ابي فندق لدبي والاماكن السياحية تكفون طالبتكم ؟؟

[جامعيه]

السلام عليكم حبيباتي كويتيات

باختصار انا بسافر دبي نهاية الشهر واول مره اروح دبي .. فأبي فندق يكون زين وسعرة معقول ؟؟؟ ويكون فيه سوق او مجمع داخله او لازق فيه ...
والطلب الثاني ابي الاماكن الياحية يعني انا بس اسمع هالناس تروح لدبي مجمعات معقوله مافيه اماكن سياحية حلوه وتستاهل ؟؟


والطلب الاخير ابي اعرف 100 درهم جم كويتي .... ترى حدي نيووووووو ومو عارفه شي بالامارات ... وقلت مالي غيركم عسى الله يوفق كل وحده تعطيني معلومة لو تكون صغيروووووووووووووونة


ناطره تفاعلكم _03ba:

 

[انصار]

انا بعد وياااااااج
يالله بنات نبي وحده ترد علينا

 

[one23kdd]

بحكم خبرتي القويه في الامارات انصحج بالتالي...
الفندق اهوا فندق كمبنسكي المعرفو بإسم ( امارات مول) لأنه فيه مجمع وسينما ويعتبر احدث مجمع في الامارات وفيه بعد الثلج وسكي حق الاطفال والكبار غير المطاعم والالعبا .. الخ
ثاني شي لأنه صاير في وسط دبي الجديد الي اهيا اسمها ( بر دبي ) يعني يمج مجمع ابن بطوطه ويمج جميرا بيتش ويمج سيتي سنتر ويمج شغلات وايد يعني انتي صايره في موقع استراتيجي.. ثالث شي الفندق خمس نجوم وخدمه وااااااااااااايد ممتازه ومطعمه زين والفندق ماعليه كلام ..

نيي حق الاماكن السياحيه ..
المجمعات : امارات مول ( وهذا اهوا الفندق) ابن بطوطه ( مجمع كبيـــر مقسم الى 6 اقسام وكل قسم عباره عن حضاره من الحضارات المصريه والفارسيه والهنديه والصينيه .. الخ .. مجمع سيتي سنتر مجمع ميركاتو ..

الملاهي : طبعا في كل مجمع فيه مكان حق لعب الاطفال .. عندج يم برج العرب مدينه العاب مائية طقت اكوا بارك ...

الاماكن الترفيهيه والنشاطات : اخذي رحلة سفاري وهذي بتلاقينها عند الرسبشن في الفندق يحجزلج اياها وهي عباره عن رحله حق رمال الامارات حلوه من الصبح لي الليل.. عباره عن جيب ياخذكم وروح فيكم غرازات ومغامرات وتسوون سكي بالرمل وتركبون بانشيات وبليل في مخيم فيه عشا ورقص ( محتشم ) وايد حلوه ...

الاماكن اليليه والرومانسيه : المارينا .. وهذا هم بعد يمكم ( شفتي شلون الفندق ممتاز ) المرينا عياره عن مراسي لليخت والطراريد الحلوه وصاير بينهم نافوره ودار مدارهم كافيها وقهاوي هذا يم برج العرب ... عندج بعد قهوه حلوه في فندق دبي مارين ... عندج مطهم اسمه ( جابنـقـو ) على شارع جميرا بيتش ...

اوقات الفراغ : في اوقات الفراغ خصوصا اذا كانت بعد الساعه 12 عشان الشوارع تصير فاضيه .. تتمشون تروحون الشارجه ولا عجمان .. يعني تغيرون جو من دبي او انكم تلفون وين عاد تبون كيفكم.

نصائح :
اجروا سياره من المطار ... لاتطلعون حزة طلعة الدوامات والمدارس لأنه زحمه ...

والله يا اختي شغلات وايد ماقدرت اكتبها لأنها واااايد وماقدر اكتب من كثرها

الدعاء يزاج الله خير​

 

[جامعيه]

انصار هلا فيج بموضوعي وانشالله نلقى الفايدة


حبيبتيone23kdd
يزاج الله خير وعسى ربي يوفقج على الافادة وماقصرتي يالغالية

بس ابي اعرف 100 درهم جم كويتي

والفندق اللي قلتي عنه غالي ولا معقول



بنات شدعوه اول مره اطلبكم زعلتوني والله

 

[one23kdd]

ال 100 درهم تقريبا 8 دنانير
والفندق اي غالي

 

[SupeR-GirL]

الفنادق في واايد بدبي كمبنسكي داخل بامارات مول
انتركونتينانتال وكراون بلازا يم دبي فيستيفال سيتي
وجراند حياة يم الوافي

والـ100 درهم = 7 دنانير

دبي مافيها اماكن سياحيه
بس اعتقد ان القريه العالميه فتحت حلوه تروحون لها المغربيات تونس

واذا ذكرت بعد اقول لج

 

[الدلال]

انا دايما لما اروح دبي اسكن في السيتي سنتر

الفندق فيه سوق ومول كبير ومحلاته حلووه

بس الله يعينج على الزحمه, واحتمال الحين ماكو زحمه وايد لان ماكو عطلة صيف ولا اعياد

 

[فارما.كوم]

السلام عليكم .. شلونكم


عندي سؤال ..


شنو المحلات اللي تبيع شيلات وعبي ومو موجود بالكويت .. وحدي غشيمة بالامارات اول مره اروووووح ..

ومشكووورين

 

[ام عوض]

هلا اختي

عندنا في دبي محلات كثيرة للعبي:

فيرس جويس :في بن سوقات ينتر + في تاون سنتر
اليت: في بالم سترب سنتر
بلو دان : في جمرا بلازا سنتر
ماي فير ليدي: في ابراج الامارات
المتحجبة: في تاون سنتر

مركز ابوهيل : مركز يتكون من 3 طوابق كله محلات شيل وعبي ..

 

[جامعيه]

مشكوريييييييييييييييييين حبيباتي على الرد وماقصرتوا