ابي نادي صيفي بالجهراء

[عيـ خلي ــوون]

الصيف على الابواب وماعندي خبره بنوادي بنتي بثانيه ومابي تنسى اللي درسته وهم اختها راح تروح اولى ابي تكون عندها

معلومات يليت نلقى يعلمهم كمبيوتر وقراءه وقرآن ويليت فيه سباحه <<<<<<<< ماخلت شي


خل نفيد بعض وهم نرتاح شويه لانهم بالعطله يصيرون لويه وازعاج بروحنا مقهورين لا سفر ولاشي

 

[عيـ خلي ــوون]

اب اب اب

 

[حفيف1]

رفع​

 

[ام وهابي]

لسراج المنير وبراعم الايمان

 

[حفيف1]

ام وهابى ياليت تفيدينا بارقام تلفوناتهم ​

 

[حفيف1]

رفع​

 

[اثمان]

للرفع

 

[سها الوجدان]

السلام عليكم حابه افيدكم

في السراج المنير الجهراء في منطقة القصر
ومسوين برامج متنوعه ورحلات وتحفيظ مع دورات وبالاضافة الى مواد
يعني يومين رحل ويومين دراسة ويوم الخميس نشاطات متنوعه هذا على حسب علمي
وطبعا التسجيل فاتح هالاسبوع الى تاريخ 11-6-2009

وفي احتمال تمديده الى اسبوع 21-6
وتبدأ الدوامات في 28-6-2009
بس الاولوية للي يسجل مبجر

ورسوم التسجيل راح تكون 15 دينار شاملة جميع الرحلات
وطبعا الدوام من 28-6 الى 16-7

وكنت حابه افيدكم
والواحد كثر ما يقدر يحط عياله في اماكن ثقه لان السراج تابع للاوقاف وكله في اطار تعليمي تربوي وشرعي وترفيهي
ورقم السراج المنير 24580154
24552826

 

[عيـ خلي ــوون]

يسلموووو بنات عالردود

اي نبي نادي يكون الدراسه فيه قليل يعني عطلو عشان يرتاحون نرد ندرسهم مشكوره حبيبتي


انا بدق عليهم واشوف عنهم

 

[حفيف1]

رفع​

 

[عروب2009]

بصراحة للأسف ما كو شيء على المستوى المطلوب يعني أنشطة رحلات وتأسيس بصورة مشوقة مافييييييييييش شي زي كذا عندنا فالجهراء
وأنا أتكلم عن تجربة
جربت اللي كان في روضة ابن بطوطة واللي كان في الرحيق وجربت طيبة كله مو اللي في بالك وتشتهينه لعيالج وتحسين إن فلوسك ماراحت خسارة أو إنه انصب عليج وضيعت وقت عيالج بس فرفره بالقوايل
والسراج المنير للأسف ياخذ أعمار معينة والبنات بروح والأولاد بروح يعني اللي عندها من النوعين اتوهق خاصة إذا كانوا للحين شوي صغار وهم يخلص بدري يعني ما يمدي العطلة بدأت إلا هو مخلص

 

[عروب2009]

مرحباااااااااااا
اليوم حصلت اعلان عن نادي جديد نادي vib لصيفي بيفتح بالجهراء وكلمتهم
ومكانهم فوق / رد تاغ ويقبلون من سن 4 سنوات حتى 12 سنة ويتوزعون جروبات حسب الفئات العمرية
ويسون خصم 5 دنانير إذا بتسجلين أكثر من واحد و خصم أكبر للمجموعات اللي أكثر من 4 أشخاص
يبدأ 21/6 والشهر ب60 دينار فيه برامج قرآن و رياضيات عن طريق برنامج حسابي متطور وتعلم الانجليزي عن طريق الشو رووووم<<< ما ادري يعني شنو المهم في برامج ترفيه ومسابقات ورحلات ويوم فالاسبوع يطلعون للسباحة
3 أيام اولاد 3 أيام بنات وفي فترتين حسب الرغبة تبين من 10 ص إلى 1 ظهرا أو 1 ظهرا حتى 5 م


بس أنا ترددت لأن تو متش صراحة على 3 أيام فالاسبوع وبعدين باقي الايام وين يروحون وغير كذا إني كنت حابة إن تكون روحتهم مع بعض البنات وأخوهم مو كل يوم طاقه طريج على واحد

 

[عيـ خلي ــوون]

مشكووووووووره حبيبتي عروب

عاد انا سمعت وحده تمدح نادي طيبه انتي شرايج فيه واذا عندج رقمه يليت تفيدنا او عنوانهم

 

[عيـ خلي ــوون]

اب اب اب