ابي راي الموظفات ياريت تدخلون

[*الأثــــــــير*]

بنات بدخل بالموضوع على طول

انا مو موظفه بطاليه لان مااحب قعدت الصبح كلش افضل النوم على قومت الصبح هالكلام لمن كانو عيالي مايدرسون الحين تغير الوضع اقعد الصبح اجباري معاهم واحط لهم الريوق والبسهم واول مايروحون ارد انام
والحين مليت من هالوضع كلش مو عاجبني رفيجاتي اللي كبري توظفن وصارت لهم حياتهم وانا بس مقابله العيال والله طفشت انا اجتماعيه ما احب العزله

فأبي رايكم وبالاخص الموظفات

الوظيفة احسن او قعدت البيت

خوفي اتوظف واندم

واذا قعدت بالبيت احس راح انجن مو مستحمله

ناطرتكم بنات والله يجزاها خير اللي ترد وتفيدني

 

[Zaina-al-zaina]

السلام حبوبه

شوفي اهوا حلات الوحده مو موظفه لي مايدامون عيالها بالمدارس

وبعد هالشي احسن اداوم ...

مثل ماقلتي انتي الحين بطاليه تنامين وتنطرين ردت عيالج !
توظفي احسن عالاقل اداومين معاهم وتردين معاهم !

الفترا اللي صج كل موظفه تتمنى تكون في البيت اهوا لما يكونون عيالهم صغار قبل سن المدارس
اما بعدها فالوظيفه احسن بوااااااايد من قعدت البيت !


دوري وظيفه مناسبه لج والله يسهل عليج

 

[*الأثــــــــير*]

مشكوره ياقلبي صج رفعتي معنوياتي

 

[توتاتوتا]

انا رأي العكس


انا كنت موظفة و تركت الوظيفة من قبل اجيب عيالي لان الوظيفة تعب نفسي و جسدي و انا احب الراحة و النوم

و بعد ما جبت عيالي شلت فكرة تلوظيفة نهائي


بس مرات تجيني نفس الحاله الي تمرين فيها بس هذا وضع مؤقت مب الاصل لان اعرف نفسي ماراح اتحمل الدوام

حاولي تشغلين وقتش بشي مفيد

عالاقل اذا رجعوا زوجش و عيالش من دواماتهم تكونين مرتاحه و مروقه موب جايه معهم من الدوام وتعبانه

 

[معاالي]

هي شينه زينه

بس اذا عندج عيال صغار مايدامون خليج قاعده

اما اذا كلهم دوامات انصحج اداومين معاهم

واذا انتي مو هامج المعاش متى مابغيتي غيبي

اهم شي تكونين مرتاحه

 

[om MaRyooM]

شوفي حبوبة
اذا الوضع المادي وايد مرتاح خلج مجابلة اليهال والبيت افضل .. واهتمي بروحج بنفس الوقت وشغلي وقتج دشي نادي و دورات وجذي رح تختلطين بالناس وتستفادين بدال القعدة


بس اذا وضعج مو عاجبج صراحة الوظيفة حلوة وتسوي كيان للمرة .. .هالايام الواحد مايظمن شي

 

[Koka_alotaibi]

والله رايي توضفي يكفي تكون عندج استقلاليه وفلوسج احسن من قعدت البيت والنوم
وانتي اجتماعيه يعني بتستانسين على الدوام
وبعدين الصراحه على حسب المكان الي اداومين فيه بتلاقين الوناسه
واذا كلش كلش قدمي على الديوان وجربي واذا ماعجبج الوضع قدمي استقالتج وانتهى الموضوع
يعني منتي خسرانه شي جربي وشوفي الوضع
والله يوفقج ولاتنسين صلي صلاة الاستخاره قبل كل شي وصدقيني ربي بيسخرلج الي فيه الخير لج

 

[نوسآ]

ماقصروا البنات

وع قولتهم هي زينه شينه

 

[meera15]

كلام البنات صح ما شاالله عليهم
وانا مثلك احب النوم وحاسه فيك وايد
وبقدم لك نصيحتي


بيئة العمل تختلف عن مجتمع الأهل والاصدقاء
لا تصدقين اللى يقول وناسه وجمعه واكل وما نسوي شي
لازم تشتغلين وتلتزمين وتخلصين بالعمل عشان تحللين راتبك
واذا قصرتي بشغلك ولا كثر غيابك وطبياتك بتسمعين كلام يغث من مسئولينك
وبلاحقك الخصم والتحقيق

انا رأيي تدخلين دورات تنمين فيها هواياتك احسن ( طبخ - مكياج - اشغال يدويه - ديكور - حفظ قران )
راح تشعرين بسعادة كبيرة وترجعين البيت طاقتك عاليه تقدرين تجابلين زوجك وعيالك

 

[صمت المرافئ]

الوظيفة فيها أمان ...
من الدهر ونوائب الزمان
واستقلال مادي ...
وما تدرين يوما ما لا قدر الله تعتازين ماديا
فالافضل انج تكونين موظفة
خاصة في ديرتنا ...
بسرعة الوحدة تتقاعد وترتاح
يعني تكون في بداية الاربعين ومتقاعدة ومرتاحة
مو مثل غيرنا تتعدى الستين واهي تشتغل
وبعدين ما أشوفج مستفيدة من قعدة البيت بغير النوم
وضيقة الخلق
الوظيفة أحسن لج
هذا رايي كموظفة
​

 

[PuPa^^SWeeT]

سوييلج مشرووع



بلا الدوام و بلاويه



عالاقل مشرووعج اتجابليينه ببيتج منها دخل و منها علاقات اجتماعية

 

[*الأثــــــــير*]

الله يوفقكم بنات ويارب يسعدكم دنيا واخره

بس فعلا انا محتاجه الوظيفه منها اطلع مليت من قعدت البيت ومنها اتعرف على صديقات جدد وبصراحة انا فكرت فيها اني مدام اني توي صغيره اتوظف الحيين ولا بعدين اذا كبرت ماتسوا

 

[*الأثــــــــير*]

للرفع

 

[هجووورة]

مثل الاخت
نمي هوايتج واشغلي وقت فراغج عمر النوم ما عمر ديرة تقدرين توظفين نفسج وانتي بالبيت
الوظيفه هم وتحسين عايشه بعالمين عالم البيت والعيال والمشاكل وعالم الدوام والمسورلين وهمن مشاكلهم
وبالتوفيق

 

[احساسي غريب]

اذا ابو العيال مو مقصر عليج وحالتكم الماديه زينه نصيحه لاتتوظفين خليج ابيتج عند عيالج احسن الوظيفه ماوراها الا الهم والغم ومثل ماقالت الاخت لا تعتقدين انه جو العمل هو مثل جو العلاقات والجمعات والله مافيه غير الحسد والحقد ونقل الحجي والغيره اكثر الدوامات جذي اذا مو كلها ومثل ماقالو البنات اذا تبين تستفيدين من وقتج دشي دورات ونمي هواياتج منها تستفيدين ومنها تشغلين وقت فراغج

 

[وحيدة امى]

كلام البنات صح ما شاالله عليهم
وانا مثلك احب النوم وحاسه فيك وايد
وبقدم لك نصيحتي


بيئة العمل تختلف عن مجتمع الأهل والاصدقاء
لا تصدقين اللى يقول وناسه وجمعه واكل وما نسوي شي
لازم تشتغلين وتلتزمين وتخلصين بالعمل عشان تحللين راتبك
واذا قصرتي بشغلك ولا كثر غيابك وطبياتك بتسمعين كلام يغث من مسئولينك
وبلاحقك الخصم والتحقيق

انا رأيي تدخلين دورات تنمين فيها هواياتك احسن ( طبخ - مكياج - اشغال يدويه - ديكور - حفظ قران )
راح تشعرين بسعادة كبيرة وترجعين البيت طاقتك عاليه تقدرين تجابلين زوجك وعيالك

نفس كلامها والله قعدة البيت تهبل بس مجبوره اداوم الماده

 

[*الأثــــــــير*]

والله شجعتوني ادخل دورات بس بشنو تنصحوني ابي اتعلم محادثه باللغه الانغليزيه بس ما اعرف مكانهم ياريت اللي تعرف وزينين تدليني عليهم

واحب الطبخ وين ممكن احصل دورات

وهم الاشغال اليدويه

 

[*الأثــــــــير*]

وينكم بنات