ابي علاج للحزن ابي ارتاح .

[تحت ظلك]

السلام عليكم

علموني وش علاج الحزن؟
أنا صح كنت أعرف وكنت الي أوقف مع الي يحتاجني أنصحه وأذكره بالله،بس أكتشفت أني الحين ضعفت أقصى درجات الضعف.

تكفون علموني أي شي يساعدني من الي أنا فيه
تعبانه وربي تعبااانه ماتوقعت كل هالأنهيارات بحياتي بتصير ،،،

 

[Tom ♥ Jerry]

.



"الا بذكر الله تطمئن القلوب"

 

[pink Barbie]

القرآن اكيد ما يبيله حجي

منو بالدنيا ما عنده هم منو ما يحزن منو ما عنده مشاكل و .. و.. و ... الخ
كل الناس الغني والفقير مستحيل تلقين انسان حياته كلها سعاده من انولد ..
انتي باين عليج قريبه من الله يمكن يبي يختبر صبرج يمكن يبيج تتقربين منه اكثر

كل شي بالدنيا خيره .. هالجمله لازم ما تطيح من لسانج

سبحان الله صج صج القرآن سسحححر وانتي تقرين راح تحسين براحه مو طبيعيه وينشرح صدرج
حتى لو تبجين راح ترتاحين وصلي ركعتين بخشوع وفي دعاء تقولينه للحزن بعد وبإذنه تعالى راح تنسين الحزن

الله يوفقج ويبعد عنج طريج الحزن يا رب ويريح بالج :*

 

[ريوف الشريف]

اختي تحت ظلك لاتظنين ان حزنك بيقعد سنين صدقين الله يغير من حال الى حال ​

عندك كتاب للشيخ عائض القرني بعنوان (لا تحزن ) اقريه يمكن ترتاحين، كل يوم تصدقي لو بريال ( دينار) بنية ان الله ​

يفرج همك الصدقه لها أثر عظيم ​

سجلي بتحفيظ القرآن تحتكين بصحبه صالحه تنسيك همك ، لاتعزلين نفسك ف غرفه لحالك لأن الوحده​

تجيب الحزن والوساويس ​

كل يوم بعد كل صلاه كثري من قول ( ربي اشرح لي صدري ويسر لي امري )​

مارسي هواياتك ، اهم شي لاتستسلمين للحزن ب اي شكل من الاشكال ​

حبيبتي والله ان مافي شي يستحق الحــزن اكثــر من ان الواحد يخسر آخرتـــه ​

فكري ف النعم اللي الله اعطاكيها وبتعرفين وقتها انك افضل من ملايين البشر​

فيه حكمه تقول :يابن آدم لاتحزن على دنيا ​

اولهـــا :بكـــــــاء ​

واوسطها :عنـــــاء ​

واخــرها :فنــــاء​

 

[Patcholli]

الا بذكر الله تطمئن القلوب

 

[مَلآئِكِيَّه.]

آلله يبعد عنك آلحزن وآلهمَ
حآولي تتقربين من ربكَ آكثر آقري قرآن وصلي قيآم الليل خلي لسآنك رطب بذكر اللهَ
ومثل مآقآلت آختي ريوف آقري كتآب لآتحزن هالكتآب جدآ جميل وبيغير من نفسيتك وتفكيركَ
وآهم شي آلدعآء لانه يرد القدر آدعي ربك كثير وآستغفريْ وحآفظي على آذكآر آلصبآح وآلمسآءْ
الله يفرج همك ويسعدك يآرب

 

[كليـ دلعـ]

لاتكتمين

اشكي فضفضي قولي اللي عندج بجذي راح يروح عنج


الحمل والتعب

لازم تفرغين الكتمان مووزين

قوولي اللي عندج واسمعي اراااء البنات

بترتاااحين


الكل بيساعدج ويووازرج

الله يفرجها عليج

وذكر ربج والشكوا له

والقران

الاهم ربج اشكي له

وماراح يردج خايبه

 

[جمانـا]

احيانًا من كثر الضغوطات اللي تجيني انهار بس لما أتذكر أن هالدنيـا فانيــة وفيه اللي أغلى وأثمن فيه الجنّة اللي لا هم فيها ولانصب اصبر وفوض أمري لله
وترى الدنيا ما صفت لحد وأنـا أختك ومحد مرتاااح
جربي حبيبتي صلاة الليل وأشكي لربك سبحانه فضفضي له
أدعي وأدعي وأدعي وبعدها بترتاحين أدري ماتحتاجين نصيحتي بس حبيت أذكرج
الله يسعدج ويبعد عنج كل هم وضيق ويجعل راحة البال فالج دوووم

 

[ᵀᴴᴱƘsҺɑ]

حبيبتي مآلج الا القرآءن
انا كنت مثلج وصلت لحد الاكتئاب
امووت بجي بليل لدرجه احس بحراره القبر كنت افككر بس بالموت
ولمى بديت اقرا سوره البقره كل مالي واصير احسسسن ارتحت حسيت الروح ردتلي
اقري ورقي نفسج وتصدقي هذول مفاتيح السععاده بأذن الله
الله ييسر امورج ويحفظج من كل شررر
​

 

[جنون العاطفه]

لاحول ولاقوة الا بالله
الله يفرج همج ي رب

 

[خانها الحظ]

انا مع الاخت ريوف ’,

من ماله هم بالدنيا كبرتني ياهم

استغفري ربك ان ربنا غفار للذنوب

 

[ميونة الحلوة]

حبيبتي اقري القران الكريم و ادعي دايما ربي اشرح لي صدري

بعدين ابتعدي شوي عن الناس الي تشتكيلج بمشاكلها كثرة سماعج للمشاكل هي الي تخليج عايشه بحزن خصوصا اذا كانت وحده دايما شكايه لج و كل ما شافتج اشتكت لج

انا ما اقولج كشتي فيهم و لا تعبرينهم لكن اقولج اخذي نقاهه و هذا من حقج و اقري قران و بعد القراية ادعي ان الله يفرج همج و هم جميع المسلمين

 

[ظبية بوظبي]

والله الفضفضه مب دايم تريح بالعكس مرات بعد ما نفضفض نندم لان نحس انا كشفنا حالنا ونكون في موضع كله ارتباك
وبعدين مب اي احد نفضفض له نرتاح
***

مافي شي يريح كثر التقرب من الله
صلي ودعي وحفظي اذكار وقري قران
وتابعي برامج دينيه عالتلفزيون وقري كتب وسمعي فالسياره على اذاعه زينه مب اغاني
وبتعدي عن المعاصي
وتذكري ان هذي الدنيا مب دار مستقر
***
خذيلج اومقا 3 والله عجيبه
انا كنت اخذه وخواتي وصحبتي عشان نبا نقوي شعرنا والا لاحظناه انه عدل مزاجنا وريح نفسيتنا
وهو اصلا زين للنفسيه
بس المشكله متنت عليه
اخ يا القهر

كنت اخذ سفن سيز مرتين فاليوم

 

[تحت ظلك]

الله يلطف فيني ويرحم حالي .

بس دعواتكم ومشكورين.

 

[عويتقة]

صللي وابكي في صلاتك واشكي لرب العالمين وبترتاحين والله كل همومك يتزول

 

[دلوعة أبوهآ]

مافي علاج في الدنيا بيكون أقوى من التقرب لله بالصلاه والقرآن !!


" قال الله تعالى: (يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ * قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ ) "

 

[صمت المرافئ]

بقولج شغلة ...
الحزن والاكتئاب ممكن يسبب لج أزمة نفسية
تأثر على حياتج الاجتماعية وعلاقاتج
نصيحتي لج ... طبعا مع قراءة القرآن ...
راجعي طبيب المستوصف ...
ما أقولج طبيب نفسي ...
قوليله احساسج وشعورج
طبعا واضح إن مشاكلج أثرت عليج ...
خليه إما يوصف لج علاج بسيط من مضادات الاكتئاب
والا في حال احتجت يحولج على الطب النفسي
ترى العلاج بسيط وسهل ... وفعال جدا جدا
الله يريح بالج ويعوضج عن كل الآلام والحزن
قلبي معاج
​

 

[نوفه11]

فيه عدة علاجات وانا اختك اولا التسبيح والاستغفار والاكثار من لاحول ولا قوة الا بالله فلها تا ثير عجيب لانها دواء من 99داء اقلها الفقر والهم
ونظري الى من هو اسفل منك في كل شي حتى تستشعري نعمة الله والله يفرج لك وانا اختك كل هم والمسلمين اجمعين

 

[ي حليليِ]

بصراحة البنات م قصروا بس انا مابي اصير عليج داعية وجذي
يمكن انا مريت بنفس تجاربج واقوى منها بعد واخيراً ربج عطاني الهام من عنده اني اطبق شيين فقط :
- التطنيش
- مصاحبة الناس الفلة والفرفوشة
وكذلك ان حسيتي بملل اشغلي نفسج باي شيء راح تحسين بوناسة
وترى مرات وقت الفراغ اللي نعاني منه احنا ي البنات يسبب الاحزان
فكلنا نفس حالتج ي خيتي لا تخلين الشيطان يكبر الاحزان بعيونج
.
.
.
والله يبعد عنكم الاحزان
>> ي حلاتي متفائلة خخخخخخخ

 

[Mrs_Efron]

حاسه فيح ان كنت اكثر انسانه متفايله و حابه الحاله اللي انا فيها يعني برمضان كنت حاسه اني بحاله توووب بعدهامن يوم العيد مادري شصار لي هل جم اسبوع اللي طافوا صارلي 3 اشهر كنت بحاله اكتياب و حزن ومادري شنو كله 0

قسم بالله بس لجات لربي لان لا منجا ولا ملجا من الله الا اليه و قلت له كلشي كلشي كلشي احس فيه و كل يوم ادعي اني اصير احسنو انا دايما احاجي ربي و ادعي محتاجبه ولا لا يعني قبل هل حاله و بعدها ما وقفت ولا شي

و ما قلت لاحد عن اللي احس فيه الا ربي و امي و الحمدالله ابشرج انا الحين طلعت منها و ما اصدق اني كنت فيها وكل يوم ادعي ربي اشكره ان طلعني منها و اطلبه انها ما تدرد علي

انا نمت فمت دشيت بهل حاله و نفس الشي نمت قمت طلعت منها

اكيد تطلبت جهد مني و اثبات لنفسي اني انا علي غلط انا كنت اشوف شي ولاواقع شي ثاني اجبرت نفسي اني اشوف الصج و ان ما فيه شي الوضع و تقريبا ادبت نفسي بمعني اصح ما اسمح اني اعاتب نفسي

وشفت اقتباس ب تمبلر : ان لو كلمت الناس مثل ما تكلم نفسك حان ما تلقي عندك ولا صديق

بكل صلاه بالسجود ادعي الله قولي كل شي ابجي و بتحسنين

الوحيد اللي ما تنذلين له ربي الوحيد اللي يساعدج ولو انتي مقصره ربي ماكو ماكو لا تقوليلي رفيجتي اختي

الصلاه الدعا القران

وربي ادعيلج من كل قلبي انا حاسه فيج