ابي مسج استقبال ولاده يديد وحلو

[D A N A]

وهذا مسج ما ادري يديد او لا
لي احضان ماما انا جيت وعلى بابا نورت البيت يالله تعالو شوفوني وبأسم الله شيلوني وبسلامه ماما هنوني
وبعدين التفاصيل

اي انا هذا اخترته بس قلت بشوف شي يديد
مشكوره ماقصرتي حبيبتي​

 

[D A N A]

ابي شي جديد ضروري

اي والله نبي مسج يديد وحلو
ياريت البنات يساعدونا​

 

[D A N A]

اول شي هالمسجات على حسب جنس المولود بنت او ولد وانتي غيريه ...




واي علامه نفس هذي (( ....)) تحطين مكانها اسم المولود سواء بنت او ولد على حسب الابيات ....



طبعا اذا كنتي انتي الوالده .. ترسلين


سلام منا على الخلان
احلى تحايا من الوجدان
الله وهبنا الغاليه أو الغالي((.......))
جاتنا ونورت كل المكان
قدومها اليوم للفرح عنوان
تقول للي انتظروها
انا وصلت اليوم هبه من المنان
-------

اهدي لك احلى رسالة
بالبخور معطره
وبماي الورد مقطره
وبأحلى البخور مبخره
بولادة ((....)) مبشره
.. ولدت بمستشفى .... غ ...

.............

يا طير طاير بالأجواء
ميل و غرد بأحلى غناء
لأحلى مولود وصل اليوم
((...)) شيخ كل الشباب

--------------


السعاده بقلبي مالها اليوم سعه
ومابقى فيني من الصبر صبر
أبزيل الكدر والهم والأقنعه
وانحني لربي واشكره اعظم شكر
وارسم الفرحه وانسى الحزن ومدمعه
وأبشركم بولادة (......) ياأغلى البشر

----------

أذا ولد عريس مثل القمر ..

جاني اليوم أحلى بشر
عروسة مثل القمر..
سبحان ربي اللي أمر
واعطاني هدية العمر..
------------

أعلن فرحتي بأحلى خبر
وابشركم بقدوم أغلى البشر..
وصول مولودتي الجديدة
الله يحفظها لي من كل خطر

----------

ياناس ياعسل
((......)) وصل
باركوا لماما باللي حصل
تفاصيل المكان
-----------

باركوا لي ياحضور
بعد ما مرت الشهور
الله رزقني ((......))
خلت حياتي كلها نور

-------------

من دفئ قلبي ومن فايض حنيني
واهمس لك((......)) بين ايديني
ابعث لك تحية ويشرفني تجيني
ابشركم ولدت اليوم (اسم المسستشفى )
---------------

عشان غلاكم ماله حدود
ومكانكم بالقلب موجود
حبيت ابشركم بقدوم اجمل مولود
((........)) الموعود

-----------------

يا أغلى هدية من الخالق
تتمنى العين ما تفارق
أجمل وأروع مولود
هل بوسط الخلايق
-----------------

بشرى لنا ..
نلنا المنى ..
زال العنا ..
وأتى الهنا
يا نفس طيبي بالمولود.. يا نفس قري أعينا

------------

عنـدمـاتبـدأالشمـس بجمـع خيوطـها
معلنـه ولادة قمـرالليلـه
((....)) الغالي بمستشفى .. غرفه ...الدور ...
---------------

طيـرالفـرح غنـا
وبـديـارنـاعـلا
وبولادتك يا...نتهنى
مستشفى ... و....

--------------
من دفئ قلبي ومن فايض حنيني
ابعث لك تحية شوق واهمس لك
(اسم المولود)بين ايديني
ابشركم ولدت اليوم اسم المسستشفى ............واي معلومه تحبي تزيديهاـــــــــــــــــــــــ

الحمدلله على تمام النعمه واكتمال المنه
رزقت ب(اسم المولود)
ولله الحمد من قبل ومن بعد
ـــــــــــــــــــــــ

يتشرف (اسم الولود) ان يزف اليكم
البشرى بقدومه ومشاركت والديه سعادتهم
لذا ادعو الله ان يجعله من الذريه الصالحه
وان يقر عين والديه بهـــــــــــــــــــــــــ

اليوم شرفنا الامير (اسم المولود)
حبيبنا الصغير
ليزين عقدنا العائلي السعيد
ويضفي الانوار
ويبث السعاده بيننا
لذا ادعو الله ان يقر به عيننا

ـــــــــــــــــــــــــــــ

عشان غلاكم ماله حدود
ومكانكم بالقلب موجود
حبيت ابشركم بقدوم اجمل مولود
(اسم المولود+اسم العائله)



اذا كنتي بترسلين لوحده والده ..


للغاليين أحلى تحيه
معطره بالورد وألف هديه
بمناسبة ولاده (( ....))
يحفظه لكم رب البريه

------------


ألف مبروك للحلوين
بقدوم أغلى الغاليين
الله يبارك فيه ويعين
كل من تعب من أجله أمين------------

يا هلا فيه وبقدومه
أسعد الكل بوجوده
نعمة من الرب شوفته
وكل الي حوله يحبونه

-------------

لقد أشرقت الأرض وازدادت وتلألأت أنواراً من حولنا
فتسائلت ما سر هذا الجمال
فإذ بخبر قدوم مولودكِ / مولودتكِ يزف إلي
دعواتي بأن يكون من مواليد السعادة
وأن يرزقك الله ووالده بره وصلاحة
--------------

من غلاك ومعزتك مانسيناك
وبالتهاني والحب خصيناك
وبولادة ((.....)) هنيناك
والحمدلله على السلامه

---------

بورك لكما في الموهوب وشكرتما الواهب ..
رزقكم الله بره وبلغ أشده
وجعله الله من عباده الصالحين
-----------

يا أغلى الناس والغاليين
مبروك عليكم أحلى الحلوين
الله يديمه لكم يا رب
ويجعل دربه اليقين

---------------

كنتوا بالعايلة 2
واليوم بقدومه 3
عقبال اللي بعده يا رب
وتزيد العايله أحباب
-------------

بقدومه هلت البشاير
وبصوته هز المشاعر
الله يحميه من المخاطر
ويجعله دوم طيب الخاطر

--------------

بقدومه أشرقت شمس الشموس
وصار بهجة كل النفوس
نور على دنيانا وجوده
ومن اليوم بنحجزله أجمل عروس

-------------

ألف مبروك تحلق فوق هامات المولود ** والعبارات تنمق بعقود من ورود
كل قلبٍ صار يخفق بدعاءٍ في السجود ** رب بارك في (...) واجعل ايامه سعود

-----------

وهذي الام ترسلها بعد ماراحو الضيوف ترسل لهم ....


يافرحتي بامي وابوي
هم شمعتي
يافرحتي باختي واخوي
هم بهجتي
يافرحتي بزياره قرايبي وحبايبي
يافرحتي بقيامهم بواجبي
كان ساعه خير يوم جيت ..
يقول شكرا للي شاركوني فرحتي
---------------


تباركت الارض بخطواتكم
بحضوركم غنت الدنيا مسفهله
جمع ربي (اسم المولود ) بـ( اسم الام )
واستهاضت دموعنا من الفرحه

------------

استنارت الدنيا بحضوركم
نجوم الدنيا ولمعتها
فهنئيا لكم حضور اجتماع الشمس بالقمر

وهذا ينفع رساله بعد مع الهديه ماينفع مسج ولا الفواتير ... بالاميات

يستاهل الصبح وجهك والفرح ثغرك
ما دام ربي رزقك بقرّة عيونك
طفل يفتح بدنيا فرحتك زهرك
ويزف سعد الليال البيض في كونك
كل التهاني يعطر حرفها ذكرك
واحلى القصايد ينور وجهها لونك
والشمع عيد .. وصبح على الزهر فجرك
وقلوب تنبض غلا .. مثلي .. يهنونك
ربك يحبك وزادك بشر في بشرك
واهداك طفل يورق باقي غصونك
ويبدد شجون كل العمر .. وشجونك
الله يطول بعمره وعمرك
والله يصونه لبيت العز .. ويصونك
والله يحفظه .. ويبقى دوم في أمرك
ابن يحقق لك الأحلام بعيونك

مشكوره وايد حبيبتي تسلمين ماقصرتي مشكوره​

 

[D A N A]

أبلغكم السلام بأحلى خبر
جابت (اسم الام) بنت مثل القمر
سبحان ربي إللي أمر وعطاها هديه العمر
بمستشفى (....) نلقاكم والغرفة (.......)
حيااااكم الله


















0

تسلمين مشكوره​

 

[D A N A]

روعه كملوووووووووووا

مشكوره حبيبتي عالمرور​

 

[D A N A]

يعطيكم العافيه البنات قاعده ابوق منكم وبعدين بختار احلى مسج عاجبني

اي والله انا الحين حفظتلي 3 مسجات عجبوني:eh_s(9): وبنشوف بعد البنات ​

 

[D A N A]

مشكورين بنات ماقصرتو كلكم
الله يعطيكم العافيه
وسوري مارديت عالكل بس مشكورين واااااايد وحده وحده​

 

[_Pure_]

دام مسج من الانترنت تاكدي 100٪ ان مكرر و مليون وحدة قبلج استخدمته
انتي فكري بمسج يديد او خليج كلاسيك

 

[الليدي فراوله]

بريحة الورد والعود والريحان
بقدوم ((فلان))اغلى الخلان
نستقبلكم من اهل وربع وجيران

 

[بطة الزلبطة]

حبيبتي دزيلي اسمج واسم البيبي وابوه اذا تبين ولا تنسين بعد المستشفى والاستقبال جم يوم وصبح وعصر والا بس عصر وان شالله اسويلج مسج حلو

 

[قلم كحل]

حلوووووووووووووووو كملو ... في شغلات حللوه وبعضها قديمه

 

[ياعيون مغليك]

انا لما ولدت طرشت هالمسج:
هنو العالم الدنيا ترا الفرحة حضرت ... نور ربي زان مابين عييونها..
هنوا الدنيا ترا بنتي وصلت...
وانثرو ورد وزهر لقدومها

 

[دكتوراه أنوثه]

حياكم الله شرفونا ياغاليين
اليوم ولدت ( دانة ) قمه الحلا والزين
ننتظر زيارتكم بمستشفى ( المواساه )
الدور ( 2) غرفه ( 209)
ناطرينكم مده يومين!!! انزين .....

 

[دكتوراه أنوثه]

ياناس شوفوا السما مافيها قمر
لأن القمر عندي انولد
وبحضني كاهو هالولد
(جابر ) مامثله أحد
وبمستشفى ( ) الدور ( ) غرفه ( )
وقل هو الله احد

 

[دكتوراه أنوثه]

هذه المسجات من تأليفي المتواضع

 

[فروبتشينو]

دكتوره مسجاتج زووووغه ههههههه يونسون

قواكم الله بنات

بعد ....... حبايبي ووايد مكررين ماشفت الا 4 يدد بس الباجي كلهم من قوقل

يعطيكم العافيه.......وصاحبة الموضوع مشكوره

 

[دكتوراه أنوثه]

بعد عمري حياج الله ان شاء الله تحصلين مسجات أحلى

 

[white haert]

وااااي بناات كنت بنزل موضوووع عن مسجاات للولاده لان انا بعد قااعده ادور,,,,
اب اب اب لعيووونكم

 

[حورية آلكويت]

حلووووووووين

 

[ام الشاهين]

تصدقين انا مثلج كنت ادور
بس اشوه لقيت جم مسج من البنات حلو يديد
مشكورين​