ابي مستشفى خاص يستقبلني ولادة بالسابع بلييزز

[Bedor-al.3taiby]

السلام
شلونكم من زمان عنكم :eh_s(22):

بنات انا ولادتي راح تكون مبكره باقيلي يومين ادخل السابع و هالثلاث ايام نايمتهم بالمستشفى ع اساس الالام و ان البيبي نازل ع الاخر و عطوني ابر مثبته

اخر شي قالولي انهم مايستقبلون الولادات المبكره لازم 33 اسبوع و اكثر هذا الهادي

ف ابي مستشفى خاص يستقبلني اولد فيه

و ماتقصرون

 

[عسل حدي]

عير مستشفا لندن محد راح يستقبل حالتج

 

[Bedor-al.3taiby]

ياريت يمعوده حاشني احباط الكل يقولولي ماكو مستشفى يولدج غير الحكومي

يللا بنات فيدوني

 

[++MesK++]

ليش تبين الخاص! البيبي راح يحتاج شيشه فتره طويله

 

[Bedor-al.3taiby]

ليش ماقدر اولد خاص و انقل البيبي حق شيشة الصباح ؟؟
اعتقد يصير صح ؟؟

 

[أبله هنوف]

حبيبتي رويال يستقبل

 

[أبله هنوف]

رويال ينقلولج البيبي الصباح
اذ انتي تابعه الصباح
واذ لأ
راح ينقلونه لج يالفراونيه اوالعدان والجهرا
على حسب عنوانج

 

[زين ودلال]

الله يسهل عليج يارب

 

[Laymo0ona]

شوفيلج واسطه اول بالصباح عشان ينقلونه بسرعه

ترى رويال الليلتين بياخذون منكم 500 تقريبا عالشيشه والتحاليل والاجهزه والبلاوي

شوفي دقي عالمستشفيات سئليهم

 

[++MesK++]

ينقلون البيبي حق الحكومه بس على فكره الاولويه حق اللي تولد بالحكومه! يعني ممكن يقولون مافي شيشه فاضيه


الا اذا عندج واسطه و ضامنه أمورج

 

[الريان]

السلام
شلونكم من زمان عنكم :eh_s(22):

بنات انا ولادتي راح تكون مبكره باقيلي يومين ادخل السابع و هالثلاث ايام نايمتهم بالمستشفى ع اساس الالام و ان البيبي نازل ع الاخر و عطوني ابر مثبته

اخر شي قالولي انهم مايستقبلون الولادات المبكره لازم 33 اسبوع و اكثر هذا الهادي

ف ابي مستشفى خاص يستقبلني اولد فيه

و ماتقصرون

حبيبتي لا تخاطرين بنفسج وبالبيبي ....انا مريت بنفس حالتج وجتني الولاده مبكره وسريعه في اول يوم في الثامن
ورحت خاص استقبلوني وولدت بس فقدت البيبي لان اي مستشفى في الكويت غير الحكومه غير مجهز للاستقبال الخدج...
صج ولادتي انا مريحه بس فقدت البيبي ..وما عرفت اتصرف واللي معاي توهقوا ما عرفوا .والحق ينقال حاولوا انقاذ البيبي بس ما قدروا ...امكانيات مستشفى الحكومه افضل واحسن من ناحيه الخدج...
لما صحيت بعدين ندمت اني ما رحت حكومه واصريت على الخاص..........
وليش المغامره...

 

[ام اغلى الناس]

ياعمري انصحج بالحكومه
بولدي ولدت برويال حياه ودخلوه الشيشه
نبي ننقله للصباح او الجهرا او الفروانيه
كلهم مارضوا يستقبلونه
ويقصون علينا يقولون مافيه مكان
قعد برويال ٨ ايام
والله دفعنا ٤ الاف الا شي بسيط
وانتي بالسابع يعني يمكن يطول بالشيشه

اعرف وحده كل ولاداتها مبكره ودايم تولد بالفروانيه وتمدحهم

 

[Bedor-al.3taiby]

والله حدي محتاره
انا مابي الحكومه لان المكان مو نظيف ولا الاكل ولا الهدوء ولا الخدمات و لا العنايه مثل الخاص

 

[++MesK++]

صح كلامج الخاص احلا شي فيه النظافه و الاهتمام


بسسسس ليش تغامرين بالبيبي و تضيعين تعب الحمل و ال ٧ شهور


و بعدين انتي اللي بتحسفين!

وحده اعرفها ولدت بالتاسع بدار الشفا و البيبي كان شوي تعبان حطوه بالإسعاف عشان ينقلونه للحكومه


و مات و اهو بالإسعاف اسم الله علينا. و على عيالنا
*

 

[سمسمة كويتية]

روحي الحكومة مو عشانج عشان البيبي ، انتي تقدرين تتحملين بس اهو لا ماله ذنب

الله يقومج بالسلامه حبيبتي

 

[kuwaitiya_84]

الله يقومج بالسلامه حبيبتي وصح كلام البنات انتي تعبتي وحملتي ماتسوى يروح منج ضناج
شوفي الهادي وعنده خبره مايستقبلونج لانه مايتحملون مسؤوليه والحين الحكومه مو نفس الخاص واذا عالاكل خل الوالده تجهز لج تييب لج
مافيها مشكله بس لاتغامرين بضناج لانه حزتها الخاص بيلعبون لعب والله يقومج بالسلامه وطمنينا عليج

 

[mrs.perfect]

جربي سئلي دار الشفا بالتلفون 1802555
الشيشة اليوم ب60 دينار
جربي سئليهم

 

[[[ عيون جابر ]]]

ربي يسهل عليج انشالله

 

[mrs.perfect]

وترا انا مجربة الحكومة نايمة فيه
اكلهم بالصباح لذييييذ
واجنحة الولادة غير اجنحة النسا احسن
صدقيني لمن تييبين هالياهل ماتهمج الخدمة

 

[عسل حدي]

حبيبتي رويال حياة يستقبلون ومستشفا لندن ولياهل يودونه الصباح عادي