ابي مساعده

[ماء النهر]

السلام عليكم ورحمة الله وبركاته


أنا أبي مساعدتكم خواتي أنا عندي صورة فلفل أخضر حار وطعمه وايد حلو وعجبني

وايد واللي تعرف طريقته الله يجزاها الجنة وهذي الصورة

مركز تحميل الصور

​

 

[أحمرجوري]

ان شاء الله البنات يفيدونج

 

[جارة القمر]

تفضلي طلبك::


http://www.q8yat.com/t730794.html


http://www.q8yat.com/t186957.html


http://www.q8yat.com/t427701.html






طريقة منقووووله


المقادير :ـ
محضرة الطعام ( الخلاط الكهربائى ) + 20حبة فلفل أخضر +عصير ليمونتين أو اكثر
+2 حبه فلفل بارد اخضر + 4 فصوص ثوم +ملح حسب ذوقج +كوب زيت زيتـــــــون +
ربع كوب خل ابيض .

الطريقـــة :ـ
تخلطين أول شي فلفل علوب والبارد لين يصير مجروش خشن موناعم وايد وبعدين تحطين فوقة ثوم ، وبعد ذلك الملح وبعدين تخلطينهم وفرغيهم في طاسة كبيرة نظيفة وحطي عليهم الزيت والخل والليمون وبعد الخلط الجيد حطيهم في غرشة .

ملاحظــــة :ـ تري يقعد معاج تقريبا اسبوعين في الثلاجة .





طريقة ثانية



المقادير : فلفل أخضر حار حسب الرغبة نقول عشرين حبة تقريبا / راس ثوم مقشر وغير مطحون / ليمونتين مقشرين وغير معصورين / زيت الزيتون / عصير ليمون جاهز / ملح


الطريقة : يغسل الفلفل والثوم والليمون جيدا وثم يضعون بالخلاطة مع بعض وينطحنون عدل مدل
ومن ثم ضع الفلفل المطحون بالوعاء (يعني ثقافتي عالية بالعربي خخخخخخخخخ) واضف عليه الزيت الزيتون والملح وعصير الليمون وكلهم طبعا ينحطون على حسب الرغبة




طريقة منقووووله


طريقة المعبوج

المقادير:

1- خمس علب فلفل أحمر تايلندي ( يباع في مركز سلطان عند الخضار ) وأول كانوا يحطون الفلفل العلوب الهندي لكن لما وصلنا التايلندي صار الهندي بخبر كااااان وصار الهندي خنت حيلي بااااارد

2- فلفل أحمر بارد ( فليفلة ) 3 حبات ، ويمكن إبداله بالطماطم 3 حبات أيضاً ( اختياري )

3- خل قصب سكر طبيعي 3 ملاعق طعام أو أي خل أبيض طبيعي

4- عصير 2 ليمونه

5- 1 فص ثوم ( هذا لمعبوج المائدة ) وهناك معبوج الطبخ يحتاج ( 3 فصوص ثوم )

6- ربع كوب زيت زيتون ممتاز

الطريقة:

قبل الطريقة في نصيحة ضرورية:

- لا تمسكين الفلفل التايلندي بدون ( دس أو كفوف ) لأن حار بشكل جنوني، يعني لو مسكتي الفلفل بصبعج وغسلتيه بالصابون وبعد ساعتين مسحتي عينج بصبعج راح تحرج فديروا بالكم لا تقولون ما علمتكم

الحين مع الطريقة:

1- ينزع رأس الفلفل وهو يكون بالأخضر عادة ويوضع في الخلاط ويوضع مع الثوم ويفرم جيدا.

ملاحظة:
- الفلفل الأحمر البارد أو الطماطم لتخفيف حرارة الفلفل الحار، فاللي تحبه حار حيل لا تحط الفلفل البارد أو الطماط واللي تحبه خفيف تحط الفلفل البارد أو الطمام

- الثوم: يضاف فص واحد إذا كان المعبوج للمائدة يعني يستعمل مباشرة على السفرة، أما إذا كان عندك معبوج للطبخ ( مثلي ) فضعي ( 3 فصوص ثوم ) لأن الطبخ يخفف رائحة الثوم.

فأحيانا تخلطين المعبوج مع المرق أو الدقوس أو الطبخات الصينية فتحتاجين النكهة القوية، فهذا خليه معبوج خاص للطبخ.


2- يخلط الخل والليمون وزيت الزيتون في وعاء عميق.

3- يوضع الفلفل في الوعاء ويخلط مع الخل والليمون والزيت، ويوضع في علبة ويوضع في الثلاجة.

هذا أقوى معبوج وصدقوني ما راح تلاقون أحر من هالمعبوج وما أبي غير دعواتكم

نصايح مهمة للمعبوج:

1- لا تحطين أي مادة غير طبيعية لأنها تضر المعدة والأمعاء وتفسد المعبوج بسرعه

2- لا تحطين فلفل أسود مع الفلفل التايلندي لأن التايلندي ما فيه أحر منه ولا يحتاج أسود ولا أخضر.

3- لا تحطين خل إلا طبيعي حتى ما يضركم

4- لا تحطين إلا خل أبيض ولا تحطين خل تفاح ولا غيره

5- لا تخلطين الفلفل مع السوائل ( زيت ، عصير ليمون ، خل ) لأن راح يصير لونه مو حلو

6- اللي تحب المعبوج حار نص ونص تحط بدل التايلندي فلفل كويتي أو سعودي لأن حرارته خفيفه، واللي تحبه أحر شوي تحط الفلفل الهندي ، أما الناااار والشرااااااااار فهو التايلندي لا غير .

 

[فطووومة]

جزاج الله خير عزيزتي جارة القمر

استفدنا من الطريقة

 

[ماء النهر]

مشكرة أختي جارة القمر والله يجعله في ميزان حسناتج :eh_s(7):

ويوفقج في الدنيا والآخرة :yaaaaaarb:

​

 

[جارة القمر]

العفو


حبايب قلبي

 

[أحلى همبه كويتية]

ما قصرت جارنة

هذا المعبوج ويا حلاته مع المجبوس

 

[aloooya]

مشكورة