ابي علاج للحزن ابي ارتاح .

[لمسة ايد]

احسن حل للهموم والحزن اللي داخلج
اول شي تبعدين انج تشكين للناس مهما كان لان مابيدهم شي الا بإذن الله
اشكي لربج في احسن وقت ثلث الليل وهو يكون قبل صلاه الفجر بساعه
سبحان الله هذا فيه راحه وسكون وهو تنزل الله سبحانه انصحج انج توضين وتصلين ركعتين
في السجود طلعي كل اللي بقلبج .. ادعي .. اشكي .. ابكي .. صدقيني بترتاحييييين كثير
تحسين بمعنى الراحه بقربج من الله ..الله يفرج همج ويسر امرج
راح ادعي لج .. اتمنى اني قلت شي ينفعج

 

[زهرا_*]

توجهي لله في الدعاء
ادعي بسجودج
اقري قران و اسمعي قران و بتروح كل احزانج
و دوامي على صلاة الليل

 

[mnoooll]

صلي صلاتك بوقتها بترتاحين

رددي مع الاذان


واقري من القران بتمعن وترتيل كانه مافيه بالدنيا احد غيركم


اقري سورة البقره بتحسين بنشاط وسعاده غريب جربي ورديلي خبر


كل بعد فرض اقري الاذكار الفلق 3 والناس 3 واية الكرسي 1 والفاتحه 7


واصلي وشوفي الراحه


الراحه بالصلاه كان الرسول عليه الصلاة والسلام يقولها ارحنى بالصلاه يابلال

 

[سحرالعيوون]

خلي القران صديقج هذا لامجال للمشاورة
بس دايما غيري جو لا تقعدين في البيت اذا بيتكم بيزورون الاهل روحي وياهم لا تخلين
اذا تقدرين تسافرين سافري البيت بيسافرون انتهزي الفرصة وسافري مع الجماعة
اطلعي البحر الدايق كل يوم مكان مع احد اخواتج لين تصيري زينه بعدين خففي
بالشفه والعافيه​

 

[Kocheko]

الله يكون بعونج

 

[منيره آل ثاني]

ذكرتيني بنفسي
مره كُنت مهمومه حيل وجا وقت الصلاه وصليت وانا أسجد دعيت من كل قلبي
وأول مقمت من السجود حسي تبارحها عجيبه
سوي جذي والله بترتاحنين من قلبج
قولي هالدعاء

(اللهم أني عبدك ،ابن عبدك،ابن أمتك،ناصيتي بيدك،ماض بي حكمك،عدل بي قضائك،
أسئلك اللهم أن تجعل القرآن العظيم ربيع قلبي نور صدري وجلاء حزني وذهاب همي وغمي).

وتيقني بالإجابة وانتي تدعينه بهالدعاء او اي دعاء تقولينه
وصدقيني ربي بيستجيب لج وبتهون ومع الوقت بتنسين الهم

حبيبتي اذا انتي مهمومه غيرج مريض يتمنى الشفاء العاجل
ادعيلي ان الله يشفيني عاجلا غير آجل

 

[كوين سويرا]

مافي احد خالي من الحزن حبيبتي انتي
ذكري ربج و داومي عالاستغفار
كنتي قاعده بمكان و محد يسولف بينج وبين نفسج استغفري
وانتي بالسياره استغفري بكل ساعه
داومي على قراءة القرآن
الصلاه اهم شي طبعا

و لا تحطين ببالج انج حزينه!
بالعكس انسي الحزن واضحكي و فرفشي واستانسي بحياتج
ترا اكو ناس عندهم حزن اكثر منج يمكن؟
الحمدلله على كل حال
الله يبعد عنج الحزن ويرزقج السعاده الدائمه♥