ابي مرق نويبي

[سحر الشرق@]

عفية بنات
ابي احلا طريقه حق مرقة النوبيي مجربه

 

[ام الدرر]

انا ما جربت النويبي بس هو قريب من الميد بس حجم اكبر
نظفي السمج وتبليه ببهارات وملح الليمون من داخل وبره وخليه على صوب
خلطي 3-5 حبات طماط بالخلاط وحطيهم عالجولة يطبخون مع اضافة كوب ماي على نار هاديه
رشي طحين على السمج واقليه بزيت غزير مجرد تحمير
وبجدر ثاني حمسي بصل مفروم ناعم مع خضرة مفرومه (كزبر- شبنت ) وابدي ضيفي بالتدريج مكعب ماجي خضار -ثوم ناعم -زنجبيل فرش شرايح رفيعه - معجون طماط وقلبي الحمسة شويه ضيفي السمج وحبتين لومي اسود واذا تحبين فلفل اخضر وعقي صبي الطماط اللي طبختيه عدلي الملح ووطي النار ربع الى ثلث ساعة بدون تحريك قوي مجرد تقلبين الخلطة بقفشة صغيرة عشان ما تفرفتين السمج.(انا اذا بحركة اشيل الجدر بكبره واهزه يمين ويسار شوي شوي )واذا كمية السمج واايد حاولي تطبخينه بصينية او جدر وسيع عشان ما يصير فوق بعض
وعليكم بالعافيه حبوبة​

 

[موريا آدم]

مشكورة ام الدرر ماقصرت

 

[جارة القمر]

تفضلي طلبك::


http://www.q8yat.com/t545130.html



طريقة منقووووووله

المقادير ......

نويبي طبعا
معجون طماط
شبنث
بصل
ثوم
بقدونس او كزبره الي تحبه
زيت للغلي
جزر
بازيلا
....(( او اي خضار تشتهي )))....
بهارات سمج


طريقه التحظير .....

غلي السمج بالزيت ...(( مو غلي غلي .... يعني نبيها تتماسك فلابد ولازم ما نتركها على الصاج نقعد انقلبها كل شوي ملاس من فوق وملاس من تحت وما نشيل الملاس لين تحس انها تماسكت ))

المرقه
نحط البصل والثوم طبعا ...نحمسها يعني
ونحط الشبنث البهارات
بعدين الماء والمعجون ونتركها بالضبط 5 دقائق
بعدها نحط الخضار
وقبل لا تستوي الخضار نحط السمج لان النويبي يستوي بسرعه ... ونتركها يعني على حسب الحجم ..الطباخ راح يعرف متى يشيله
بعدها نضع الكبزره او البقدونس للنكهه فقط ...

 

[سحر الشرق@]

جزاكم الله خير

 

[@ DLOO3TAH@]

أأب

 

[@ام يوسف@]

ااااب