ابي شوركم ..

[آوتــار السكون]

السلام ع ـليكم

اتردد كثير قبل لا انزل الموضوع .. بس في الخير اللي شجعني
انتو لمن شفت نصايحكم لبعض وقلوبكم نضيفه

فقلت مالي الا الله ثم انتو

بنات انا موظقه في مجال (مختلط ) لفت نظري واحد وحبيته بس طبعا بيني وبين نفسي .. الحمد لله انا مو تبع اللف والخرابيط
المهم جلست تقريبا 8 شهور بعد كدا نقلت لمكان تاني

وهوا للحين في بالي .. فقلت مالي الا الدعاء والله يا خواتي اني ادعي ليل نهار اذا اهو
فيه الخير لي يقربه مني وطبعا مع قراءة سورة البقره و يس

المهم يا بنات بعد 6 شهور لقيته يدق علي في مكان عملي الثاني تخيلو
المهم اختصر لكم الموضوع

قاللي انه يبيني وانه جااااااد (( امي عرفت في الموضوع وامه تدري ))
بس المشكـــــــــــــــــــــله ابوووه مو راضي عشان شغلي :eh_s(16):

مو عارف كيف يقنعه حتى امه ماقدرت عليه
مع ان ابوه متعلم وجامعي بس سبحان الله
قال لو تبغاها روح خذها بس انسى ان لك ابو

قلولي يا خواتي ابي حل تكفووون كيف يلين راس ابوه
ومن ناحية الشرع كييف ؟؟

وهل يقدر ابوه يجبره يتزوج وحده ثانيه غيري يعني :eh_s(2):

 

[آوتــار السكون]

؟؟؟؟

فينكم بنوتات

 

[جديده 1]

خلي الولد يقول لأبوه اخطبها و اشرط عليهم ( عليكم ) انها تنقل لمكان غير مختلط و انتم عاد بدوركم اكيد بتوافقون .. اذا نفع الحمد لله .. و اذا مانفع حاولي تتنازلين عن الوظيفه ان كان فعلاً يستاهل و خليه يقول لأبوه انه يشرط عليكم تطلع من وظيفتها .. و انتي شوفي الوضع عاد بعدين اذا ارتحتي عالقعده اوكي .. و اذا احتجتي ترجعين للدوام خلاص هو زوجك وقتها و يقول لأبوه متضايقين ماديا ورديتها لعمل غير مختلط .. موفقه يارب

 

[شذى2007]

شتسوين غير انج تنقلين لمكان غير مختلط عاد ابوووه لازم يطيع شوره

 

[آوتــار السكون]

اي حبيبتي انا قلت اوك ماعندي مانع اترك الوظيفه

بس ابوه يقول خلاص ماتنفع دامنها دخلت المجال هذا(( الصحه )) حتى لو تركته
فهمتو علي بنات

 

[آوتــار السكون]

؟؟؟؟؟

 

[YES I CAN]

ديري بالج تكلمين الرجال بالفون

اذا تكلمينه عن هالموضوع

لاتقطين نفسج عليه

اذا صج شاريج بيتصرف

انهي علاقتج معاه اللي بالفون

عشان لايكثر الكلام عليج

وخليج على الدعاء

واذا الله كاتبه من نصيبج

بتاخذينه

 

[YES I CAN]

وخليه يتواصل مع ابوج او اخوج

انتي قولي امري بايد اهلي متى ماعزمت تخطب حياك

غير هذا مااقدر اخذ واعطي معاك

والله يكتب لج اللي فيه الخير

 

[kuwait_queen82]

هذا اولها الابو جذي ماكو غير الدعاء

 

[آوتــار السكون]

لا انا ما اكلمه بس اهو اخر مره كلمني قال عطيني حل فكري معاي
كيف اقنعه
لان من جد بنات ابوه حيييل صعب

 

[قطوة@@]

اذا يحبج راح يقنع ابوه

 

[ام زهقانه]

اكيد ابوه يقدر يزوجه غيرك
اختي غيير شغلك يكون افضل

 

[الغلا كله لبوي]

وظيفتج لاتتركينها
انتقلي لمكان ثاني مو مختلط
وعليج بكثرته الدعاء ولاستغفار

 

[أم توتو]

لازم ابوة يكون راضي بعيد الشر لو ابوه موراضي ماراح تتوفقون اله يكتب لج اللي فيه الخير والصالح

 

[آوتــار السكون]

مشكوريــن ع الردود

ربي يسهل ان شاء الله دعواتكم