ابي ريوق عجيب

[sugar lip's]

ابي اسوي ريوق عجيب حق ريلي ابي وصفاتكم بالبيض والحركات ؟

 

[love love]

سوي اومليييت وبيض مفيووح

 

[قطوطه 1985]

سويله بيض مع خضره كله اسويه حق ريلي ستانس عليه قصي بقدونس وبصل وخلطيهم مع البيض وحطي عليهم اشويت فلفل اسود وملح وحطي اشوية زيت بالمقلى والخلطه اللي مساع وغطي المقلى وخليه على نار هاديه لين يستوي

 

[شادن المطيري]

http://www.q8yat.net/showthread.php?t=290977


وبالعافيه مقدما

 

[جارة القمر]

شوفي هالمواضيع

http://q8yat.net/showthread.php?p=5813944


http://q8yat.net/showthread.php?t=268889&highlight=%D1%ED%E6%DE



http://q8yat.net/showthread.php?p=5629927

 

[رويال ديزاين]

المطلووب :
:ggdw:

سله مثل ملووت المطاعم تلقينهم عند بو 100 و طيور الجنه ملووت الخبز ...

فوط كاروهات هم تلقينهم عند بو 100 ... إخذي اللي لونها أحمر...


صينيه من إيكيا ب نص دينار ... لونها أبيض شبه شفا...
صحوون مثل صحوون الشوربه هالصغيره
صحونج اللي بالبيت لوونهم أبيض

المطلووب من الاكل :
زيتون أخضر
جبن أبيض فيتا أو فرنسي
زيت زيتون
زعتر
طماطه فرش
فلفل أخضر حار
فلفل دقووس
جبن مثلث
لبنة
زبده صغار مغلفين
مربى لو تاخذين الصغار المغلفين أحسن كشكل
كرواسون الفيصل ساده صغير
صمون بريوش مركز سلطان الصغار
توست مربع إما المطاحن أو الملكي وايد أحسن
خبز إيراني مسمسم أو خبزه لبنانيه
للبيض 3 بيضات و :
مشروم
فليفله أو بقدونس
طماط
زيتون أسود
بصله صغيره
جبن موتزاريلا مبشور

هذا للبيض :
:ggdw:
تاخذين مقلتج تحطين فيها زيت و البصل و الفليفله أو بقدونس و المشروم و الطماط و تحمسين شويه .. تاخذين 3 بيضات تخلطينهم بصحن مع رشة ملح و رشة فلفل أسود .... تصبين البيض فوق الحمسه و تخلطين شوي و تتركينها تصير دائريه طبعا ترشين جبن الموتزاريلا و الزيتون تغطينها من فوق عشان تستوي بسرعه .. لا تحترق أو تتحمش بزياده .. تحطينها بصحن أبيض دائري. :ggdw:
الصحون الصغار أو ملوت الشوربه:
جبن أبيض فيتا أو فرنسي .. تقطعينه مربعات .. و تحطينه ب الصحن شبه عميق .. تقطعين عليه طماط و زيتون و رشة زعتر و فلفل أخضر حار لو زوجج يحب الفلفل الحار و رشة فلفل دقووس .. و تصبين عليه زيت زيتوون بكثره نوعا ما ..
و ما تحركين تخلينه جذي.. :ggdw:

صحن ثاني تحطين فيه جبن مثلث
صحن ثالث تحطين فيه لبنه و تصبين الزيت
صحن رابع تحطين الزعتر و زيت
السله :
تحطين الفوطه الكاروهات . :ggdw:
و تحطين البريوش و الكرواسون الصغار تفتحين الجيس و تحطين ثنتين
التوست تسخنينه إما بالتوستر النطاطي أو بالمقله تحمشينهم شوي ..
خبزه لبناني تقطعيها أربع
و عقب ما ترصينهم سخنيهم شويه مايكوويف أو خليهم جذي عادي
تحطين بينهم الزبده الغلفه و المربى الغلفه مثل المطاعم .. :ggdw:
إذا ما عندج زبده و مربى مغلفه .. تاخذين صحنين إستكانات أو إذا عندج صحوون عنووونه .. تحطين واحد زبده وواحد مربى... :ggdw:

طريقة التقديم .
كل سكينه و شوكه و قفشه تلفينهم بكلينكس..
و تحطينهم عالطاوله أو بالصينيه ... و لا تنسين الملاحه و الفلفلوله ( الملح و الفلفل إخذي ملاحات من بو 100 حلوين )
أول شي البريد باسكت .. و الزبده و المربى... :ggdw:

عقبها تجيبين البيض و الأطباق الرئيسيه .. بالصينيه البيضا أو على طاولة الطعام ... تصفينهم عند بعض جدام زوجج
و قوري ابيض شاي أو قلاص عصير برتقال فرش معصووور بنفس اللحظه.و نفس القلاص ماي :ggdw:

و صحتين و هنا...

دعواتكم ... لا تنسوني. _03BA:

 

[جرح الليالي]

يسلمووووو

 

[البسايل]

كفو والله ابطال يابنات ... سوى خلطة البيض بالتوست خلطى البيض مع ملح وفلفل اسود وغمسى التوست فيه واقليهبالزيت او اشويه بالشوايه .. لـــــــذيذ جدا

 

[Mis$ LeO]

انا مستعده اسوي لج ريوق

 

[SPIDER-WOMEN]

المطلووب :
:ggdw:

سله مثل ملووت المطاعم تلقينهم عند بو 100 و طيور الجنه ملووت الخبز ...

فوط كاروهات هم تلقينهم عند بو 100 ... إخذي اللي لونها أحمر...


صينيه من إيكيا ب نص دينار ... لونها أبيض شبه شفا...
صحوون مثل صحوون الشوربه هالصغيره
صحونج اللي بالبيت لوونهم أبيض

المطلووب من الاكل :
زيتون أخضر
جبن أبيض فيتا أو فرنسي
زيت زيتون
زعتر
طماطه فرش
فلفل أخضر حار
فلفل دقووس
جبن مثلث
لبنة
زبده صغار مغلفين
مربى لو تاخذين الصغار المغلفين أحسن كشكل
كرواسون الفيصل ساده صغير
صمون بريوش مركز سلطان الصغار
توست مربع إما المطاحن أو الملكي وايد أحسن
خبز إيراني مسمسم أو خبزه لبنانيه
للبيض 3 بيضات و :
مشروم
فليفله أو بقدونس
طماط
زيتون أسود
بصله صغيره
جبن موتزاريلا مبشور

هذا للبيض :
:ggdw:
تاخذين مقلتج تحطين فيها زيت و البصل و الفليفله أو بقدونس و المشروم و الطماط و تحمسين شويه .. تاخذين 3 بيضات تخلطينهم بصحن مع رشة ملح و رشة فلفل أسود .... تصبين البيض فوق الحمسه و تخلطين شوي و تتركينها تصير دائريه طبعا ترشين جبن الموتزاريلا و الزيتون تغطينها من فوق عشان تستوي بسرعه .. لا تحترق أو تتحمش بزياده .. تحطينها بصحن أبيض دائري. :ggdw:
الصحون الصغار أو ملوت الشوربه:
جبن أبيض فيتا أو فرنسي .. تقطعينه مربعات .. و تحطينه ب الصحن شبه عميق .. تقطعين عليه طماط و زيتون و رشة زعتر و فلفل أخضر حار لو زوجج يحب الفلفل الحار و رشة فلفل دقووس .. و تصبين عليه زيت زيتوون بكثره نوعا ما ..
و ما تحركين تخلينه جذي.. :ggdw:

صحن ثاني تحطين فيه جبن مثلث
صحن ثالث تحطين فيه لبنه و تصبين الزيت
صحن رابع تحطين الزعتر و زيت
السله :
تحطين الفوطه الكاروهات . :ggdw:
و تحطين البريوش و الكرواسون الصغار تفتحين الجيس و تحطين ثنتين
التوست تسخنينه إما بالتوستر النطاطي أو بالمقله تحمشينهم شوي ..
خبزه لبناني تقطعيها أربع
و عقب ما ترصينهم سخنيهم شويه مايكوويف أو خليهم جذي عادي
تحطين بينهم الزبده الغلفه و المربى الغلفه مثل المطاعم .. :ggdw:
إذا ما عندج زبده و مربى مغلفه .. تاخذين صحنين إستكانات أو إذا عندج صحوون عنووونه .. تحطين واحد زبده وواحد مربى... :ggdw:

طريقة التقديم .
كل سكينه و شوكه و قفشه تلفينهم بكلينكس..
و تحطينهم عالطاوله أو بالصينيه ... و لا تنسين الملاحه و الفلفلوله ( الملح و الفلفل إخذي ملاحات من بو 100 حلوين )
أول شي البريد باسكت .. و الزبده و المربى... :ggdw:

عقبها تجيبين البيض و الأطباق الرئيسيه .. بالصينيه البيضا أو على طاولة الطعام ... تصفينهم عند بعض جدام زوجج
و قوري ابيض شاي أو قلاص عصير برتقال فرش معصووور بنفس اللحظه.و نفس القلاص ماي :ggdw:

و صحتين و هنا...

دعواتكم ... لا تنسوني. _03ba:

ماشالله عليج عيني عليج بارده يعطيج الف الف عافيه عالفكره الخطيره وتسلمين

 

[رويال ديزاين]

حبيبتي سبايدر وومن تسلميين ... صراحه هالمطاعم ما خلو لنا شي .. بس لو نفكر شوي نقدر نغلبهم .... و عليج بالعافيه ...

 

[pinko]

افكار وايد حلوه فديتكم

 

[تاج الغلا]

ماشاءالله خووووش افكااار صج استفدنا