ابي فندق حلو اب بانكوك

[shoshowh]

انا قعدة في بايوكي سكاي الفندق الغرف عجيبه
بس الصراحه كانت ريحة اكلهم تلوع الجبد
وكان في بقاله باللوبي بليل يشوون شي غررييييب ورييييحته واااااااااااي تذكرتها
لاتطاااق بس في ناس عادي تعودو على ريحة اكلهم بس انا لا

حتى بعد يوصلج لي المجمعات فري بالباص ساعات معينه تسألينهم وتنطرين الباص بس مايردج تردين بتكسي او توك توك
وبالسلامه

 

[معجوونة]

نصيحة منى لالاتروووحين بايووك سكاي مكانة وسط الزحمة واللووووية والخدمة تحت الصفر ومعاملتهم حدها سيئة ومافي شى ينوكل على الريووووووق لان ريحة المطعم اسنغفر الله واول شى مدخل اللوبي بروووح وبعدين في مصعد غيرة للغرف والشارع الي يحطووون فية البسطات جدام الفندق تخرع من الزحمة ومن يصيرالعصر ماتحصلين تاكسي وانا امس راجعه من الفندق وحدي متحسفة اني قعدت بهالفندق والله

 

[شمع تحترق]

حبيبتي لولا تعدد الاذواق لبارت السلع

صور الفنادق بوادي و الواقع بوادي و انا كل مره اقعد بفندق احب اجرب و اغير و بحط لج اسامسي الفنادق مع الصور و السايتات
============
Royal Ivory Bangkok

http://www.asiarooms.com/thailand/bangkok/158120-royal_ivory_bangkok-hotel-gallery.html


ما انصح فيه كلش بعيد و ازعاج و الخدمه جدا تعيسه حجزته لان صوره اعجبوني بس الواقع يلوع الجبد

================

Amari Boulevard Hotel, Bangkok


http://www.asiarooms.com/thailand/bangkok/176365-amari_boulevard-hotel-gallery.html

هذا بنانا الفندق زين و الغرف نوعين في صغار و في كبار و مستوي الفندق زين و الخدمه وايد زينه و جريب من القطار بس عيبه الشارع اللي فيه ضيج و مو حلو كلش

===============

Amari Watergate Hotel, Bangkok

http://www.asiarooms.com/thailand/bangkok/66076-amari_watergate_hotel-hotel-gallery.html

الغرفه كبيره و شرحه و الفندق حلو و الخدمه ممتازه صاير بالنص و جريب من محطة القطار بس مو وايد مشي بو 10 دقايق لي ربع ساعه لي المحطه

انا بالنسبه لي وايد حلو لان الغرفه كبيره و شرحه و اثاثه نظيف
و على فكره الكويتيه تنزل مضيفينها فيه

=====================

Indra Regent Bangkok

http://www.asiarooms.com/thailand/bangkok/176400-indra_regent-hotel-gallery.html

مو ذاك الزود و الغرفه ضيجه و مكانه شوي بعيد على المجمعات يعني ما ينفع مشي كلش

===================

Arnoma


http://www.asiarooms.com/thailand/bangkok/176369-arnoma-hotel-gallery.html

اكره هذا الفندق مع انه مكانه حلو ولكن
1 - الاثاث قديم جدا
2 - الخدمه تعيسه جدا جدا
3 - القرفه حشي قبر استغفر الله
4 - حراميه بمعني الكلمه

قعدت فيه 3 مرات كل مره يطلعون لي شي لما وقت الشيك آوت عشان يدفعوني و اكتشفت ان مو بس انا كل اللي قاعدين فيه مسوي فيهم نفس الحركه
المره الاولي دفعني مال ماي شاريته من بره تخيلو اللي ينظفون الغرفه يحسبون جم بطل بالزباله و ويحطونهم على بالفاتوره مع العلم ان الماي شاريته من بره مو مال الفندق
المره الثانيه قالوا لي حارقه الطاوله بالاوتي مع العلم ان الحرق حق اوتي كبير و الاوتي اللي عندي صغير جدا و دفعت الفوس بس لزمت الا المدير يصعد معاي الغرفه و لما حطيت اوتيي على الحرق ما قدر يتكلم لان الطبعه اكير من اوتيي بوايد

المره ال 3 و هذي اللي حرمت عقبها اقعد عندهم طلعوني قبل يوم من سفرتي اقولون لي ان انا حاجزه غلط مع العلم ان الفاوجر صح و انا عندي مكتب سفريات و هل حركات ما طوف على و قالوا لي اذا بتمددين دفعي 3 اضعاف السعر عشان تقعدين ليله بعد طبعا اعناد طلعت و رحت الهولدي ان

=================

The Twin Towers Hotel

http://www.asiarooms.com/thailand/pathumwan/96106-the_twin_towers_hotel-hotel-gallery.html

هذا حلو و خدمته حلوه و الغرفه كبيره بس بعيد يعني لازم تكسي

==============

Baiyoke Sky Hotel

http://www.asiarooms.com/thailand/bangkok/152062-baiyoke_sky_hotel-hotel-gallery.html

الغرف مخلوطه يعني في شي يديد و في شي اثاثه قديم و الغرف كبار و الخدمه ممتازه بس بعيد لازم تكسي حق المجمعات

==========================

الهولدي ان

بس مالقيته مع المجموعه حلو الغرفه شرحه و حجمها وسط الخدمه ممتازه و طيارين الكويتيه ينزلون فيه

 

[ام عبادي]

قراند دايموند وايد حلو ونظيف ومرتب

 

[Q8_93]

الاخت اللي تسال عن فندق في تايلاند يمكن يكون ردي متاخر شوي بس انصح بفندق انانتورا شي عجيب فخامه وراقي وجديد وفيه حمام سباحه مثل تبين وتعامل راقي مع الزباين ولاتحتاجين لا اوتي ولا غلايه ولا كل الاشياء اللي نزحم جناطنا فيها وفيه هوز بعد.

 

[زود الغلا]

انا بعد مااااااااااااا انصح بفندق بايويك سكاي الفندق حدة مستهلك ويلوع الكبد من سعرة تدرين انه بو طقة سالي مجرب انا سكنت بفندق انتركونتينتال بصراحه راااااااااااااقي ونظيف وصج فندق 5 نجوم واذا بتروحين بوكيت عندك فندق مريديان يخت كلاب . هذا موبس فندق هذا خياااااااااااااااااااااااااااااااااااااااااااااااااااااااااااااااااااااااااااااال وبلكونته بوحها يمكن 15 متر حييييييل راقي واسترخاء بس عيبة بعيد عن الستي سنتر .

 

[mikaniya]

حياتي مشكوووووووووووووره وايد
جربت احجز بس لازم فيزا و ماعندي شسوي ؟
ودقيت علي السفريات قالي اغلا اب 12 دينار

حبيبتى اسفة على تأخير الرد، شوفى حدا من اصحابج او اصدقائج او من العايلة استخدمى بطاقته وما تخافين الحجز مجانى، والفنادق تبيى بيانات البطاقة عشان نعرف ان اللى مسوى حجز جدى واهو ما راح يلعب ويضيع وقت، لان اللى بيسوى حجز وما يرح ياخدون عمولة بتعادل قيمة ليلة واحدة

 

[الفنانة لؤلؤة]

هلا حبوبه
انا رايحه مرتين بانكوك المره الاخير شهر 3 اللي طاف
سكنت اول مره ب بايوكي سكاي والله وايد حلو حتى ريوقهم حلو وتحت الفندق بسطات ويمه كلش مجمع وكل احد يتسكر الشارع ويصير سوق الاحد بس ترا 4 نجوم
والمره الثانيه سكنت ب اماري ووتر قيت هم واااايد حلو وارقى من بايوكي سكاي وموقعه بعد حلو بين المجمعات والبسطات حيل قريبه كله مشي طبعا و 5 نجووم
وموفقه

 

[نور النهار]

أنا جربت نوفتيل سيام سكوير ماعلية زين

بس رفيجتي تمدح حييييييييل بايوك سكاي