بسم الله الرحمن الرحيم
السلام عليكم ورحمة الله وبركاته..
اخبار النحيفات,اكيد متضايقين من حالكم صح عندي الحل
اول شي راح اقولكم عن تجربتي وانتو احكمو بانفسكم:ـ
والله يابنات اني تقريبا ماخليت شي مضر ونافع الا واستخدمته عشان يسمني ولا فيه فايدهبدايه من حبوب مسيجور وحبوب الخميره الى الحبوب المضره
يعني ماخليت شي حتى خلطات العنبريه اكلتها وحبوب كبد السمك وحلبه وسويت تحليل وكشف في مستشفى خاص وبضربه فلوس والله العضيم وكمان مافاد قالت لي الدكتوره ان المعده ماتستفيد من الاكل تروح ربعه للجسم وثلاثة ارباعهاتخرجه فضلات اكرمكم الله
بس للامانه انا ماكنت اكل يعني تخيلو اكل من هالحبوب والخلطات ولااا اكل يعني اضر نفسي بشكل كبير
لدرجة اني كاني اجلس من الوجبه للوجبه يعني من الغدا للغدا بكره او من عشا اليوم لعشاء بكره تخيلو يعني تقريبا 20 ساعه مااكل فيه شي وفي نفس الوقت ابكي وازعل ابي اسمن ويزيد وزني طيب من ووين..
لممعلومه كان وزني 42 وصار..........!
صرت لما يجي العيد او حفله او زواج والله يابنات اهمه واجلس ابكي قبل ماروح لانه يبيلي تضيق وتنسيق لحد مايناسبني اللبس عشاني طويله ونحيفه مره وشكلي يطلع خطا×خطا
ندخل في المهم:
قررت اني اصبر وبقوة عزم اني اسمن وبكل الطرق اهم شي اوصل للوزن المناااسب
المهم اول شي راح اخوي للعطار( يبي يشترى شاي التنحيف له هو عشانه دبدوب ههه)المهم لقاهم عارضين اعلان عن خلطة عسل تسمن 2 كيلو كل اربع ايام وطبعا انا اول وحده تجي على باله وعلى طول اشترها
اسمها خلطة(عسل)التفاح الاخضر قيمتها تقريبآ85ريال اسفه ضيعة العلبه والكرتون ولا كان وضعت الصوره هنا لون الكرتون اخضر ومرسوم عليه تفاحه خضراء وكان في شهر سته لما اشتراها لي
المهم بديت استخدمه وفي نفسي ماراح اعتمد عليه بس لازم ازيد في اكلي وكنت لما اتعشا او اتغداواحس اني شبعت لازم ازيد اكل عشر ملاعق او اكثرلين احس اني خلاص ماعاد اقدر اكل زياده
وبين الوجبات اشرب لي حليب وسندوتشات او اندومي او اي شي اهـم شي اكل(للمعلومه ترا الحليب يثبت الوزن يعني كثرري منه عشان ماتخسرين الوزن الي كسبتيه)
وخلال هالفتره كنت اوزن والاحظ كل اربع ايام اني زدت 2كيلو ومره 1كيلو وهذا الغالب وواحيان نص كيلو بس وربي مو هو السبب بس الاكل له دور لاني عرفت خطاي
المهم صرت اسوي لي عصيروفادني كثيرمكون من :حليب الطازج .حليب بودره,حليب نستله,عصير مانجو.تمر رجيز,زبيب طبعا انقعه ثم اعصره.جوز الهند.سكر...المقادير على راحتك وكنت اسويها كل اربع ايام وكل ماحسيت اني عطشانه شربت منها
ومره وانا اتصفح النت قريت خلطة الاخت الله يسعدها ويوفقها حلم بدون تفسير وكمان استخدمتها وكمان فادتني كثير
وشريت لي حبوب مسيجور واستخدمتها مع هالخلطات كلها وفادتني
وفي يوم من الايام قررت اسوي لي خلطة مع هالخلطات الي استوحياتها من النت وعرفت انها تزيد الوزن وعملت خلطتي الروعه هههه والله يابنات سمنت بلمره واضعاف سمنتي في الخلطات الي قبل
سمممممنـــت بلمره طلع لي خدود ومؤخره وصدري برز اكثر من الاول وصحتي مشاء الله تبارك الله وطبعآ كل هذا بفضل الله ثم بفضل هالخلطة والاكل والاشياء الي ذكرتها من قبل وبصبر
الكل لما شافوني تجننو قالو حرام كنتي مظلومه بنحافه كانت مخفيه جمالك وخاصه اني طويله طلع الجسم وااو عذاب يجنن
والحين اتركم مع خلطتي...
مكونات الخلطه:ـ
ملعقه ونص زيت عافيه
تمر رجيز(اكثر من عشرين حبه)
5ملاعق عسل
5 ملاعق اكل جوز الهند
5ملاعق اكل شوكلاته بودره
5ملاعق اكل حليب بودره
علبه كامله طحينية النخلة بلفستق
5ملاعق اكل سكر
كاس كبيرحلـبه
مكسرات(جوز ولوز وفستق)
نص كاس ماء عند الحاجه
الطريقه:ـ
تجيبين قدر وتصبين فيه الزيت وثم تحطين عليه التمر الرجيز بعد ماتفرغينه من النوى وتحركينه الي يصير شبه ذايب
بعدين تحطين عليه العسل وجوز الهند والشوكلاته والحليب وتحركينه بسرعه اذا حسيتي انه ثقيل وماقدرتي تحركينه اضيفي شوية ماء بعدين اضيفي طحينية النخله بعد ماتفتتيها والسكر وحركيهم بسرعه ولما حسيتي انها ذاابت اضيفي الحلبه والمكسرات وضلي حركي فيهم الين ماتحسين ان المكونات صارت متجانسه مع بعض وصارت خليط واحدحركيها لمدة نص ساعه وبعدها طفي عليها وخليها تبررد وبعدين فرغيها في علبه
طعمها روعه ومارح تحسين بطعم الحلبهابدا كان طعمها معمول تمر
خذي منها على طول كل ماتذكرتي روحي خذي لك ملعقه او ملعقتين حاولي تاخذينها اكثر من اربع مرات في اليوم واشربي بعدها حليب
والله يابنات زااد وزني بشكل موطبيعي
تخيلو كم وزني
من:42ـــــــــــــــــــــ الى:63
زاد وزني واحد وعشرين كيلو خلال ثلاث شهور21 والله يابنات ابداع شكلي يجنن
وزني 63 ثلاثه وستين
كل الي حولي يقولون مستحيل انها سامنه كذا اكيد ماخذه لها شي او متعالجه وش هالسمنه
وانا فرحانه بلمره حسيت اني سويت انجاز كبير في حياتي وتحديت كل شي لحد ماوصلت للي ابيه
خطواتي:ــ
بدون هالخطوات ماراح تسمنين فاهمه
1/الصبر والعزم,لان مع الاحباط صدقيني والتحطيم ماراح تسمنين مريت بهالشي لكن مع الصبر والعزم تحديت كل شي
2/الاكل ثم الاكل,يعني لاتذبحين نفسك بلحبوب والخلطات وانتي ماتكلين لازم تتغذين كثير ودبل الاكل اليومي عشان تسمنين يعني تاكلين وجبات زياااده يعني تاكلين 24
3/خلطتي انا ليان
4/خلطة التفاح الاخضر من عند العطار,روعه روعه خيال يابنات وموشرط تبان النتيجه في البدايه اصبري شوي وحده من صديقاتي ماضهرت النتيجه معاها الا من ثاني علبه يعني لاتتحطمين
5/خلطة حلم بدون تفسير
6/حبوب مسيجور
كل هالاشياء اتسوينها مع بعض عشان تبان النتائج بسرعه وبشريني بنتائج
ومن لما تركت الخلطه على نفس وزني ماتغير والاكل ماصرت استغني عنه تعودت عليه
ماسمح لاي احد ينقل الخلطه بدون ذكر اسمي
الي ابيه دعوه من قلب وفي ظلمة الليل ان الله يغفر ذنوبي ويرحمني ويرزقني بابن الحلال الي يعيني على طاعة الله ويفرج همي ويرزقني بلوضيفه....
اختكم:ليون..
