ابي طريقة عمل الالبة بليييييز

[حنانه رنانه]

مساء الورد

رجاء احتاج اعرف افضل و اضبط طريقة لعمل الالبة

ابو العيال مشتهيها و ماني عارفة اسويها
ياريت تنقذوني بطريقتها بلييييييز
ومشكورين واااايد

 

[أم حمني3]

طريقه هي 6 بيضات و12 ملعقة حليب بودر و 3 أكواب ماء تخلط المقادير مع هيل والزعفران وكوب سكر ويوضع القليل من كريمة السائله تقريبا نصف العلبة نخفق جيدا ثم توضع علي حمام مائي وتوضع بالفرن لمدة 45 دقيقه

 

[شمحوطة 11]

طريقتي وايد سهلة والكل يمدح الإلبة اللي اسويها : 18م كبيرة حليب بودر
علبة كريمة حمرا
3بيضات
2كلاس ماء
هيل وزعفران
3م كبيرة سكر
تخلطين كل المقاديروتحطين الكراميل بالماعون الفرن وبعدين الخلطة بالحمام المائي لا تنيسن تغطين الماعون وهو بالفرن لمدة 45دقيقة وبالعافية

 

[mul-berry]

انا اسويها (اخلط لتر حليب +8بيضات +علبة قيمر +علبة كبيرة حليب مركز +هلي و زعفران و فانيليا واحط في القالب سكر محروق و اصب الخلطة و بعدين دخلينه الفرن بحمام مائي و بالعافية

 

[غاية مرامي]

نفس طريقة البنات تقريبا......6بيضات...علبة حليب كرنيشن..وبنفس العلبة تحطين ماي مرتين...سكر حسب رغبتج مافيه مقدار معين على كثر ماتحبين...وشوية هيل وزعفران بعدين تحطينه بحمام مائي وبالعافية

 

[مطيرية قمر]

يعطيكم العافية بنات
بس الألبه شنو
جنها طريقتكم اللي ينقال لها بر الوالدين
والا انا غلطانه

 

[مو عايشة بالدنيا]

حبيبتي امي تسوي البة موووووو كبيعية اخذ الطريقة منها واقولج

 

[ღ Prettyღ♥ღWoman ღ]

طريقتي روووعه وترررفــــــــــه واهم شي مافيهاا زفـــره

5 بيضاات

لتر حليب كي دي دي

علبة كريما كي دي دي

علبة كبيره حليب محلى نستله

نص كوب سكر

شوية هيل وزعفران وفانيليا

تخلطين البيض بالخلاط الكهربائي وتضيفين له باقي المقادير

وتصبينه في قالب بقاعدته الكراميل وتخبزينه بحمام مائي بالفرن لمدة ساعة

ولما تبشوفينه انه نضج بسجينه او عود اسنان غزيهاا مثل الكيكه

اذا ماطلع شي معناتهاا استوت واذا للحين ساايحه يعني يبيلهاا بعد شوي..

 

[الحبيبه الدبيبه]

الالبه طبخه من انواع الحلو القديمه والاصيله في الكويت ...
طريقتكم لحد الان مو طريقة الالبه لانها مافيها الكراميل ولا السكر المحروق

 

[<<لمار>>]

بنات شنو الفرق بين الالبة والكريم كراميل جنة الاثنين نفس المقادير

 

[جارة القمر]

تفضلي طلبك

http://q8yat.net/showthread.php?t=355051&page=20

http://q8yat.net/showthread.php?t=340971&highlight=%C7%E1%C2%E1%C8%E5



http://q8yat.net/showthread.php?t=410906&highlight=%C7%E1%C2%E1%C8%E5

 

[حنانه رنانه]

تسلموووووون و يعطيكم الف عافية و ما قصرتوا
يبدو ان هناك طرق عديدة لها
محتارة اي وحدة اجرب