ابي مكان اجتمع فيه مع صديقاتي

[توتاتوتا]

السلام عليكم انا سعوديه عايشه عندكم بس مادل ابي مكان ذرب اجتمع فيه مع صديقاتي و عيالناو غير العاب المجمعات

عندنا في السعوديه مكان اسمع قرية الالعاب مبنى بروحه مكيف و كله العاب اطفال و هادئ و طابعه عائلي فهل عندكم نفسه

 

[ام سعود ديكسون]

حياج الله بينا 1روحي حولي بارك ورا المهلب بحولي كله العاب يهال او2 وديهم مجمع ديسكفري الجديد يم النافورة الراقصة وصالة التزلج علي الدائري الاول او3 اخذيهم مجمع الافنيوز فاتحين العاب يهال بعد صالة المطاعم والمرحلة الثانية من افنيوز مول او4روحي ستي سنتر بسوق السالمية عند دوار الجوازات تلاقين العاب يهال بالدور الثاني يم المطاعم

 

[توتاتوتا]

مشكوره ام سعود بس مابي مكان فيه سوق يصير زحمه و حولي بارك اعتقد انها العاب مكشوفه مو مكيفه صح

 

[زهرااا]

في مول يديد اسمه ديسكفري

 

[توتاتوتا]

وين مكانه

 

[y7lok_7loho]

حيااااج الله مثل ما قالت ام سعود

ما قصرت والله ما خلت شى ما حطتة

وصح العابنااا مكشوووفة عادى مو مثلكم الى يلعب يسكرون علية

 

[سميتڪ غـلآي ْ~}]

الديسكفري ,

قريب من صآلة التزلج وحياج اللـه ,

 

[مجنونة نت]

up up

 

[حبيبة دودي]

المدينه الترفيهيه يوم الاثنين اليوم النسائي افضل مكان للتجمع

 

[أساور]

عندج كارتون نت وورك بجمعية شرق
اليهال يلعبون وانتوا تقهوون

 

[tolay]

حياااج بالكويت

عندج حديقة الشعب حلوووو خارجي وهم في مكان داخلي وفيه مطاعم وموزحمه حييييل ... مكانه بشارع البحر قرب محطة البنزين

عندج المدينة الترفيهية .... منطقة الدوحه

عندج حولي بارك ... منطقة حولي قريب من مجمع المهلب

عندج ديسكفري مكان مخصص حق الأطفال حلووو ويديد .... منطقة الديرة

عندج القهوة الشعبية مكان خارجي فيه العاب اطفال مثل مكان شعبي .... بمنطقة السالمية بشارع الخليج

عندج يوم البحار اذا تحبون سوالف التراث والعاب الاطفال القديمه وسعرها رخيص اللعبه الوحده 100 فلس طبعا اذا تحبون التراث والعاب القديمه واجواء الكويت القديمه .... منطقه شويخ قرب مجلس الامه

كل هذيل العاب بدون مجمع

 

[توتاتوتا]

مشكوورييين

 

[كراسة والوان]

شوفي حبيبتى \ روحي سليل الجهراء او الشاليهات كلها عائللات و حلوة حيل جربيها اختي و روحي سيتي سنتر السالمية يجنن و كله سعوديين مستانسين عليه و شكرا