ابي محل تغليف هدايا وشنو بعد افكاركم حق عيد الام

[Oops]

السلام عليكم
كيفكم كويتيات ؟

ممم بس بغيت اذا تعرفون محل تغليف هدايا شغل عدل وتقولون لي بعد وين صاير


وبعد شنو افكاركم لعيد الام انا بشتريلها يمكن طقم عطور او اكسسوارات

 

[حرير28]

والله مادري
العطور شرينا لين قلنا بس
انا اقول توكلي ع الله واشتري لها طقمممم

اما محل تغليف الههدايا والله اعذريني اسفه ماعرف

ان شاءالله البنات يفيدونج

 

[بدورة القمورة]

انا مليت من كثر ما اشتري عطوور و بخوور و اكسسوارات

انا مفكره اشتري طقم استكاين كشخه..

 

[m3nfsk]

ولله انـــا شريتلهــا فــون ايفون فور اس

 

[amani]

شريت لها طقم جوتي وجنطه وبوك من ميلانو

يعني من باب التغيير

كل مره عبي او جنطه ماركه او بخور وعطور

غير المطعم وفي مره وديتها المطعم بالهامر الكبير للعرايس والله استانست وحطينه في السياره تفافيخ وحلويات وعصير وتمشينه لو ساعه عقب رحنا المطعم تغدينا