ابي سلحفة

[ميممو]

صباح الخير كويتيتات
انا اخاف من الحيوانات حيل ما اقدر المس اي شئ ينبض تحت ايديني المهم
بس صارلي اشهر تعن على بالي ابي سلحفة اربيها مادري ليش وايد حابتها وحابه اني اشتريلي وحدة ياليت الي تعرف من وين وشنو احسن اشتري برية ولا بر مائية وشنو عيوبها وشلون اتعامل معاها وين اربيها عادي بالمطبخ لازم ايبلها زرع وتراب ولا شلون
لها ريحة ولا لا وين تسويييي تكرمون !!!!

 

[AmOoNa-]

تحصلين كل اللي تبين بسوق الحمام وانا انصحج اب بريه مائيه وصخه ومايها يصير في طحالب ويطلع ريحه وجذي اما البريه تقدرين تحطينلها طشت وفي تراب نظيف عشان اذا وصخت مايطلع ريحه وتبدلينه بين فتره وفتره

 

[sweet cake]

مادري عن البريه بس بنت خالتي شرت برمائيه وكانت ريحتها تصرع الله لا يوريج.. من أكلهم
لأنها تاكل ربيان مجفف خاص.. عاد انتي تخيلي الريحه

 

[ميممو]

اووف هذا الي كنت خايفة منه بس مادري ليش بخاطري اييب وحدة
يعني ما ياكلون الا الربيان ما اقدر اوكلها الي ابيه

 

[lojeeen]

أذكر كان عندنا وحده بريه انوكلها خس و الأكل الناشف مالها

بس مثل ماقالو البنات ريحتها مثل ريحه حضيره الدياي لأن الأكل من حولها يخيس

على كل احسن شي روحي سوق الحمام و شوفي بنفسج السلاحف انا شفت اهناك سلاحف شكلها غريب و ما تصعد فوق حتى تتنفس الهوا و شكلها حلو

 

[AmOoNa-]

حبيبتي اشتري بريه مولازم برممائيه

 

[عاشقه الاسمرانى27]

حبيبتى احسن شىء البريه ماله ريحه وتاكل اشياء خضره خس جرجير وتحطينها بطشت احسن ولو تبين تلعبين بيه هم عادى حنا كنا نلعب بمالت جيرانا

 

[SILVER ROSE]

من سوق الحمام

 

[daloo3ah]

انا عندي برمائية .. كل يوم لازم تبدلين مايها وبالعكس ما تطلع ريحه لان الماي دايما يكون نظيف كل يوم تغسلينه وبالنسبه حق اكلها .. ربيان مجفف خاص ينباع لها كل يوم تعطينها 3 او 4 .. بالعكس وايد حلوه حتى تربيتها مريييحه .. حطيلها حوض وفيه تقريبا 2 سانتي ماي و حطي صخر لانها تحب الصخر وبس .. بس حرصي انج تبدلين الماي عشان الريحه لا تطلع اما اذا اهملتيها بتطلع ريحة الحوض

 

[shai5at al3arab]

وي عندي ثنتين مبتلشة فيهم استغفر الله

احس انهم بذمتي لووول