ابي مساعدت كل متزوجة عاقلة

[الانسة سعادة]

ابي مساعدت كل متزوجة فاهمة

السلام عليكم ورحمة الله تعالي وبركاته

شلونكم شخباركم ان شا الله اوكي

مشكلتي بختصار شديد بدت بعد الملجه

أهل ريلي + ريلي دين حلو

وانا اللبس بدل ومرات عباية المهم بعد الملجه ريلي قال لازم تلبسي عبايه+ تتنقبين

وهذا الشي صدمني جدا لان ماعمري فكرت يعني اني اتنقب

وأنتو تعرفون النقاب مقيد وشكله اصلا مو حلو + رجعي وحسسني بتفكيرة

ان حريم اللي مرته عباية وبوشية ومن هالحجي يعني

المهم انا اللحين قاع افكر بالطلاق للعلم عمري 23 يعني صغيرة

وعلي قوله المثل اطلع منها سالم ..

ما ادري شنو اسوي جد انا ضايعة وابي حلول

وانا رحت حق استشاري وقالي انتي اذا تزوجتي حاولي تقنعينا المشكله اهو مو راضي

يقولي لازم يعني لازم

والله انا تحسفت علي هالزواج اللي يقيد الحرية

اللحين اهو ما يشوف الفاشينستات سفور حتي مو متحجبات وعادي

الكويت تغيرت اللحين مونفس اول ..؟

شنو رايكم مادا افعل ابي المتزوجات يجاوبني..

 

[اميره بكلمتي]

لحظه اختي انتي الحين بتطلقين عشان قالج ريلج تنقبي وبيقيد حريتج ؟
ومنو قالج انه النقاب مو حلو بلعكس اذا عرفتي تلبسينه بيطلع مرتب عليج
انا وحده من المنقبات ماحس اني فقدت حريتي كلش

بعدين ماشوف فيها مشكله كلش وانتي ماعرفتي زوجج عدل عشان تقولين بتطلق منه وبلعكس ترا شي حلو لمى ريلج يقولج تنقبي هذا دليل انج شي تخصينه بروحه ،، بس انتي فكري بالموضوع عاشري الريال عدل اعرفي اطباعه عدل يمكن اطباعه وايد حلوه

حرام تطلقين عشان نقاب وعبايه

 

[اختكم نونا]

دام تدرين انه دين واهله دينيين المفروض عارفه وخالصه انه بينقبج

يمكن ببيئتج الي حوالينج مو متنقبين

بس الحين ريلج يبيج تتنقبين لازم تسمعين كلامه

المره الي تسمع حجي ريلها يشتري رضاها

انتي ماعرفتي خيره من شره بس انا اقولج تنقبي وحبي هالشي ولا تحسينه يقيدج

انتي لي طلعتي ورحتي احسنلج العبايه والنقاب استر ومافيها لويه

واذا رحتي مناسبه لبسي الي تبين وفوقه عبايتج ماراح يقيدج بشي

وين التقييد بالموضوع

اذا تبين تروحين مشوار فيه لويه قوليله بلبس عبايه جتف مع نقاب وخليه يكون ساتر يمكم يرضى

 

[اختكم نونا]

انا صوت على تنقبي

الي صوتت على تطلقي هذي ماتبيلج الخير صدقيني

ابغض الحلال الطلاق انتو مو حاسين بكبر الطلاق ماخذينه شي هين

ترا بتطلعين انتي مع احترامي لج ماعندج سالفه وتفكيرج تفكير يهال مو مره بتمسك بيت ومسؤوليه ويهال وريل

النقاب كله خرجه على ويهج ماراح يجدمج ولا يأخرج

والي يحبج من قلب ويبي مصلحتج راح يقول لج تنقبي

اهوا الحين ريلج مو خطيبج عشان تقدرين تتراجعين

لو قلتي سكير لا سمح الله ولا يخربط اهني عندج الحق تقولين اتطلق ولا لا

وما قال لج تنقبي الا لانه يغار عليج

حريم ودهم رياييلهم يغارون عليهم مو حاصلهم


وانا اقولج تنقبي وفاجأيه بهالشي من نفسج عشان يحس انج سويتي شي عشانه مو تخلينه يحن ويحن عشان تتنقبين

 

[اختكم نونا]

وعلى سالفه الكويت تغيرت صح تغيرت

الي قامو يلبسون عبي صارو اكثر من قبل والمنقبات صارو اكثر واكثر

الرياييل الحين قامو يخافون اكثر من اول
هالفاشينيستات غسلو مخوخ بناتنا

وترا اذا كبرتي الشي وعطيتيه اكبر من حجمه بتكبر السالفه

واذا صغرتي الشي راح يصغر ويهون عليج

اعتبريه طلب من زوج حق زوجته ماطلب منج شي حرام بالعكس طلب نقاب يبي الستر لج يخاف عليج يغار عليج حسي فيها واذا احد سأل لج قولي ريلي يغار علي شوفي شلون يموتون بمكانهم مو حاصلهم لو وحده فيهم ريلها يقول لها تنقبي اغار عليج صدقيني بتركض تتنقب بس الريال الكويتي مشكله مايعرف يعبر ليش يبي هالشي

والله سالفه ماتسوى تكبرينها وتوصلينها حق طلاق تخيلي باجر يسالوج ليش تطلقتي كان مو زين وياج يطقج يسبج؟ كان يشرب؟ مخدرات؟ راعي بنات؟ تقولين لا عشان نقاب !!!

فكري فيها عدل

 

[نـعـومـه]

والله شوفي انتي دام تدرين ان ملتزم يعني طبيعي تتوقعين النقاب

تفاهمو بينكم والطلاق حرام تطلقين بهالسبب

 

[ام عبدالرحمن 3]

الله يبارك في كل اصحاب التعليقات بارك الله فيكم جميعا

 

[اميره بكلمتي]

أنا مع اختكم نونا معاها بكل كلمه قالتها

أصلا النقاب والعَبَايَة وأيد وبالعكس استر للبنت واحلى

 

[رنااااااا]

اختي تقدري حكي معي بالنقاش مره اتنين ثلاث حاولي وياه ,,,,,,,,,,, وما اظن هيدي مشكله كبيره للطلاق وحتى لو انتي صغيره اصغر منك ولابسين مع احترامي لك وبعدين اختي الحين بهالزمن لا تقولي لي نقاب وعبايه ولابسه وشالحه مع احترامي للجميييع الحين البنات ما ينعرف ليهم لابسه او غير لابسه ما تقدرين تحكمين عليها ستر او لا لانو الستر بالقلب بالمضمون اولا وبعدين باللباس ثاني شي طالما زوجك بدو هالشي يعني يحبك لو ما يحبك ويخاف عليك ما طلب منك هالشي ..................


مجرد راي
موفقه

 

[ريتاج_90]

اسمعي كلام زوجج ولاتهتمين للناس خلي
هالشي في بالج ولاتطالعين غيرج

وسوي لزوجج اللي يبيه يسترج ابرك من كل الرياجيل يطالعونج

وانتي شكو بالفاشنيستات ؟؟؟؟ لاتطالعين غيرج عشان ماتهدمين بيتج
واذا انتي تقولين توني صغيره لاياحبيبتي موصغيره الايام تركض ولاتفكرين
نفس الجاهل هالقرار موهين اللي تتطلقين ياما بنات تشرطوا مايبون عبايه
ونقاب وقعدوا عند اهاليهم

 

[للحياة رونق]

تنقبي مو لأن زوجج يبيج منقبة
لا .
لأن الله يحب الستر
ثم لأن الأمر هذا يسعد زوجج

بما انج تتحجبي وتلبسي عباية ...اذن انتي متدينة ومابينج وبين النقاب الا خطوة

توكلي على الله والتزمي بالنقاب .
شخص يقربج من ربج والله ينحط تاج على الراس

لكن في نقطة ...انتبهي ان زوجج مايكون غيور بدرجة خانقة
توصل للشك
الخلاصة
اذا كل شيء فيه تمام اخلاقه وسمعته وتعامله معاج ..تنقبي

 

[white ro0oz]

حبيبتي توني قريت موضوعج شكلي تاخرت في الرد عليه

من رايي تفكرين بالموضوع من جميع الجوانب ريال يبي مرته تتنقب مو عشان يسجنها بالعكس لانه يغار عليها ومايبي أي احد يشوفه غيره وبخصوص الكويت تغيرت صح الكويت تغيرت وحتى نظرة الناس تغيرت أساسا من كثر التغيير العالم ما قامت تميز بين البنت الزينه من الشينه بس يظل احسن وموهذا السبب الي يخليج تصيرين مطلقه حرام على شبابج باجر العالم تاكلج بالحجي تطلقت عشان امرها زوجها بالستر علطوول بيحطون فيج وبسمعتج وبتربيتج وباهلج
حافظي على زوجج غيرج يتمنى الزوج الي يخاف من الله صارو عمله نادرة

وعسا الله يوفقج

 

[مصممة أزياء]

أختي أعرف وحدة كذا قالت ماابيه مستحيل يغيرني ويلبسني على كيفه ومدري أيش ورفضته واخدت واحد على مزاجها بس ماطلع الزوج الكفوء الي ينشد به الظهر لدرجة انه مافي غيره نهائي لو تطلع بدون عباية عادي ولو يتغزل فيها الرايح والجاي هم عادي ولا يهمه وهالشيء صار مع الايام يرفع ضغطها وصارت تتمنى تنفصل عنه وتتزوج رجل يخاف عليها ويغار عليها ويصونها

باختصار خلي هالسالفة ثانوية وماتمنع انك تكملي معاه لو هو زوج مناسب وصالح وخلقه رفيع