ابي عجينـــــــــــــــــه تطرد النمل تكفووووووون مابي باودر ولاابي رش لانه مافاد

[ام ناصروحنين]

السلام عليكم ورحمة الله وبركاته



خواتي تكفون النمل الصغار حييييييييييل غزانا مهمانظفنا مهما عقمنا ماكوفايده يرد

جربت الباودر مال الحشرات والمرش :0bee2e8d89:كلش مافاد صامد في وجه المبيدات

الله يخليكم اللي يعرف عجينه نفس مالت الصراصير يدلني عليها :ada:

لانه حست مركز سلطان في كل مكان مالقيت عجينه تكفوووووون ابي عجينه مابي رش ولاباودر

ولا القهوه والبقدونس لانه مافادني

 

[ام ناصروحنين]

رفع

 

[أم جوري]

رشي سمسم .. وبلغينا بالنتيجة ..
مو زين تذبحين النمل اطرديه بس .

 

[Om Saud]

والله أنا نفس حالتج لايعه جبدي من النمل ما أدري شسوي وما أدري من وين يطلع !!

 

[ام ناصروحنين]

رشي سمسم .. وبلغينا بالنتيجة ..
مو زين تذبحين النمل اطرديه بس .

اختي ابي عجينه تطرده مابي اذبحه

والسمسم معتقد رح ييب نتيجه لانه النمل مستوطن المكان وراسه يابس

 

[ام ناصروحنين]

والله أنا نفس حالتج لايعه جبدي من النمل ما أدري شسوي وما أدري من وين يطلع !!

حياج ام سعد

وتكفين اذالقيتي حل للنمل بلغيني

 

[Balloons Shop]

ام ناصر وحنين
كذب سالفه العجينه لا تصدقين
انا دفعت 30 دينار وطلعت خالطينها بسميد أبيض
شغل تجاره
كتبي بقوقل ، قوقل ما يقصر أبد ولا يتأخر عليك
طريقة التخلص من النمل نهائيا ً

 

[شانيل76]

اختي نثري بزوايا البيت كوم حب وانشاء الله يروح

 

[brownness]

مسحي بزيت السمسم انا عمي اليوم يسولفلي وبجرب انشالله

 

[كيفانية المنبع]

الدكتور الشربيني يقول اذا بتطردين النمل رشي سمسم في الاماكن اللي فيها نمل لان السمسم يعطل حاسة الشم عند النمل فينحاش منه جربي منتي خسرانة شي واتمنى اكون فدتج حبوبة

 

[q8_hala]

رشي سمسم مكان النمل وراح يختفى
قال هالمعلومه الدكتور صبري الدمرداش ببرنامج الدكتور محمد العوضي
قال انه ريحة السمسم بالنسبة للنمل قويه وما راح يتحملها وينحاش
جربي منتي خسرانه شي

 

[ام الدلال]

اشسالفة النمل ؟ والله أنا تعبت وأنا أكفح النمل مو بس أنا حتى جارتي تشتكي وما خلينا شي والبودره موزينه انا عندي يهال واخاف عليهم وشلون السمسم وين احطه أنا ما ادري من وين يطلع:krkrkr: ينيت والله مع انه على طول انظف واعقم بس ماكو فايده:eh_s(14): عطونا حل؟؟؟؟

 

[taybaa]

حبيبتي رشي سمسم على المكان اللي فيه نمل وإذن الله يختفي وحرام قتل النمل دكتور الشربيني قاله في مقابله مع الدكتور محمد العوضي