ابي فندق بدبي ساعدوني ضروري؟؟

[أم حمني]

بنات تكفون ابي مساعدتكم سفرتي حق دبي بعد 10 ايام وللحين ماحجزت فندق انا بسافر مع زوجي وولدي ابي فندق زين ومكانه حلو بليز ردوااا علي ناطرتكم على احر من الجمر؟؟:0bee2e8d89:

 

[ام بنتها]

دشي موضوع فوشيا ( رحلتي الى دار الحي )
فندقها الي حاطته شكله عجييب
فندق اسلامي 4 نجوم ما في لا نايت كلوب و لا خمور و مصخره
وحاطه صوره
وانشالله تروحون و تردوون بالسلااامه

 

[v.i.g]

انصحج بفندق الراية وااااااااااااااايد حلو يهبل
و الي مسويه كويتي

 

[اميرة الغيد]

انا توني راده قبل كم يوم من دبي ، سكنت بفندق جراند موف بشارع الرقه ، اهو 4 نجوم وسعره زين ، ديكوره زين ومو بعيد عن السوق ، بس مشكلته ان كله هنود وفيه نايت كلوب مزعج .اذا تبين تشوفينه شوفي موضوعي (رحلتي لدبي )

 

[Naa7Laa]

حبيبتي روحي فندق تاج بلس

يهبل وهدووء وراقي حييييل مافيه خرابيط

انا وريلي كل شهر نروح ويعرفونا عدل عدل

ويستانسون على ولدي

بس حجزي من اهني ليلته ارخص من هناك

 

[glow 'n' show]

جميرا بيتش هادي و كله اجانب و يمج وايلد وادي و تدخلين فري لانج ساكنه بجميره >>يعني ولدج بكيف لووول

و كمبنسكي تحتج الامرات مول

 

[dalprincess]

جراند حياة وايد حلو انا سكنته ليلته اب 90 يمه مجمعات وسينمات ومطاعم
واذا تبين شي عالبحر عندج جميرا بيتج هم حلو وسعره نفس الشي ...
وفي فندق كراون بلازا دبي فاستيفال سيتي ... لازق بمجمع فاستفال سيتي انا حاجزته حق بعد يومين واهو 5 نجوم ومسوين عرض وايد زين الليله اب 60 ....
واذا تبين شي يم الامارات مول اخذي كمبنسكي هم ليلته اب 90

 

[ضي الامل]

هلا حبيبتي
في فندق اسمة اللوتس حلو وعلية عرض اخذي ثلاث ليالي ورابعة مجانا مع الافطار انا رايحة حقه شهر 3 الي طاف وهادي عبارة عن غرفتين وحمامين وصالة ومطبخ وصراحة نظيف وهادي وراقي
وفي فندق اسمة البستان هذا من اسنتين رحت حقة حلو بس شوي غالي
وفي شقق اذا تبين اسمه شقق الضيافة هم حلو