ابي عن تجربه اش تنصحوني فيه

[الباسمه]

الله يكتب لج الصالح
أنا من رايي صبري 3 شهور ليمن تصير بنتج عمرها سنه
وجرح العمليه يكون برى باذن الله
وحملي دامج متقبله الفكره ومتهيأه
الله يرزق كل محرومه​

 

[الباسمه]

جرح العمليه يبيله عشان يلتأم 6 شهووور هذا كلام استشاري للعلم
بس انتي زيدي منتي خسرانه شي ومنها تكبرين بنتج
​

 

[شقرا كويتيه]

قطي الحبوب والله يرزقج

 

[ام الشوامس]

دام انج قيصريه نطري سنه و بعدين قطعي الحبوب
و الله يرزقج بالذريه الصالحه

 

[توحه1]

لاتتهورين صبري ومن صبر نال

 

[نـعـومـه]

واااااي بنات شلون تفكرون ترا المرا انسان مو مكينه عشان تييب ورا بعض

وثاني شي شنو انتي كبيره !!!! عمرج 26 وعندج بنت وولد بسمله عليج شتبين بعد !!

نصيحه ريحي لو عندج ياهل واحد جان قلتلج احسن تحملين لكن الحمدالله عندج بنت وولد وبنتج صغيره ويبيلها مسؤوليه وتربيه شلون توفقين بينها وبين الثالث ؟؟؟

ريحي واستانسي

بصراحه حمل ورا بعض تعب خلاص حياتج بتكون كلها يهال وبس وترتاحين من نساة تيلج نساة ثانيه نصيحه نطري سنتين ثلاث عالاقل تريحين جسمج

 

[كويتيه مذهله 87]

حملي لان علي ماتولدين بنتج صارت مرا وبتعرسينها لووول اتغشمر ان شالله يارب تشوفينها عروووس

 

[حنان1983]

اختى الغالية كل شىء في الحياه له مميزاته وعيوبه والاولاد ورا بعض كمان له مميزات وله عيوب ومن تجربتي انا الحمد لله ربي رزقني فاول حمل توأم بنتين وعالطول حملت بدون ما اقصد ويبت بنت ثلاثه واللى صار معاي اني من ثلاثه سنوات زواج صار عندي 3 اطفال وحسيت حالي صرت كبيييييييييييييييرة وايد وعمري كان 24 وكمان زوجي حس بكبر المسؤلية وما نقدر نطلع نفس اول واهتمامي به ضعيف وكمان هو ما لحق كان اشتاق للاولاد فابدا ما كنت حاسه انو سعيد بحملى ولا انا كمان ولما ولدت كنت اهتم بالتوأم لانهم كان عمرهم لما ولدت اختهم سنه وشهرين وفوققققققققققققققق ما تتصوري تعبت جدا .
والحين الله يحفظهم لي صار عمرهم 5 سنوات واربع سنوات وهذه الميزه انهم يصيرون مع بعض واصحاب وعقولهم متقاربه وانو الوحده ممكن ترتاح فتره طويله بعد كده
انت وازني بين المميزات والعيوب وشوفي شنو الاصلح بالنسبه لحياتك فانا مثلا اعمل وكان ذلك صعب عليا جدا . الله يرزقك باللي تتمنيه وادعلى برزقني بأخ صالح لبناتي

 

[يا كويتنا]

نصيحه نطري اشوي يعني خليها اتمم سنتين تالي قطي الحبوب

 

[سمووورة]

حبيبتي نطري شووي خل تمشي وتشيل عمرهاا تالي حملي والله يرزقج الحين صعباا توهاا صغيره البنت ماخذت حقهااا

 

[الشموخ~~]

اي بس يا اختي انتي تقولين ولاداتج كلهم قيصري والقيصري يبيلة وقت العضلات ترد لحالتهم الاولي وتتعافي مو زين لج عالاقل انطري سنة منها بنتج تكبر شوي ومنها جسمج يتقوي شوي لانة مرت اخوي حملت بعد بنتها الاولي بجم شهر وعلي ولادتها ما سكر الجرح بسرعة وعسي ربي يزرقج الذرية الصالحة قولي امين