ابي رايكم ضروري في لندن باريس لاهاي

[ابله سارونه]

ابي رايكم ضرورى في رحلة باريس لندن لاهاى ......... بس بدون قروب
انا اول مره اروح اوروبا ...... فبعرف عادى اروح لها بدون قروب ؟ اشرايكم ؟
وثانى شي .... انا بروح 15 يوم انا وزوجي جم يكفينا مصرف يعني عادي بدون تسوق ؟ابي اقل شي لاطيرون فيني فوق بالمصرف يعني اتكفينا 1500 مواصلات واكل وطلعات ؟
وشلون جوها راح اكون ........ عشانى بروح لها بتاريخ 24 - 7 تقريبا ؟

 

[ابله سارونه]

وينكم ليش ماتردون عفيه ابي الرد سريع ضبطوني قبل لا يهون زوجي ابي اروح اوربااااااااااااااااااا وبخلص الفيزا يبيلها مده على ماتطلع بعد فأبي رد بأقرب وقت بليززززززززز

 

[LA TROO7]

اذا التذاكر والسكن محجوزين يكفي 1500 مصروف بس مووو سكن وطبعا ويا تسووق خفيف والجوو رووعه بس والله مرات يحوشهم ايام حر عاد هم يستانسون واحنا نتحلطم

وعادي بدون قروب وان شاءاله تستانسين ولااحقينكم ​

 

[@ضحاوي@]

ابي رايكم ضرورى في رحلة باريس لندن لاهاى ......... بس بدون قروب
انا اول مره اروح اوروبا ...... فبعرف عادى اروح لها بدون قروب ؟ اشرايكم ؟
وثانى شي .... انا بروح 15 يوم انا وزوجي جم يكفينا مصرف يعني عادي بدون تسوق ؟ابي اقل شي لاطيرون فيني فوق بالمصرف يعني اتكفينا 1500 مواصلات واكل وطلعات ؟
وشلون جوها راح اكون ........ عشانى بروح لها بتاريخ 24 - 7 تقريبا ؟

عزيزتي الفيزا حق لندن غير ترى عن باريس ولاهاي...هاذي نقطة وكل وحدة لها سعر...بعدين شلون بتنقلون ؟؟
هالطريقة طبعاً بعد لها دور...
مدام إنتوا بس 2 معناته سهالة...أغلى شئ السكن..خصوصاً باريس...بس ترى رحلتكم حلوة وإذا عرفتي تنسيق بتطلع رحلة ولا في الأحلام إن شاء الله...لا تطولون بباريس ..عشان توفير المصرف...يعني تقسيمة الرحلة لها دور في إقتصاد المصروفات...نصيحة حددي إنتي شتبين تشوفين في كل دولة وبعدين قسمي أيام الرحلة...
بالتوفيق عزيزتي ويا رب أكون أفدتج

 

[أرنوبهـ]

انا شفت الرحلة هذي امس بالسفريات مع قروب انتي ناويه تروحين مع قروب ولاشنو؟؟

 

[حاااايره]

صراحه باريس نااااااااااااااااااااااااااار ولندن مو هينه ما اقص عليج ولا ابالغ بالمصرف ال 1500 كللللللللللللللش ماتكفي اكل ورحلات ومواصلات حتى لو من غير مشتريات حبيبتي لا تروحين وتتوهقين

 

[اميرة الغيد]

انا اظن 1500 اذا بس مصروف حده حده اذا بدون التذاكر والسكن لان المطاعم غاليه حيل والمواصلات اذا اندر جراوند موغالي ، انصحج اذا حجزتي الفندق تحجزين وجبة افطار بعد عشان توفرين شوي وبعد يكون احسن لو تاخذين ماجله معاج ترى الاكل عندهم غالي راح تحسين بقيمة الجبن والشغلات هذي ههههه
بالنسبه للجو لندن وباريس روعه هالشهر مطر خفيف وغيم وبراد لاهاي مارحت لها اهيا بأي دوله؟
بالنسبه للقروب ماله داعي بلندن وباريس اذا تمشون حالكم بالانجليزي اخذوا الاماكن وانتو روحو وعموما لندن مايبيلها مترجم تشوفين العرب اكثر من الانجليز بالصيف .وصج لندن مايبيلها قروب اذا تبين اقولج الاماكن وروحيلها بدون قروب.
رحله سعيده