ابي فزعتكم - كلام ريلي الجارح

[غلاااا الروح]

طمنينااااااااااااااااااااا عليج والله احاتيج

 

[sara al3soola]

انمار وينج حبيبتي

 

[نبض القصيد]

يا بعد عمري والله..

شوفي حبيبتي اهم شيء إن صارحج لأن بعض الرياييل إحطوون بقلووبهم ويلعبوون من ورى حريمهم وتوصل لين الطلاق وعلى آخر شيء إقول السبب.. وبعد زين صبر بادره حلوة..
والأهم إن تحرك إحساسج وفتحتي قلبج حق خواتج بالمنتدى لان ما شاء الله عليهم كل وحده عندها نصايح وتجارب حلوة..

راح أدزلج على الخاص برنامج وإن شاء الله يعجبج حبيبتي..

بالتوفيق بإذن الله

 

[H_R_S]

الله يعينج حبيبتي ويسخر زوجك لك وعينه ما تشوف غيرك إن شا الله حلو إن هو صارحج بس طريقته غلط وزنك كبير وايد على طولك سوي رجيم واتبعي رياضة وللمناطق اللي تحتاج تسمين(الصدر والمؤخرة) استخدمي خلطات تكبير أم بندر اللي باالمنتدى تبيعها

 

[مزيان]

حبيبتي انتي شكلج الثقه معدومه منج
لازم اول تكونين واثقه من نفسج
لأنه الريال مايحب المره الضعيفه الي موواثقه من نفسها
وهم اهتمي بنفسج
وسوي نيو لوك
كسري عينه

 

[نبض القصيد]

للرفع

 

[:: عائشه بقلبي ::]

شدى حيلج وعززى ثقتج بنفسج يالغاليه

ومشاكلج الجمالية دشى قسم البشرة وعدليها

وعالجى فقر الدم

وعليج بالحمامات المغربيه

وزوجك اكسبيه يمج ولا تصيرين غبيه واغريه

وخليه يحبج غصب

صدقينى المرة تقدر تسوى المعجزات

وياما دبات ويخروع وازواجهم يحبون التراب اللى يمشون عليه

ليش

لان اهم يشوفون انفسهم اوفر ويننون

انت طالعى نفسج جذى وشدى حيلج بالرياضه والله يوفقك

 

[hnooy]

حبيبتي انا كنت 80 بعد الولادة وريلي شايف نفسة معني انا احلا منة بس ماعندي ثقة بنفسي وكلا يقولي يالسودة يالبطة وانا بس ابكي هذا اللي فالحة فية لمة قررت اشوف نفسي خلاص اشتركت بنادي كنت ارقص سمبا يطلع الخصر ويخليج رشيقة بسرعة مع رجيم اكل كل شي بس بعد الساعة 7 غير السوائل مافية وكنت اللبس في البيت اوسيع عشان لا يلاحظ الفرق ودخل على المنتديات وشوف هالخلطات اللي تفتح البشرة وتنعم وزيوت حق الشعر وبشهر بس
مفاجاة خليت حنجة يوصل لين الارض نيولوك شريت قميص اول مرة اشتري مثلة وصبغت شعري اشقرروهم اول مرة وحطيت مكياج وعدسات وقصيت شعري وحطيت خصل شريتها من مال البواريك مأقتة بكلبسات
واللة بنات لا تشوفون وجهة منبهر فيني طول الوقت يقول شنو سويتي عملية تجميل وغيرت اسلوبي خليت الحية وصرت جريئة ترى الريال يموت على المرة الجريئة معاة جربي لا تقولين طلاق واللة تتندمين وعيالج يضيعون وشوفي نفسج على طول مو بس هبة وترد حليمة على عادتها القديمة

 

[sallyq8]

وااااااااااااااي

عورتي قلبي والله

حبيبتي إذا إنتي 75 فآنا وصلت الحين 85 وواثقة من نفسي حدي وزوجي يشوفني ملكة جمال بس استحي من الضيق حيل والبنطلونات

ليش عاد يكلمج بهالأسلوب !! طيب الحلول
الخوات ما قصرو والله يجزاهم خير

بالنسبة للسواد فألحين الله ما كثر العيادات ومراكز التجميل بس طبعاً العيادات أفضل وفيه علاجات وايد لمشكلتج
بالنسبة للبرود فإنتي بحاجه إنج تغيرين مزاجج وتحاولين فعلاً تشوفين نفسج جذابه وحلوة بعينج وتحبين نفسج
وبعدها بتحسين نفسج مثيرة وجذابه وراح يتغير هالشي فيج بجانب الاستمرار بعلاج فقر الدم

فيه أنواع من الأكل يزيد فيج الشعور والرغبة وبتلاقينها بموضوع موجود بهذا القسم إذا دورتي بالمواضيع
السابقة بنفس القسم بتلاقينه وإذا آنا لقيته بضيف الرابط بنفس موضوعج

وحاولي تقوين ثقافتج وتبتكرين جو رومانسي مثل طريقة لبسج يكون جريء أكثر أو تغيرين الشي المعتاد مثل الألوان
سواء باللبس أو بالغرفة وإذا ما تلبسين كعب عالي اتبدي لبسي جدامه بالبيت مع قمصان النوم والحركات ماله داعي أقولج عنها
وابتكري حركات جديده تلاقينها موجوده بعد بنفس القسم واتركي عنج الخجل طالما إن الزوج متغير فدورج إنتي تغيرين بنفسج
وتجذبينه من جديد والابهار والتجديد أساس إعادة العلاقة ولفت نظر الزوج واهتمامه لج من جديد
وفعلاً سوي نيو لوك من البشرة لي الشعر واللبس وطريقة الماكياج

والله يسعدج ويوفقج حبيبتي ويهدي ويصلح زوجك لج ويبعد عنه هالبنات اللي ما يخافون الله وعيونهم على الرياييل المتزوجين

 

[Rimova]

مشكلتك انج موواثقه بنفسج وانتي اللي محسسته انج موحلوه
انا اعرف بنات والله ماينبلعون واذا تكلموا قالوا انا حلوه وانا رشيقه انا احلى وحده واهيا مافيها من الجمال شي
ويقولون ان الجيكره اذا مدحت نفسها وكانت واثقه الناس يشوفونها حلوه
بعدين عن بطنج وجسمج في قسم الرياضه موضوع مثبت عن جورج كروز(اتوقع هذا اسمه)عن البطن والارداف 8دقايق باليوم والكتابين اذا بتشترينهم تحصلينهم في مكتبه جرير حتى فيه عن الاكل الصحي والرجيم انا انصحج فيه
ومثل ماقالوا البنات بالمنتدى غيري استايلج صبغي شعرج لبسج ووو
وبالعطار تلقين خلطات مبيضه جربيهم مراح تخسرين شي مدامج قاعده بالبيت واهوا بالدوام
وغيري اسلوبج معاه موتحبطين بنفسج عنده -ترا اغلب الرياييل ماصخين بس نتحملهم عشان عيالنا
وصبري عليه -حتى لو يحب وحده ثانيه اذا غيرتي نفسج واسلوبج واهتميتيبنفسج راح يردلج انشالله