ابي شي يطرد هوا الرحم بأسرع وقت وطعمه مقبول :(

[الشمريه]

كل يوم قبل لاتنامين وخاصه وقت الدوره ادهني رحمج بزيت زيتون على فوق مو على تحت عشان لاينزل الرحم وانتي تسوينهااا راح تحسين ان الهواء قاعد يطلع انا مجربته لما كان فيني جذي بس انا على الخفبف مو حيل

واي شي تبينه علميني انا ان شالله ابي انزل موضوع عن نفسي شلون كنت وشلون صرت

 

[sara-25]

حبيبتى احنا امى قبل لا نزوج كان يصير هذا الشى عادى خاصه الوحده اذا ما اهتمت بنفسها بوقت الدوره ولا تاخذين اى شى بس جيبى الشاى الاسود الخشن وتبخرى فيه هذا حق البنات ورح تشوفين شلون يروح وموفقه وباجى الاشياء حق المتزوجات لان فى اشياء تكون حاره على البنت

 

[[]نهاوند[]]

دفي نفسج وقت الدوره واشربي شي دافي ولا تتسبحين او يومين ادري انها صعبه بس تحملي

انا مثلج مليانه غازات وانا مو متزوجه بس مشكلتي ما اتدفى وقت الدوره كلش حاولت اغير عاداتي لكن ماكو فايده ​

 

[زبــــــــدة]

انا ساعات اذا ما تدفيت بوقت الدورة يصير في هوا
لما ادفى عادي ماكو شي

يعني عادي لووووووووول
ماخرع روحي انا لوووووول

 

[NoWay2know]

شو الفرق بينهم وشنو اسبابهم ؟ هوى الرحم . وهوى البطن ؟؟

 

[ام العيال]

نصيحة لكم من اختكم الكبيرة
لا تخربطون بروحكم هذا هواء بارد داخل ارحامكم تبخرو باي من جاوي او قشر بصل او حنة او من العطار عندة بخور الهوا خلطة وتدفو خاصة ايام الدوروة وشربو اشياء دافية زعتر كمون دارسين اي شي دافي وابتعدو عن المشروبات الغازية

 

[g6awi]

مشكورين حبيباتي كلكم ما قصرتوا

واللي عندها شي بعد خل تكتبه عشان الكل يستفيد

انا فادتني الطبيخه

وقشور البصل والجاي الاسود تبخرت فيهم

 

[بنت باباتي]

احسن شي لهوى الرحم قشر البصل رووووووووووعه بس الطبيخه اول مره اسمع فيها

 

[الكويتـ80ـية]

مو فاهمة ساله هوا الرحم ؟؟ يعني غازااات ؟؟؟

فهموووني

 

[umlamis]

البنات ممكن يحسون بهواء من تحت

 

[Butterfly]

الله يعينج

بس اي والله ماكو احسن من الكمون والمره

 

[كويتية عجيبة]

حبوبة اذا انتي مو متزوجة اشلون اييج هوا بالرحم !!!!

- انتي غلطانة بالتشخيص - البنت الي مو متزوجة عمره ما يصير برحمها هوا ...
- اذا كنت تشعرين بأن منطقة الحدة يابسه وكنها مسموووووته ... لالالالالالالازم تروحين طبيب أمراض النسا والولادة يسويلج سونار خارجي ع الرحم ....

** وبعدين انتي اشلون عرفتي ان هذا هوا ؟؟**

** سؤالج غرييييييييب **

 

[g6awi]

عرفت من اعراضه

والهوا ايي حق البنت وحق المتزووجه

وسألي فيها

حتى هني بالمنتدى كاتبين بقسم الطب

 

[علمتني]

ليش ماتجربون شغل ام فهد
عندها دويات والله ممتازه للمتزوجه والبنات والانفاس ماشالله عليها سنين واحنا ناخذ منها
اذا تبون رقمها راسلوني عالخاص
عندها بخور وطبعا راح تمنعج تشربين بيبيسي

 

[التجارة شطارة]

انا بعد مو متزوجة وقبل كنت نفس حالتج

والحمد الله من ثاني دورة قمت اشرب دارسين وزعتر وصرت وايد احسن

صح وقمت اتدفى والبس دلاقات

سوي نفسي

 

[g6awi]

مشكووره حياتي

انا الحين بشرب الزعتر

بس اهوا مو حار على المعده ؟

لانه فيني قولون

 

[دلـــع_الكويــت]

انا اقول اكلوا مرة مثل اللهوم ترا وايد زينة تطلع الهوا اللي بالجسم من جدام ومن ورا ..لول

وسلامتكم...

 

[ام عيالي]

حبيبتي آنه خبيرة طب بديل لا اتدورين ولا شي شوي هالشغلات وراح ترتاحين باذن الله العلي العضيم
عليج ببذر الرشاد عاد كيفج تفوحينه ولا تسفينه سف ووراه قلاص ماي او تخلطينه مع تمره واذا الي فيج هوا راح يروح ان شاء الله
المره وايد زينه انقعيها في بطل ملي صحه وكل اشوي شربي منه ولا اطحنيها وسفيها يعني ابلعيها ووراها قلاص ماي
وخلاص هاذي السالفه بكل بساطه ولا يقص عليكم احد وعلى فكره الي اذكرو الكمون هم حلو بعد بس فوايده عندنا بهالعلم تكون اكثر بنواحي ثانيه يعني اهو اكثر للمعده مثلا وعساكم عالقوه

 

[ام عيالي]

ولاي استفسارمن اي عظوه انه حاظره عالخاص

 

[أسيـل الجـــرح]

الكمون اهو نفسه الناعم مال الجمعيات ولا في غيره