ابي رياضه ماتضعف لاتطنشوني بلييز

[Be colorful]

السلام عليكم
بنات انا وزني 62 وعمري ما سويت رياضه
لأني مابي أضعف جسمي عاجبني بس مافيني لياقه كلش جني عيوز وعندي كروشه صغيره
ودي اتخلص منها ماني عارفه شلون
يعني ابي رياضه ماتضعف جسمي بس تضعف مكان البطن والخصر مع لياقه
وابي احافظ على وزني مابي انزل لاني بسرعه اضعف وصعب امتن
ساعدوني بلييز وشنو النادي الزين والمحترم
وقالولي الرقص يوخر البطن وانا ما اعرف ارقص
شنو مقترحاتكم بلييز هيلب مي :yaaaaaarb:​

 

[Laymo0ona]

ماحبيت اطلع بدون رد سوي تمارين معده حق الكرشه
هذا اللي اعرفه

 

[Be colorful]

شكرا يا قلبي

 

[Sarooni]

اي سوي تمارين معده وسويدي خفيف و تقدرين تلعبين شكواش وتقدين تدشين نادي وتشتركين بــتكواندو و من هالسوالف

 

[اريام الحلوة]

السلام عليكم
بنات انا وزني 62 وعمري ما سويت رياضه
لأني مابي أضعف جسمي عاجبني بس مافيني لياقه كلش جني عيوز وعندي كروشه صغيره
ودي اتخلص منها ماني عارفه شلون
يعني ابي رياضه ماتضعف جسمي بس تضعف مكان البطن والخصر مع لياقه
وابي احافظ على وزني مابي انزل لاني بسرعه اضعف وصعب امتن
ساعدوني بلييز وشنو النادي الزين والمحترم
وقالولي الرقص يوخر البطن وانا ما اعرف ارقص
شنو مقترحاتكم بلييز هيلب مي :yaaaaaarb:​

<<<< نفس حالتج
ايه والله بنات ساعدونا

 

[اناناس22]

وآنا بعد وياكم ..

ودي اعرف طريقه امحي فيها بطني وزنودي واشد جسمي بدون لا اضعف

 

[F-Designer]

شوفي.. أنا مثل حالتج و أظعف منّج و غرامي شي اسمه رياظة .. و اهي حدها حدها شي أساسي بحياتي!

و صدقيينيي .. سوّي رياظة بجميع أنواعها لأنه لما تكبرين جسمج ما راح يظل مثل ماهو .. فحافظي عليه من الحين..
خل اعطيج خطوات بسيطة حق اللياقة.. إذا تبين تعرفين كل شي بالتفصيل أنا موجودة. .. المهم

أول شي : حمّي جسمج .. شلون؟ >> ركظي أي مكان تقدرين عليه و ركظ يكون خفيف يعني jogging و نطّي هم نط خفيف ..
بعدين سوي تمارين اللي ترفعين كعب ريولج بعدين تنزلينه " اللي بالبدنية يعلمونا ياها " . و كله حركي جسمج ..

و ثاني شي : التمديد .. جسمج ما راح تصير فيه لياقة إلا إذا مددتي جسمج . و إذا تبين طرق التمديد أعطيج ياها ولا يهمج .

ثالث شي : مارسي الرياظة أقل شي 3 مرات بالاسبوع .. يعني ونسي روحج سوي لج جدول مثلا " يوم تمارين شد البطن .. اليوم يم تمديد الجسم .. اليوم أنط بالحبل .. إلخ "

رابع شي : عشان تشدين جسمج طبعا لازم تمارين شد البطن المعروفة setups .

خامس شي : اكلي عدل! إذا ما تبين تطلع لج كرشة أو على قولتج " كريشات صغار مادري شنو " .. عقب ما تاكلين خلّج قاعدة شوي ..مو تتحركين أو سييدة تسوين رياظة أو تنامين!! دييييييييريي باااااالج تنامين عقب الأكل سيدة! هذا من أكبر عوارظ الكرشة!

و في سادس شي و سابع و ثامن و إلخخ .. بس انا مابي أطول عليج .. بغيتي شي بس دزي لي رسالة و أنا موجودة


انشالله ساعدتج
Good luck!.