضل, مثل سراي وفيلا فيروز هذيل اكلهم يعجبني ولذيذ
واذا تبين مطعم امريكي جيليز وفرايديز لا يعلا عليهم

ونينو حلو عندهم رزيتو عباره عن عيش وفي قطع دياي مادري اذا اكو لحم المهم ويا صوص عجيييييب حده



وعليكم بالعافيه

 

[.نور.]

المطاعم اليايانيه ماتعجب الحريم الكبار لكن عندج ماكي و p+F - وسابي
لبناني عندج فيلا فيروز واتوقع مناسب مع السعر
لينوتر - الفورنو - نينو- قريلد شوب فوق يم المطاعم لافتته خضره بالزاويه..
في ايطالي ثاني جدام ابل بيز - ووتر ليمون - الفرنسي الي بالتوسعه الاحمر حلو توهم مغيرين المنيو لكن غالي
هذول ببالي الحين

 

[خيشة شكر@]

عندج اشاز لذيذ والميجنا الي بالكوت مو طبيعي واجواءه تهبل

 

[~ M!sS D!oR ~]

جرربي صبااح ومسا ب360 لبنااااني حدددددده عجيييييييييب

 

[شمعة ليل]

دام الوالده وياكم مطعم رايس بالافنيوز سوالف عيش ومرق بس روووووووعه
والف مبروك النجاح

 

[خشف العوازم]

راااااايس حلووووووووو وسعره حلووووو
اشاز رووووعه احب الاكل الهندي بس غالي

 

[كااامل الزين]

اشاز حلو وسواح بس غاللين ورايس مادري انا ما عجبني الكافية الفرنسي اللي يم النافورة داخل الافينيوز مو برا حلو وراقي

 

[أنفآس الرحيل ~]

لبنآني > فيلآ فيروز
صيني >pf
هندي > آشآز
أمريكي في فرايديز & روبي تيوزدي

هذول كلهم حلوين بالافنيوز بس على حسب الاكل اللي تحبينه
وإذا تحبين ربيان ما ربيان روحي حق pf لذيييذ

 

[يحبنى الله *]

اذا تبين اكل صيني وحلو ويشبع وسعره زيييييين وصدقيني اهلج رح يستانسون

نودلز فاكتوري اذا عزمتي تروحين قوليلي على الخاص واطرشلج اشهى الاكلات اللي عندهم

والسعر ما يتعدى 20 اذا مو اقل بعد ^_^

وين مكانه

وحطى الأكلات على العام عفية

 

[يحبنى الله *]

جرربي صبااح ومسا ب360 لبنااااني حدددددده عجيييييييييب

يلوع الكبد بمعنى الكلمة اكله بااااايت وغالى على الفاضى استغفر الله ذكرتينى فيه متندمة رحت له