ابي قصيدة
- بادئ الموضوع المستغفرة 74
- تاريخ البدء
غير كل الناس
New member
يالله يامنشـي مــزون الخيـالـي
يالساتـر الغفـار ياخـيـر والــي
يالواحـد المعبـود يـاذا الجـلالـي
ياقاسم الأرزاق فـى كـل الأوطـان
يالمعطـي المنـان يـارب الأربـاب
يالمغني القادر علـى فـك الأنشـاب
ياواحدن من يرتجي منـك ماخـاب
يالخافض الرافـع وياعالـي الشـان
يالفرد.. يالقـدوس.. يالخالـق..الله
يالباسـط الجبـار ماغيـرك إيـلاه
ياعالـمٍ بالغيـب وبكـل ماخـفـاه
ياجاعلن فالأرض رابـح وخسـران
يامدبـر الأكـوان يالنافـع الضـار
ندعيك يارحمـان عطفـك ياستـار
تحفظ كويت العز من كـل الأخطـار
وتعزنـا ياخالـق الأنـس والجـان
دار الصباح اللي لهـا كلنـا جنـود
وأميرنا اللـي بالمواجيـب مشهـود
نسل الكرم عز وفخر منبـع الجـود
هذا ملاك الطيب فـى هيئـة انسـان
ولـي عهـده مانسيـنـاه لاشــك
صليب راي ودرب الأمجـاد يسلـك
حلال عقـدات المشاكـل لهـا فـك
قرمٍ شجاع ووارث الطيـب شامـان
والشعـب كلـه ياإيـلاه السمـاوات
شعب الكويت اللي لهم طيب وقفـات
عون الضعيف اللى شكى هول ميلات
شعب الكرم شعب الوفاء نبع الأحسان
والخاتمـه يامالـك الملـك ندعيـك
تحمي بلدنا عـن جميـع التهاليـك
تقبل دعاء عبدك ولاخـاب راجيـك
ياقاسم الأرزاق فـى كـل الأوطانـ
