ابي غسالة ومحتارة

[.. غزلان ..]

السلام عليكم ورحمة الله وبركاته

حبيتكم تساعدوني اختار لي غسالة

بغيت تقولون لي احسن ماركة واحسن نوع الامامية ولا اللي غطاها من فوق ؟؟ وليش؟؟

انا اللي اعرفه الامامية تنظف احسن وتوفر فالماي والكهرية بس علتها انج ماتتحكمين فبرنامج الغسيل ولا تقدرين تضيفين قطع ثانية بعد ما تبتدي الغسالة

واللي تتبطل من فوق تقدرين تغيرين فبرنامج الغسيل وتضيفين قطع ناسيتها (تبطلين الغطا وترمين الثياب حزة الغسيل) بس مشكلتها تصرف ماي اكثر وصابون بعد وماتنظف نفس الامامية

محتارة مادري شاخذ

وانا شايفة غسالة lg وعاجبتني اللي غطاها من فوق اكثر من الامامية اخاف اتحسف اخذها

اي واخذ جم كيلو ؟؟ كفاية 8 كيلو حق 4 اشخاص؟؟

 

[كوكب الدرر]

انا اليوم شريت غسالة

غسالتي الأوليه اللي بابها أمامي وايد زينة من ناحية التنظيف

تغسل الملابس مدة طويلة يعني تنظفهم عدل

بس مشكلتها انج إذا شغلتيها ما تقدرين تفتحين الباب إلا لما توقف

وعقب ما توقف تظل تقريبا 3 دقايق علشان الباب يتبطل

وبابها لأن تحت لازم تجندسين وانتي تحطين الملابس أو تطلعينهم

وما ادري ليش اختربت بسرعة ، يمكن لأني أحط فيها شامبو للملابس السودة واهي ما يصير تستخدمين لها صابون برغوة

المهم اليوم رحت شريت غسالة ثانية بابها من فوق

هالغسالة أحسن من ناحية انج تقدرين تتحكمين بالبرنامج وتضيفين عليها ملابس مثل ما قلتي

بس مشكلتهم ما يغسلون الملابس مدة طويلة

يعني بسرعة تكت الماي والصابون فأحس الملابس ما تنظف عدل خاصة الملابس البيضة

لكن انتي ممكن تتحكمين فيها وتخلينها بس غسيل علشان تحطين فيها صابون مرة ثانية

بعدين تشغلين البرنامج كامل

وانتي حرة بالاختيار

 

[كوكب الدرر]

ال 8 كيلو يمكن تكون صغيرة حق 4 اشخاص

بس انتي سألي البايع أكيد اهو يعرف

على فكرة انا اللي شريتها 9 كيلو قلت أحسن علشان أغسل فيها الكفرات

 

[*ماي الورد*]

رد : ابي غسالة ومحتارة

يمدحون هوفر من جاشنمال افكر اخذها

 

[مدام سلطة]

والله غسالتي إل جي واايد مرتاحة معاها حتى الكنابل اغسلمهم فيها تتبطل من جدام واذا مستعيله أو الملابس ما فيهم وصخ وايد يعني بس عن لبسة الجسم دايم أحد على كويك أبو نص ساعه وبعدين اشغل النشافة عليها أنا ماخذه 12 كيلوا أكبر وحده ب 400 وشوي تقريبا تنشيف ميه بالمية

 

[.. غزلان ..]

تسلمون خواتي على الرد ماقصرتو

رسيت على lg top loader

شفت وحدة فيها خاصية النقع واقدر اغسل مرة وبعدين اشغل البرنامج كامل

انزين مين يعرف شالفرق بين اللي ستيل من داخل واللي ابيض ؟؟ اي احسن ؟

 

[رحيل المرافيء]

رد : ابي غسالة ومحتارة

اخذي كبيرة شوي تكفي الكفرات والكنابل احسن لج

 

[amani]

غسالة الجي من وين اشتريها ؟؟؟؟

 

[.. غزلان ..]

بنات انا قلت بشتري lg top loading صح





بس زوجي خذا لي front loading

عشان الهيتر اللي فالغسالة مايبي يكسر الطوفة