ابي رايكم بهدية زوجي ؟!

[شموخي اتعبهم]

اااااااااااااااب حتى اناابي شي يديد ومميز لانه قرب يوم زواجنااا

 

[love love]

شوفي ريلي مدمن قهوه

توه اخذ هالمكينه بس مو نفس الماركه بس حددددده مكيف وانا كيفت وياه لووووول

اشتري بعد وياه ماق علشان اذا طلع يسويله فيه

 

[bubble.gum]

حلوه ماكينه القهوه
من وين
ومن وين الكوفي اخذه
وجم سعره

الماكينه الاولى من جيان او الغانم اتوقع موجوده ...
الثانية من 360

 

[bubble.gum]

اييه اخذييله المكينه الاولى حلوه والله عجبتني

بطلع بره الموضوع لاهنتي بغيت اسالج من وين هالمكينه القاها وبجم وشلون استخدامها ؟؟

الاولي من الغانم او جيان ماني ماتكدة والثانيه من 360

حبيبتي اخذيله عطر اس تي لودر اسمه (( وود مستيك )) وايد حلو وذرب

واخذيله لاب توب اذا ماعنده وحجزيله سبا تايم خل يدلعونه شوي ^_^

عنده لاب توب وصح فكره سبا خل احجزله من زمان وده فيه
مشكوره حبيبتي عالمرور

حلوه المكينه هم في مكينه نستله هم حلوه ..

والعطور عندج الور شانيل .. وبلو شانيل .. عجيبين

الاولى اهيه نستله ...
سجلت اسامي العطورات عشان اجربهم .. لانه صج مالي خلق اشم عطورات ادوخ
مشكوره عالمرور

حبيت فكرتج مالت المكينه < شكلنا احنا اللي بنستفيد من افكارج
ماشاء الله عندج أفكار حلوه مايحتاي نشور عليج وأخذيله مكينة القهوة والعطور

حبيبتي تامرين ... ومشكوره عالرد:eh_s(7):

اذا امج شاريه مكينة الاسبرسوو ماله داعي تشترين بعد انتي مكينه

الاول غير عن الثانيه واللي خلاني افكر فيها جم مره يقولها جدامي مادري اهيه نغزه ولا شنو هههه

المكينه والعطور
دام بخاطره

ويبيلج ٤ سنين عللاقل ماتشتريله ساعات
لوووووووول مو حلو نفس الشي وورا بعض بعد
غيري احسن

اييي مل من الساعات اهله وانا بس ناخذله ساعات لانه اسهل شي ههههه...

حبيبتي اول شي الله يهنيكم ببعض......ثانيا لااااااااااا تشترين المكينه مالت الكوفي انا شريت وحدة من نوع ثاني وغاااااليه بس ما عجبني اللاتيه او الكابتشينو حده ملييييق والي يبيعونه بالكوفي شوب وااااايد احلى خاصة اذا زوجج يحب الكوفي فراح يفرق معاه الطعم......انا بعد عندي ماكينة الكوفي العاديه بس حلوه بس النوع اليديد الي متخصص بالكابتشينو واللاتيه حده مو حلو لانه ما يطلع فرش ولذيذ نفس الي بستاربكس والحين متوهقه فيها شنو اسوي فيها:eh_s(10):
وهذي نصيحتي

الاشياء الي انا سويتها وإلي اقترحها عليج :

- عطور مميزه أو تشيرتات ماركة ممكن تطلبيه من مواقع النت راح يكون سبيشل :ggdw:

- اذا كان يحب نادي رياضي معين ممكن تشتريله بدلة رياضية كاملة بجميع اكسسوارتها على شكل مانشستر يونايتد مثلا شوفي هذا الموقع واطلبي من مواقع الانترنت أو دوري مثلهم بالكويت:
http://store.manutd.com/stores/manu...root|1546=Fashion&category|cat_1546|1806=Mens


- اذا ظروفكم تسمح خلي هديتج حدها غيييييير وفاجئيه بسفرة ويكأند لدبي مثلا بس انت وياه:rerrerek:

واذا تبين افكار بعد قوليلي Good Luck:eh_s(7):

انتي اي مكينه شاريه .. لانه اللي يمكن اخذها نستله ..
العطور هذا اكيد راح اخذله وهمن فكرت بالتيشيرت ماركه ...
ويحب نادي تشيلسي همن كله يلبس تريننقات منهم بس لازم اشوف شنو اليديد انا عليميه بهالسوالف ...لانه كل مره يقولي في تيشيرت يبي ينزل او لمن اطلع تريننق يقولي هذا قديم موديله :eh_s(10):

انتي شوفي شنو اللي بخاطره واشتريه احسن راح يستانسسسس اكثر

انا توني شريت بوك كارتير حق ريلي وحييل استانس لان كان بخاطره عاد انا انتهزت الفرصه وشريته له لان حدددددي اضيع لا بغيت اشتريله هديه ريلي صعب شوي مايلبس اي شي

وهم يوم ميلاده شهر 5 ومادري شنو اشتريله !!!!!

على جم اسعارهم البواكه ؟!
امبييه مثل ريلي انطر يقول شي يبيه عشان اييب له لانه مو كل مره يقول واتوهق

امج شاريتله مكينه قهوه لاتشترين وحده ثانيه ماله داعي

المكينه اللي بشتريها غير مو مثل بعض ... اللي امي يابتها بس حق الاسبريسو والثانيه حق كل انواع القهوه ...

من وين الماكينه الاولى؟
انا اقول اذا يحب القهوه اكيد اخذيها مع عطورات.. احلى شي بالهديه ان شي يحبه

الاولى اعتقد من الغانم او جيان

مكينة القهوه حلوه مع ست عطور .

مشكوره حبيبتي عالرد

الساعات لا
خلاص عطيتيه اكثر من مره
المكينه حلوه
الله يخليكم البعض يارب

حبيبتي اجمعين ياارب
ومشكوره عالرد

 

[ام محمد النصار]

مكينة القهوه فكره يديده اشوفها افضل من الباجى الساعه والعطور والنظاره

 

[bubble.gum]

رفيجتي مره جابت حق ريلها حوض سمج المنزلي اللي يصير حجمه كبير شويه اذا ريلج يحب الحيوانات او مثلا جيبيله نوع من انواع الطيور اللي يحبها
اتمنى فكرتي جديدة و اني فدتج بشي

السالفه مو اهوه اللي ما يحب الحيوانات اناااااااااااااااااا اللي ما اواطنهم استغفر الله
وشكوره حبيبتي عالافادة :eh_s(7):

تشتريله هدايا وتحجزينله بعد بالفندق؟؟؟

واهوبس ياخذ ؟؟


اشتريله نعال حق الصيف او خامه او سياره او افتحيله حساب بالبنك

والله يعينج عالمصاريف

لا اهوه مو بس ياخذ ... بالعكس انا اللي اسويله ما يوفي باللي اهوه يسويلياه بحياتي الخاصه الحمدلله...
نعال ماركه ما اقدر لانه ريله شوي صعبه باللبس خصوصا الجواتي تكرمين المفتوحه اواهوه يبي سندل اسود بس لازم يقيس ... الخام همن انا عليميه ما اعرف حق هالسوالف ... سياره الحمدلله عنده سياره اودي اخر موديل ... وليش افتح له حساب ... شحط بالحساب ؟؟!!! ...
الحمدلله وربي يتمم علينا
مشكوره عالرد حبيبتي

اي ماكينة القهوه حلوه

انا زوجي شراها تهبل

اشتريها و ما راح تحسفين​

اي وحده انشالله نستله لانه اهوه يبيها ..

انا خذيت الجهاز من شهر من مركز سلطان الي بسوق شرق وسعرها 50 دينار ويعطونج عينات الصراحه الماكينع كلمه روعه شويه عليها بس للاسف بعض المرات اروح باخذ بوكسات للموكا تكون خالصه فانتي اذا خذيتيها جربي العينات والي يعجبج اخذي منه وايد وسعر الباكيت دينارين اتوقع

مكينه نستله ؟!!!
مشكوره عالرد

حبيت اعطيج فكرة عن موضوع النظارة...انا قبل فترة كان عيد ميلاده واهو كان ناوي على نضارة
ونفسج احترت ..!!لان لازم يروح بنفسه وينقيها فشسويت...طبعت طريقة شيك وضبطته وقدرت قيمة النظارة وكتبته
او ممكن اذا ماتبين تحددين قيمة تطبعين كوبون انه ربح نظارة..وتحطين في ظرف
ويوم عيد ميلاده يبطله وتروحين معاه يختار بنفسه وهم حركه حلوة وبعدين تطلعون تتعشون
ان شاء الله اكون افدتج

انا ابي نظاره بس شلوون ما فهمت فكرتج وضحيها اكثر شلون يعني انا اكتب ان اهوه ربح نظاره ؟!! ترى انا استيعاب مااااكو ميييح ههههههههههههه

مكينة قهوه Dolce Gusto حلووووووووووه

يالله هذي انتي اول وحده قلتي عنها حلووه ههه
مشكوره عالرد ...

حلوه فكرة الماكينه

و أحلى عطر رجالي لاهوم عجييب

والله يخليكم لبعض

العطر سجلته عندي ..
مشكوره حبيبتي عالرد ..

المكينه الاولى احلى

مع ميداليه لسياره ولمفتاح السياره تكون كشخه ونفس الشي وبتكون معاه طول الوقت

او طقم لوشن وسبرية للجسم

صح همن حلوه فكره الميداليه اهوه همن ما عنده ميداليه اللي تنحط بالسياره طقت سوارفسكي النجمه ... بس ما ابي اييب له النجمه لانه حماي حبيبته يايبتله مو حلوه انا اييب هههههههههه

upp

مشكوره عالرفع

اااااااااااااااب حتى اناابي شي يديد ومميز لانه قرب يوم زواجنااا

مشكوره حبيبتي عالرفع .. اي تايعي موضوعي واخذي افكاار

شوفي ريلي مدمن قهوه

توه اخذ هالمكينه بس مو نفس الماركه بس حددددده مكيف وانا كيفت وياه لووووول

اشتري بعد وياه ماق علشان اذا طلع يسويله فيه

اييي صح ماااااااااق ايبله وااحد واكتب عليه اسمه :rerrerek:والله انج عطيتيني فكره ما طرت ابالي ابداااااااااااا
مشكوره عالرد :eh_s(7):

 

[bubble.gum]

مكينة القهوه فكره يديده اشوفها افضل من الباجى الساعه والعطور والنظاره

مشكوره حبيبتي عالرد :eh_s(7):

 

[Q8_QT]

حلوة فكرة الماكينة والماق
وممكن تحجزيله سبا ومساج مع زيوت ولوشنات للجسم يعطونه بعد المساج وأتوقع تقدرين تتفقين معاهم ان بعد مايخلص مساج يعطونه طقم لوشن وعطر وزيت للجسم

 

[bubble.gum]

Q8 .. .. مشكوره حبيبتي عالرد
اي عاجبتني فكره السبا

 

[شلة بنات وبس]

الله يسعدكم يارب ويبعد عنكم الحسد اخذي له اللى هو يحبه

 

[لقلبك عزف حروفي]

ماكينة القهوة احسن شي ..

 

[SoKaRa ~..]

دام خاطره في ماكينه الكابتشينو اخذيها مع العطورات ،، وفي مناسبات ياية أخذي الساعه والعطورات والله يجعل أيامكم كلها فرح وسعاده
​

 

[[ نور عيني ]]

حلوة دائم بخاطرهـ
جيبيها له ..
والله يتمم لكم على خير ان شاء الله ..

 

[ELFAD3Ah]

اخذيله مكينة القهوة تشوق

 

[ديمــــــــــه]

البنات ماشاء الله ماقصروا
الله يهنيكم

 

[حبيبه بدر]

انا مره سويت حق ريلي كبك فضه عليه اسمه
محفورحيل حلو. ومميز ومكينه القهوى دام عاجبته زين

 

[رجفة وهم]

أخذيله الماكينة مع كم عطر

أهوا يحب القهوه راح يحبها