ابي طريقة حق ترتيب البيت وغرفة النوم

[أم راشد المطيري]

السلام عليكم


بنات تعرفون العيد بعد جم يوم ابي طريقة حلوة لترتيب البيت وغرفة النوم شحط فيها

وشنو اجيب اكسسوارات ومفارش

سااااااااااعدوني

 

[أم راشد المطيري]

تكفوووون سااااااااعدوني

لا تخلوني

بيتي احسة فاضي ايي شي يترسة وبنفس الوقت فخم

 

[شموخ شيوخ]

روحي الضجيج مليان كماليات وتحف انشاالله اكون فدج حبيبتي

 

[أم راشد المطيري]

اب

اب

اب

 

[ابلة رسم كتكوته]

روحي سنتر بوينت مسوي تنزيلات وعنده مفارش واكسسوارات حلوه-قطي ثرو على القنفه ولا على سريرج او حطي كفر ساده واشتري كوشيات ملونه سواء لغرفتج او للصاله
ستارة الحمام واكسسوارات الحمام غيريهم
حطي زرع اذا مو حاطه او حوض سمج حجمه وسط
حطي مرايات ولا الستكرات اذا طوفتج كانت ساده وتحصلينهم بايكيا


وغيري نوع بخورج ورشوشج مالوت البيت اللي تستخدمينه او اي ملطف جو تستخدمينه عشان تحسين بالتغيير واللي معاج يحس ريحة البيت غير

 

[أم راشد المطيري]

اختي يعني شنو قطي ثرو ما فهمت عليج

 

[بـ ع ـثرة آحاسيس}~]

قصدها فرووو يعني اممممممم يعني مثل اللي يكون مثل فرو الدب <<يقالها توضح:dddds:

وافكارها الاخت ابلة رسم كتكوكته والله حلوووه وماقصرت

ربي يعطيها العافيه وانا استفدت منها حق مآي روم تبعي:eh_s(6):

 

[* خياآآله الفزعه *]

مثل ماقالت ابله رسم كتكوته
حطي ستاره للحمام
روحي سنتر بوينت تحت تلقين العجب
وغيري اماكن اثاث البيت غرفتج او الصاله
وغيري عطوراتج ورشوش البيت

 

[ابلة رسم كتكوته]

اي بعد قلبي كلكم تستاهلون
وامس بمجمع بيروت في كفرات ملونه بس تكون ساده ماركة كانون
حتى كنت باخذ بس تحسفت لاني بعد جم شهر بننقل شقه يديده وما عندي مكان بعد حق كفرات يدد فقلت مره وحده حق البيت اليديد
اخذي واحد ساده
البنفسجي مو طبييييييييييعييييييييييييي مع كوشيات مشيره ولا فيها خرز وترتر وخلي كل كوشيه لون
او حطي مع البنفسجي اخضر تفاحيييي يطلع عجيب ويا زرع بالدار واستخدمي مبخره الزيت وحطي زيت الافندر

 

[أم سيف وسلطان]

خذي كوشنات ووورد صناعي حطيهن على الزوايا او على الطاولة

وخذي فازة في اشكال وانواع في سنتر بوينت ولوحات

 

[جىجى محمد]

يارب تتعلمى ترتيب بيتك ويبقى احلى بيت ان شاء الله

 

[Xtina]

روحي رامز فيه شغلات عجيبة للغرف وانتي اذا رحتي الافكار راح تييج
انا بروحله بس بعد العيد لأني بطلع الاربعين
غيري مفارش الدار واشتريهم نفس لون الكفر وييبي ورد صناعي ونثريه بطريقة عشوائية ع التسريحة
وفيه ستكرات حلوة للجدران في بنت حاطة موضوع عنهم ما اذكر بس حلوات حييييل للديكور تقول شرتهم من مترو الفروانية