ابي شوركم ياكويتيات ياسنعات

[عرباوية من قدي]

السلام عليكم
انا عضوة اتابعكم من بعيد وهذا نك رفيجتي تسلفته منهاا فديتها
بنات ابي رايكم السديد الله يخليكم ومن كلامكم اللي تشورونه علي بعتمده
الحين اذا تقدملج واحد من قبل سنه وصار اختلاف بامور العرس وراحو وردو بعد السنه متفقين على كل شي وعلى موعد الملجه
وتصير حالة وفاة ويتاجل كل شي لبعد السنه ويجون قبل ماتخلص السنه للملجه والعرس يكون بعد 9 شهور من الملجه توافقين ولا تعتبرينها خيره وترفضين
لانه احس المساله صارت طواله وفي عراقيل قاعد تصير زائد نوعيتنا نملج والعرس بعد شهرين او 3 بالكثير مومتاقلمين مع هالوضع

 

[يا حبيبي لا تقل]

ما دري واللله بس عادي اذا العرس بعد
9 شهور احنا يعقدون سنتين والوضع طبيعي مو مشكله مده الملجه ابرك واسعد كل ما طولت طكل ما ارتحتي

 

[*باربي*]

صلي صلآة الاستخارةة ..
وربي رآح يسر لج الامورج ..
لو فيهه خير راح يتيسر و لو فيه شر ..
راح يتعكر ..
و آن شآء الله تاخذين الانسآن الي تتمنينه ..

 

[التوق]

استخيري حبيبتي وراح تحسين كل شي تيسر لج
مالج غير ربج وان صارت ربي يتمم لج على خير ويوفقج يارب
وان ماصار خيييييييييييييييره خييييييييره ويرزقج بالأحسن يارب :*

 

[عرباوية من قدي]

انا صليت استخاره من اول ماخطبو ودايما مواضبه عليها والله كريم بس مااحلم حلم ولاشي ياكد لي اذا ارفض او اوافق واتوكل

 

[*باربي*]

ارجعي مره ثانيةة صلي ..
مو شرط تحلمين حبووبةة ..
ربج كريم ..

 

[$الاميررة$]

حبيبتي يقولون كل تأخيره وفيها خيره طولي بالج والصبر زين ماتدرين يمكن حياتج معاه تكون احلى حياه بس المسكين حظه مو شي توكلي على الله واحتسبي الاجر يعني خلي ببالج انج مسلمه امورج كلها لرب العالمين وانشالله الجاي احلى ربي يتمم عليج ونشوفج احلى عروس

 

[التوق]

استخيري لو عشرات مرات ونفس كلام اختي باربي
تيسير الامر مايجي على هيئة حلم ولا شي ثاني لا يجي من داخلج قناعة او يصير شي يسره او يعسره
يعني لو انتي مرتاحة يعني الحمدلله شي خير لج واذا متضايقة ومن غير سبب بترفضين يعني خيره مافيها خير

 

[عرباوية من قدي]

انا بعض المرات احس اني مرتاحه ومقتنعه وودي يصير العرس بسرعه وبعض المرات احس اني مومقتنعه وودي ارفض يعني انا بين نارين وحيره وتردد مالها حدوووود واحس خلاص برفض وبعدين اقول يمكن اندم تعبت

 

[التوق]

ياحياتي استخيري قبل لاتنامين ولاقعدتي الصبح شوفي نفسج
ولا تطالعين الشي من زاويه وحده شوفي الولد واخلاقه شوفي وضعه
اذا بين نارين قارني هني وهني عشان ترسين على شي يريحج وربي يوفقج ويسر امرج يارب :*

 

[مترفہ بك .]

وعليكم السلام ورحمة الله وبركاته
عادي يَ قلبي تكون مدة الخطوبه طويله
والاستخاره موشرط ترتاحي فيها او تشوفي رؤيا
لا انتي خلاص تستخيري الله وربي سبحانه لو فيه خير بيتمم لكِ
اذا هو شخص صاحب دين واخلاق الحمدلله لاترفضيه عشان طولت الخطوبه
ربي يوفقك حبيبتي ويتمم لك على خير ♥

الحمدلله . الحمدلله . الحمدلله

 

[دلوعة أبوهآ]

استخيري 3 ايام ورآ بعض ..
والاستخاره مو شرط تشوفين حلم يحدد لك الخيره !!
الاستخاره شي تحسينه بنفسيتك ..
شوفي الامور تتسهل ولآ لآ ..

وربي يكتب لك الخير والسعاده


,

 

[Laidy n3ooma]

مايصير تستخيرين اكثر من مره .. هذا كان مو عاجبج اللي كاتبه ربج وتستخيرين تبين شي ثاني دشي اليوتيوب وسمعي الشيوخ الكل يقول مره

خلي كل شي طبيعي وعلى ربج

 

[عازفة الذكريات]

اولاً كثري صلاة الاستخاره ودعاء وصدقه وتوكلي ع ربك وكثير اعرفهم تعسرت امورهم بشكل فضيع وصبرو الين ربي فرجها عليهم
^^دعواتك وبتوفيق حبيبتي