ابي نادي يكون فيه مدربه تجابلني!!!

[vogue grl]

السلام عليكم يا اخواتي
ابي نادي يكون فيه مدربه تجابلني انا بس!! وماتهملني
تعرفون نجوم الاجانب دايما نسمع انه لهم مدرب خاص بس لهم يجابلهم انا ابي جذي:eh_s(3):
عندنا بلكويت جذي؟!

 

[منورة الكويتية]

هههههههههههههه وعلامج معصبه
والله مادري على قولتج المدربة الخاصة ماسمع فيها الا مع الممثلين الاجانب
اما هني وبالكويت ماتوقع فيه
واذا فيه ف اهيا مكلفه حيييل
بس انتي روحي نادي محترم ومدرباته زينييين وسوي لج نظام مع كل وحده فيهم وراكضي حق عمرج وان شاء الله تظعفين

 

[noty]

في قلبي مدربه خاصه لج و اتييج البيت بعد

و النوادي اللي فيها :

ايليزيوم

رويال حياة




وفي نوادي اتسويلج جدول و اتابعج بس مو خاصه لج :

كاميو

فلكس

كيرف

 

[vogue grl]

thanks noty
شكرا منور الكويتيه

 

[Pop^*^CoRN]

نوتي تعرفينها اللي تجي للبيت ؟؟؟؟

 

[Dancing^Queen]

كاميو وفليكس
فيهم مدربه خاصه بس فليكس تدفعين زود غيرالاشتراك كاميو لا (ماني متاكده لان اختي كانت حاطتلها مدربه بكاميو تقول اتجابلني مجابل) امما قلكس سالتهم قالولي لا مالج تبين تدفعين ومن اشتراك السنه لج جم جلسه خاصه وياها <<<الاخ طبيب نفسي والا مدرب رياضه؟؟



في شركات عندها مدربين خاصيين اييون لما البيت
عندي اختي الكبيره ماتقدر تروح اييونها والجلسه ب 10
وثانيه تيي حق الاصابات تدريب يعني بنت اختي ظهرها متعور اتيي اتدربها رياضه خاصه

 

[New Mum]

كاميو
2430969

 

[مــلاك]

نيو مام بلييز كاميو وين في وبجم اشتراكهم وحلو مستواهم

 

[New Mum]

كاميو عند مطعم 99 القديم
واشتراكهم ب 45 دينار
مكانهم صغير وقمته يعني مو زود شراحه ونظافه بس عندهم ريا المدربه فظيعه تراني ماجربته بس اعرف ناس وايد مرتاحين منه وفرقو علي

 

[vogue grl]

مشكورين على مشاركه والأفاده

 

[شكليطه]

مادري مافهمت شلون تكون المدربه خاصه؟؟

بس اللي انا جربته

كان قبل سنتين

يوم اشتركت بنادي الخالديه او معهد الفتاه الصحي

كانت المدربه تشوف وضعج شنو ......وعلى هالاساس تحط لج تمارين

.......يعني اذكر انا كانت تكتب لي بملفي ....كل اسبوع او اسبوعين شنو التمارين اللي لازم تعلمني عليها وشنو مستواها
وكل ماتحسن وضعي.....زادت مستوى التمارين

وكل وحدة غير عن الثانيه

حتى اذكر مره كانت وحدة من البنات كانت تسوي تمارين بالكره الكبيره جان تعرفيها
ويوم سألت المدربه ليش ما تعلميني عليها؟
قالت هذي مستوها متقدم......انتي يبيلج وقت عشان تتدربين عليها
وفعلا عقب جم شهر تحسن مستواي بالتمارين
وبدت تحطلي تمارين فيها الكرة


وبعدين بالاضافه حق كلاسات الايروبك اللي تسويها المدربه حق الكل

اذا شفتي اي وحدة فاضيه....مجرد تقولين لها ابي اسوي البرنامج مالي

واهي توقف على راسج وتعلمج التمارين ......ليما تخلصينهم


والله عجيبين
حتى اتذكر كانت معاي جم وحدة تعرفت عليهم......وفي بدايه اشتراكهم المدربه تقول لهم تبون تسوون برنامجكم؟
يقولون لا لا ........وعلى هالحال.....كلا مالهم خلق
وانا لا والله كنت اسوي برنامجي.........والحمدلله تحسن جسمي وانششششد

وحتى لو بغيت تمارين حق منطقه معينه للجسم ...مايقولون لأ

مره قلت لها ابي تمارين تضعف الارداف
والله بدددددددددددددعت فيني بالتمارين.......عجيبه عجيبه

وعقب مده يوم شافوني تحسنت اكثر منهم....جان تقولي وحدة منهم على شكل نغزة

ها شكليطه جم معطيه المدربه وداهنه سيرها؟؟ خمسه والا عشره؟؟

اشتبيييييييين.؟؟؟؟؟؟؟؟؟:eh_s(13):

الحين انتي قلتي بالبدايه لا مابي والحين حاسدتني



الزبدة حبوبه.....اتوقع اي نادي تروحين له يعطونج نظام خاص فيج ويناسب
جسمج ووزنج


وانا يوم رحت مال الخالديه عقب ما جددوه...سألتهم نفسج....قالوا اي عقب ما تشتركين وتسوين فحص......ينطبع لج جدول وبرنامج خاص فيج بالتمارين اللي تناسبج

وحتى ييوم كنت اتمشى بالنادي واشوفه قبل لا اقرر اشترك فيه
شفت جم مدربه ماسكه لها بنت وتسوي لها تمارين بروحها






سوري طولت عليج بس حبيت اقولج تجربتي

 

[vogue grl]

مشكوووووووووووووووووووووووووووره شكليطه على معلومه صراحه افدتيني وخلاص قررت اشترك بلنادي

 

[أم _ أيون]

ابي ارقام الي اييون البيت

 

[*دنــيـQ8 ــا الوله*]

انزين نادي الخالديه على جم اشتراكهم ؟

 

[jareeeda]

اي بس اللي ايون مو مدربات رياضة مدربات علاج طبيعي

 

[دندوش7]

بصراحة احسن شي وعن تجربة كاميو بس للاسف المدربة الفلبينية العجيبة عندهم كانت ريا بس الحين خلاص تركتهم بس في ثنتين غيرها وفي وحدة اذا تبين حق الرقص رهييييييبة لبنانية لا تفوتج اذا تحبين كلاس رقص طبعا ؟؟؟؟؟؟؟؟

 

[ناني سيكرتس]

نادي باينبل في عندهم مدربه خاصه , اشتراكهم الشهر ب50 واذا تبين المدربه الخاصه تزيدين على الاشتراك 30 يعني 80 دينار بس تجابلج مجابل وبعد تقدرين تدشين الكلاسات.

 

[الفاتنة]

يقولون باينبل مشبوة هذا الي سمعنة

 

[أرنوبهـ]

dancing queen


ياريت تفيدينا اكثر وترسلين لنا رقم المدربة الخاصه

محتاجه مدربه خاصه بالبيت يابنات

 

[mi corazon]

بنات بليز نبي مدربة رياضة ورقص خاصة

وخاصة يعني اتيي البيييييييييييييييييييت

آنا عندي وحده تصير لبنت خالتي كانت مدربة بره .. الحين اهي بالكويت .. بس فشله اقول لها

ابي وحده ماتعرفني .. مابي احد يعرفني يشوف دغاديغي @@


فيدونا بليز