ابي مستشفى خاص يستقبلني ولادة بالسابع بلييزز

[أبكاني ذنبي]

تكفييين لا تضحين بالبيبي حرااام انتي راح تتحملين وتعانين يومين او 3 او حتى شهر


بس البيبي بكون بين ايدج وبحضنج لا تضيعينه وتراه بذمتج


انا اختي ولدت 2 بالعدان ومافيها الا العافيه بس جذي زوجها شرط عليها حكومه


والحمدلله ماصار شي واهي بخير والبيبي بخير ولا عانت وولاشي

 

[ام عفاف الكويت]

ولادتي الاخيره اخر السابع
دار الشفا ورويال حياه ماستقبلني
ورحت الفروانيه

 

[Om boosha]

اذا عندج اي مشكله من مشاكل الحمل روحي اولدي بالصباح نصيييحه
انتي تبين نظافه ولا تبين صحتج وصحه البيبي

 

[أم@الحلوين]

نصييييييحه ولدي بالحكومه علشان البيبي ادري ان راحتج بالحكومه بس الياهل شنو ذنبه يتلعوز على ما ينقلونه ويدوروله مستشفى تقبله ما تدرين ابهاللحظه شنو تصير من مضاعفات لاسمح الله
والله يعدي عليج بالسلامه وتكملين9 شهور ياااااارب

 

[Zaina-al-zaina]

استخيري ياحبوبه

صلي ركعتين وشوفي اي احسن الحكومه او الخاص !!!

وبقولج سالفه وحده الخاص رفضوا يستقبلونها !!!

اهيا ام لاربع عيال والخامس كان بالطريج !!

ورفض الخاص استقبالهاااا وراحت الحكومه ووولدت وتقوووول مافي احسن من ولادتهم !!!

لاتنسين ولدت اربع مرات بالخاص وتقول ولادة الحكومه ممتازه !!!!

يعني لاتحاتين الخياط البيبي راح يكون صغير ! وماراح تاثرين وايد باذن الله !!!

وولدج عند الحكومه لاسمح الله احتاج شيشه !!!

عيدي حساباتج وشوفي اي انسب لج ....

 

[دلال و غلا]

حبيبتي انا مستعده اتحمل كل سلبيات مستشفى الحكومه
ع شان البيبي

انصحج بالحكومه و حاولي تحجزين غرفه خاصه لا ازعاج وتكرمون الحمام خاص

و ربي يسهل عليج و يقومكم بالسلامه

 

[ديمة بنت غنيمة]

حبيبتي توكلي على الله واولدي بالحكومه

انتي ولادتج مو عاديه عشان تتشرطين

وحرام تعبتي 7 شهور
وتخرب على اخر شي


الحكومه مافيها شي

البنات بالغو

انا تنومت بالصباح وعادي الوضع

 

[ام فواازي]

صراحه انتي ترفه حدج ماتبين الحكومه عشان النظافه والاكل وصحة البيبي بالطقاق عندج؟
الله يهداج بس بالنسبه للاكل عندج اهلج يجيبونلج كل يوم لين تطلعين و النظافه جيبي خدامة بيتكم تنظف المكان لج وفراش من عندج و جيبو كراسي و فرشه و بيتعدل المكان
بيش تخاطرين بنفسج و بحملج اللي تعبتي فيه واذا ولدتي طبيعي من تطلعين روحي الخاص يعيدون خياطج و انتهت المشكله

 

[Tic_Tac]

انا والله نصيحتي لج انج تتوكلين على ربج وتولدين
بالحكومه .. صج الرعايه والنظافه والعنايه مو شي

بس الاهم انه البيبي يكون بصحه وعافيه وما تفقدينه
اسم الله عليه وعليج
وتتحسفبن عقبها

استخيري ربج وتوكلي عليه وروحي للحكومه
ما تدرين يمكن الله يرزقج في سسترات اتجنن

الله يقومج بالسلامه

اي وعلى فكره اللي يقولون لج مستشفى لندن
امسحييييييييييييه من مخج هذا المستشفى

اذا انتي انسانه تبين عمرج وتبين البيبي

 

[سكارلت]

اختي نفس حالتج وولدت بالصباح
ورعايتهم حلوة انا قعدت معاها بالمستشفى
بقولج اللي لاحظته وان شاء الله تستفيدين
1)تبين ممرضات يعتنون ويهتمون فيج

اذا تبين الممرضات يعتنون فيج خلي رجالج ولا واحد من اهلج يرشهم
فلوس عاد لا تبالغون مو واجد عشرة ولا عشرين دينار حلوين
لاتقولين هذا مستشفى حكومي ومابي ادفع فيه فلس
انتي بالخاص عادي عندج تقطين فوق 500 دينار عادي عشان يوم ولا يومين
وبالحكومة مو قادرة تقطين عشرين!!!
وكل ما جابوا اهلج اكل لج عطيهم منه وجان زين لو تجيبين لهم حلو وفطاير وعصاير خخخخ
تراهم يموتون بهالسوالف
وعامليهم بأحترام واشكريهم على اهتمامهم فيج وخلي امج تسلم عليهم وتضحك
معاهم وتوصيهم عليج تراهم يحبون العجز وبالأخص الممرضات الهنديات ياحلوهم هههههههههه

2)الفراشات عطي ثنتين 5 دنانير خليهم ينظفوون الجناح لج
يخلونه يلق لق خخخخخخخخخخ

3)حاولي تجيبين واسطة حق غرفة خاصة
وجيبي بطانيتج وشرشفج وكراسيج معاج ترى المكان مو نظيف واسرة المرضى
مو نظيفة تجيب المرض خلي خواتج يسنعون غرفتج وخدامتج تنظفها لج

4) الدكاترة

اذا تعرفين موظف بالمستشفى وله علاقات مع دكاترة خليه يوصيهم
عليج

5) واهم شي الأحترام الأحترام الأحترام

احترمي الدكاترة والممرضات والمرضى واهلهم
مو علبونا انج تعبانة ووالدة وقاعدة بمستشفى حكومي تعاملين الناس بدونية
مع الأسف هذا اللي لاحظته بعض اللي منومات بالمستشفى ماتقولين مرضى
لسانهم شطولهم ومعاملتهم خايسة للممرضات واحتقارهم لهم واضح بسبب جنسيتهم

واهلج وزوارج لازم يكونون هاديين ومحترمين ويقدرون ان هذا مستشفى
والمرضى ومرافقينهم يبون يرتاحون ووينامون مرتاحين
مع الاسف عانيت من الهمج اللي كانوا بالغرفة اللي قبالنا والمشكلة
طرشنا لهم الممرضة عشان تطلب منهم يخفضون صوتهم قاموا هاوشوا المسكينة وطردوها
وصوتهم علا وزاد عناد فينا ماعليهم شرهة من اشكالهم كواوله وانتم بكرامة!!

 

[MzOoOn 22]

حبيتبي الحكومه احسن لج ولليبييبي

 

[ام فطوووم]

اسمحيلي ماعندج سالفه اذا ماولدتي بالحكومه
ونصييييييحه ااخت لاتجازفين لابعمرج ولا بالبيبي
وولا فلوسج بينهبونج عدددددددل

 

[Bedor-al.3taiby]

امري لله
بس وييين تأيدون الصباح ولا الفروانيه
اااااه عسى الله يصبرني ڵــے التاسع يااااارب

 

[ديانا سبنسر]

الصباح اكيييييد احسن الله يهون عليج ويقومج بالسلامة