ابي سمبوسه العجين البتي بالفرن.بشرط مضبوطه

[ليدي بجد]

السلام علكيم..شلونكم برمضان
ابي سمبوسه الي نسوي عجينها بالبيت مثل الفطاير...بس مابي الي نقليها لا الي بالفرن...وابها تكون خطيره...وبصراحه تجمل مو اي كلام
بسويها..لام زوجي...لانها ما تاكل مقلي...بسرعه قبل يخلص رمضان​

 

[ام الدرر]

اب لعيونج وعيون ام زوجج

 

[جارة القمر]

قصدج المطبق


http://www.q8yat.com/t44614.html



http://www.q8yat.com/t913638.html




طريقة منقوووووله



سويت المطبق بعجينة السمبوسة وطلع معاي زي الجاهز بالضبط

حاولي تختاري عجينة مزيتة شوي انا اخذت عجينة اسمها دلتا وطلعت روعة معايا

شوفوا الطريقة
تاخذي اثنين من الرلقاق وتحطيهم بالطول جنب بعض وتكوني حاطة الطرف على الطرف وياليت لو تدهني الطرف دهنه من البيض عشان يلصق وبعدين تحطي اثنين من رقاق السمبوسة بالعرض يعني كانك تسوي علامة +

ولاتني انك تدهني بالفرشة بيض في الوسط قبل ما تحطي الرقاق بالعرض عشان يلصق بس دهن البيض يكون خفيف جدا يعني مسحه

بعدين تحطي الحشوة في النص مكان تقاطع الرقاق

والحشوة بالنسبه للمطبق المالح راح أقلكم عليها تجيبي حزمة كراث وتغسليه كويس وتصفيه من المويه بعدين تقطيه صغير جدا

وتكوني عاملة اللحمم المفرومة لحم وبصل ووفلفل أسود وملح أو البهارات اللي تحبيها

بعين تخلطي لحم مفروم مع كراث وانتبهو ان الكراث يكون أكثر من اللحم المفروم يعني حاولي تكثري الكراث

وبعدين حطي من هذا الخليط شوي في المربع اللي في النص اللي يغطي المربع بس لا تكثري

وبعدها وهذي النقطة جدا مهمة اكسري حبه بيضة في الصحن ولخبطيها بس شوي بالشوكة يعني يدخل البياض في الصفار عشان تفضل لزجة وما تكون سايلة لأنها لو كانت سايلة راح تخرج برا حبة المطبق

وبعدين حطي البيض بالملعقة على وجه الخلطة لا تكثري ومو ضروري الخلطة تاخذ بيضة كاملة وبعدها رشة ملح وبهار فوق البيض

انتبهوا ولا تكثروا الخلطة من جوا , بعدها نجي لطريقة تقفيل المطبق

شوفوا أول شي ادهنوا الأطراف بالبيض يعني بس مسح وبعدها تاخذوا واحد من الأطراف اللي من تحت يعني من الرقاق اللي كان تحت اول شي وبعدين اللي في الجنبين وبعدين اللي من تحت الاخيرة وحاولوا وانتو بتقفلو شدوا شوي عشان مايطلع البيض

ونسيت ما اقلكم حاجة احيانا تكون العجينة قصيرة شوي زي عجينة دلتا مثلا انا حطيت نص حبة الرقاق في النص فوق البيض وبعدين قفلت لأنه يفضل فراغ مفتوح واللي عجينتها طويلة تحاول تقص منها, وأحيانا تكون العجينة طيلة بالمرة زي الرقاق البلدي ومرة كان عندي وحطيت ثلاثة بالطول وثلاثة بالعرض

بعدين تدهني الصينية زيت وتحطي حبة المطبق فيها بس كيف تحطيها ؟؟
تشيليها بالملعقة المسطحة وتتقلبيها يعني مكان ما قفلتي المطبق يكون من تحت في الصينية عشان ما تتفكك وبعدها تدهني الوجه زيت

تخبزيها في الفرن ولما تستوي من تحت وتحمر شوي تقلبيها على الوجه الثاني ولما يحمر الوجه الثاني شوي تخرجيها من الفرن وتعصري عليهاشوي ليمون وتحطيها في الحافظة
عشان تنكتم وتصير طرية ( القدر اللي يحفظ الحرارة )

لا تولعي الفرن من فوق يخلي المطبق ناشف
وبعدين المربع الكبير يتقطع اربعة مربعات وتقدمي معاه الليمون والفلفل الأخضر
بس والله يا بنات انا احيانا احط الفلفل الأخضر في الخلطة

وعلى فكرة ممكن الخلطة تكون كراث وجبن بيضاء والبيض عشان يخليها تتماسك عشان كدا لا تكثروا البيض

وكمان ممكن مطبق حلو تهرسي موزة بالشوكة وتحطيها في النص وتحطي سكر فوق الموز شوي وفوقها شوي بيض مثل اول
بس اهم شي انه يفضل شوي في الحافظه على الأقل ربع ساعة

وعلى فكرة يا بنات انا لما يجيني ضيوف اعمل عشرة حبات مطبق مع بعض في صينية الفرن الكبيرة المستطيلة واكون خلصت قبل ما يجوا الضيوف واخليها في الحافظة ووقت التقديم اطلعها من الحافظة وتفضل حارة زي ما هي

وممكن الحشوة تكون قشطة مع شوي سكر وممكن تكون جبنة بلدي الحلوة مع شوي سكر وبيض وممكن موز وقشطة وسكر شوي والبيض ولو شوي هيل يعطيه نكهة





طريقة ثانية




’’مطبق الشاورما ’’ 2 في 1

المقادير


((شرائح سمبوسه ..

بطاطس مسلوقه مهروسه مع قشطه مع شوي ملح وكمون ..

دجاج فيليه محموس مع بصل وبهارات ..

اصابع طماط .. اصابع مخلل خيار ..

اصابع بطاطس مقلي))

الطريقة


نفس طريقة عمل المطبق.."كما في الصور"..

*نضع شرائح السمبوسه على شكل اشارة +

*نضع ملعقه من خليط البطاطس والقشطه..

*ثم الدجاج..

ثم 3 اصابع لكل من

""طماطم .. مخلل .. بطاطس

نقفلها ونلصقها بالماي و العجين..

نرتبها في صينية فرن مدهونه بالزيت..

وندهن سطح الشاورما بالبيض

ندخلها الفرن لين تتحمر من فوق وتحت

أو نحمرها في صاج او تاوة البيض

م/ن

 

[FYOON]

up up

 

[ليدي بجد]

شكرا لكل الي رفعو الموضوع
وما قصرتي يا جاره القمر وانشاءالله اسوي اكلتج شكلها لذيذه لان حشوتها احلى من المطبق
بس انا الحين قصد..العجين الي نعجنه بالبيت..نحط طحين وما وزيت. وما ادري شنو بعد ونخلط وممكن نريحها شوي ....وبعدين نفردها بالشوبك..الي خشب مثل الععاه العريضه..لها مسكات من الجهتيت ونفرد..ونقصقصها مثلا على شكل نص دائره..ونحطها بالفرن
هاه فهمتو..........مو معقول مو واضح الي اقصه..انا ما اقصد العجين الي حاطته بالصوره جاره القمر ابدااااااااااااا لا ابي عجين انا اشوي هذا الي بالصور اسمه رقاق...
ماادري احس اني هنديه وانا اشرح...جين ماما فهمتي..

 

[جارة القمر]

قصدك السمبوسة الهندية

http://www.q8yat.com/t249198.html

 

[ليدي بجد]

ايه هذي السمبوسه للقلي..ابي الي تدخل الفرن...اكيد بتكون مقادير عجينتها غيرررررررر

 

[جارة القمر]

سمبوسة بالفرن

المقادير...
4 كاسات دقيق
نصف كأس سمن
2 حبتين بيض
1 ملعقه صغيره خميره فوريه
نصف ملعقه صغيره سكر
1 كأس ماء دافي
رشة ملح
صفار بيضه لدهن الوجه

الحشوه..
(حسب ماتريدين اما...لحم مفروم......او دجاج مفروم.......او جبنه.....او تونه)

الطريقه....
1/ ينخل الدقيق في وعاء عميق مع الملح ثم يضاف السمن وتفرك العجينه باطراف الاصابع
2/ يضاف البيض وتذوب الخميره في ربع كأس ماء دافئ وتضاف للعجينه مع اضافة بقية الماء وتعجن جيدا وتوضع في وعاء وتغطى بالنايلون حتى تتخمر من نصف ساعه الى ساعه
3/ تقسم العجينه الى كور صغيره وتفرد بالنشابه وتحشى بالحشوه وتدهن بصفار البيض وتخل الفرن الى ان تنضج
ملحوظه...
1/ تشكل العجينه حسب الرغبه
2/ بعد خروج السمبوسه من الفرن تغطى بالنايلون حتى ماتنشف
وبالهناء والعافيه




طريقة ثانية

*,,,* .... سمبوسة البر بالفرن ...*,,,*





مقادير العجينة :

-4كاسات دقيق بر اسمر .
-2ونصف كاس ماء دافي...
-3ملاعق خميرة فورية +ملعقة ملح ..

مقادير الحشوة :

_اللحم مفروم ..
-حزمة كزبرة ...
-حزمة بقدونس ..
-حزمة بصل اخضر ...طبعا مفرومين ..
-3حبات طماطم ..
-ملعقة صغيرة ملح +فلفل اسود+بهار ...

للوجة : _بيضة رشة حبة البركة ..




الطريقة : تعجن العجينة بحيث تكون ثقيلة ومتماسكة وطرية شوى وتخمر لمدة ساعة او نصف ساعة ...ثم نفرد وتقطع بحافة كوب مثل الصورررررررررررة ..




*وخلال العجينة ماتخمر نجهز الحشوة :
نشوح اللحمه على النار حتى ينشف الماء منها ثم نضع الطماطم ثم البقدونس والكزبرة والبصل الاخضر والملح والبهار وتحرك قليلا ثم تكون جاهزة للحشو وهذا الصورررررررررررة ..
الحشوة على النار ...



الحشوة جاهزة ...




ثم نبدا نحشي القطع على الشكل الى تحبي ممكن مثلثات او نصف دائرة وهذا الطريقة ....








ثم نكمل الطرفين الباقين مثل الاول ويصبح عندنا مثلث الصورررررة ..



او تشكل نصف دائرة وتزين بالشوكة مثل الصوررررررررررة ...




وترص في صينية مدهونة بالزيت ثم ندهن اللوجة بالبيض وحبة البركة وتدخل الفرن من الاسفل والاعلى على نار متوسطة ...

*وهذا الطبق جاهز تفضلوا حياكم ...




منقوووووووووووووووووول




وان شاء الله هالمره هذا طلبك

 

[ليدي بجد]

ايون............اقدر اغني الحين ..انت انت مطلوبي ومحبوبي
بس بدون موسيقى لانا صايمين..هههه
شكرا لك يا عسل..وجزاك الله خير...ما قصرتي اول ما اجربها ارد اكتب تجربتي....
واهم شي..مريم سياكل ...احسها فاتحه محل تاجر سياكل اللفه ..بخمس ريال...مو لايق عليها الطبخ كلش.......ههههه.(السياكل عندنا هي القواري مو الدبابات نفسكم )