ابي عيالي يشبهوني ما يشبهون ابوهم

[هوووكي]

يوووه الله يعين البنت عليكم

كلنا نتمنى عيالنا حلوين مافيها شيء

ياختي ادعي ان بنوتك او ولد ياخذون احلى شيء فيك واحلى شيء فابوهم لو الاخلاق واهم شيء اكيد الصحه والعافيه

 

[درة أهل الطولات]

هههههههههههههههههه

 

[Model Look]

حبيبتي انا ابوي اسمر وجيكر >> بعد هذا الصج بس احبه واموووت فيه فديته حنون

وامي بيييييضه وحلوه

طلعنا كلنا جاي حليب اقصد حنطاويين لونا حلو الا وحده طلعت بيضه وشقره

واشكالنا حلوه ولا وحده فينا جيكره خذينا الملامح الحلوه من الصوبين واللون اندمج ههههه

حبيبتي ادعي قولي يارب ارزقه جمال سيدنا يوسف واخلاق سيدنا محمد ص

وادعي معافى وسليم

 

[om-3azo-83z]

خلقه ربج مو عاجبتج ولا شنو؟
استغفر الله الله بيبليج انتي
قولي انشالله يطلع بصحه و عافيه

 

[سميره مملوحه]

شوفي حبي طول منتي حاامل تمني ملامح ولدج ولا بنتج على اللي تبين سواء تبينها تشبهج ولا تشبه ابوها من تولدينها ان شالله بالسلامه ياسبحان ربج مثل ماتمنتي راح تشوفين انا تمنيت والحمدالله بالظبط مثل ما انا ابي

 

[سميره مملوحه]

واستغفر الله اللهم لا اعتراض

 

[خيالة الامارات]

لاحول ولا قوة
شو بلاكم ع البنية
حليلها تعبر عن اللي فخاطرها
وكل وحده تتمنى ضناها يطلع حلو واعتقد هالشي يحق لها
لو ريلها جيكر مثل ماقالت مانكرت هالشي و خذته لنه نصيب ومقتنعه فيه بس بعد تتمنى لعيالها الافضل
ان الله جميل ويحب الجمال
ودايما رددي اللهم ارزقه حسن الخلق والخَلق

bnt انا بعد سمعت هالمعلومه

السموحة

 

[حلوه وايد]

اشكر البنات الراقين على اسلوبهم الحلو

والبنات الي مو عاجبهم الموضوع يتعذرهم لا يدشون موضوعي اذا جذي ولا حتى يتدخلون بحياتي الشخصيه ليش اتزوجتيه هذا مو شغلكم


انا موضوعي واضح كان استفسار اذا في طريقه يطلعون عيالي علي


والله يا كثر سوالف الحريم بهالشي والمعتقدات الي تختلف من بيت لي بيت


الاراء تختلف وانا حبيت اسمع كل وحده وطريقتهم


اهلنا ويداتنا يقولون ان اذا الياهل يشبه ابوه معناته الابو ميت عى امه

وفي ناس يقولون معناته الام شخصيتها قويه


وناس يقولون اكلي روب ويطلع الياهل فاتح



هذي كلها سوالف و معتقدات و في شي من العلم هذا كان هدفي من الموضوع


بس للاسف في ناس فراغه بس تحب تتطنز ا

الي تبي تتطنز لا تدش موضوعي

 

[أإلع ـشق دلع ـهـأإ]

لآ يآحبيبتي نظريت آجدآدج غلط ...

الصح أهو مثل مآ جآ بالحديث إذآ على مآء الرجل مآء المرآه صآر الولد نفس آبوه والعكس صحيح ..

وتعتبر من الشهوه يعني إذآ الولد ع أبوه شهوة أبوه آكثر .. وإذآ على آمه شهوتهآ أكثر ..

ومآتشوفين الحريم كلهم يقولون محد يشآبهني من عيآلي ؛)

وهم نسختهآ

 

[زبيـده]

يوووووه والله اكلتو لبنيه واهيا ماقالت شي

هذا هو مواضيع ياكثرها عشان تحديد جنس الجنين والكل يرد ومستانس ..بس شكلكم على المووووود

ما اكفرت لبنيه حالها من حالنا كـــــــــــــــــــلنا لا تنكرووووون(الله جميل يحب الجمااااااال)

واذا الوحده يابت واحد مو حلو قالو مسكييييييييييييييينه ياهلها مو حلو طالع على فلان ولا فلانه <<<هذولي الي يبيلهم تكفخ

سمعي يا صاحبه الموضوع ................اذا خايفه يطلع مو حلو ادعي ربج في كل صلاه وكثري قرائه سوره يوسف واكلي فواكه وايد ...وعليج بالاوراق الخضرا (بقل ..ارويد..حندبان.....الخ)تخلي الياهل ابيض

والله يرزقنا ويرزقج بالياهل جميل الخلقه والاخلاق معااااااافى باذن الواحد الاحد

والي مو عاجبها الموضوع(القنوووووووعين ماشالله) انشالله تييب عيالها كلهم جكر هههه

 

[قلبي مملكه]

استغفر ربك اهم شي

الصحه والعافيه

لاتعليق بصراحه

 

[مشتاقة الى الله]

الله يصلح الحال والاحوال

 

[أم عزيـز]

اللي تقول اكلي روب واكلي ورقيات

يعني السودان والصومال اكلهم كله حليب والبان اشوف ماصاروا بيض

هالشغله في الجينات مالها دخل

لكن الدعااااء لله في كل صلاة باللي تتمنينه وربج يتقبل
بس بس الاكل يمكن ياثر على قوة جسم الياهل وصحته ما ياثر على خلقته


وربي يرزقج الطفل المشافى المعافى وحسن الخلق والخليقه

 

[انا لها شمس]

استغفر الله
هههههههههههه مالج الا تدعين انه يشابهج يالحسناء

وبعدين والله اعرف وحده نفسسسسج بالظبط وبنتها طلعت سوووده ع ابوها
والصبيان بيض ع امهم

 

[عالمي المجنون]

انا كنت دايم ادعي ان ولدي يشابهي بالشكل و بالحنان

و يشابهه جسم ابوه

الحمدالله طلع مأخذ منا أثنينا بس مني انا اكثر

بس عندي سوال بالنسبة الي يقول الحديث اذا قلب ماي الرجل ماي المرة

انا حملت من اول ليلة ما مداني أشتهي ريلي عشان يطلع ولدي يشابهني ؟!

 

[أأأميرة الورد]

اسستغفر الله العظيم اللي كاسر خااطري زوجج بصراحة شنو هالتفكير والعقل ؟؟؟؟؟؟؟؟؟

 

[omsalman87]

اكلي سفرجل على الريق مجربه:eh_s(15): راح يطلع البيبي احلى منج .