ابي رايكم بمنهج العربي الجديد للصف الاول الابتدائي

[vevo]

السلام عليكم انا بنتي باولى ابتدائي ومدرستها من ضمن اربع مدارس بالكويت مطبقين عليهم منهج العربي الجديد اللي اهو قصه عن فراشه وطول السنه يدرسونهم هالقصه ويجزؤونها لجمل وكل جمله يدرسونها باسبوع يعني يعطونهم الجمله يوم الاحد وكل يوم يعطونهم كلمه لين يوم الخميس والاسبوع اللي وراه يعطونهم املاء بالجمله مثلا باول اسبوع عطوهم جمله
(امل فراشه بيضاء ) و بالاسبوع الثاني (إسراء فراشه ملونه ) والثالث (امل أشارت إلى إسراء) وبالرابع (امل قالت: انا أحب الوان أختي) ويستمرون بهالطريقه لين تخلص القصه وبجذي يكون الطالب بنهايه السنه يكب القصه كامله

انا بصراحه عجبني المنهج واايد واتمنى يطبق على باقي المدارس لانه يعلم الياهل يكتب من يشوف شكل الكلمه تصير عنده القدره على تمييز شكل الكلمه وبجذي لما ياخذ الاحرف يبدي يطبق على شكل الكلمات اللي اخذها صج فيه تعب وايد بالاول بس بعدين يتعود الطفل ويصير شي عادي .

الحين ابي رايكم انتو مع او ضد المنهج وليش وسلامتكم

 

[ام لآلئ]

والله الموضوع مافيه اي رد لان الصراحه الواحد مايردري شقووول ولا يخلي
بس حسبي الله ونعم الوكيل بهالوزيره؟؟؟

 

[السنعة2]

لو سمحتو مني تعرف بأي مدارس طبقو المنهج اليديد؟

 

[حلوة الروح]

انا اول مرة اسمع عن هالمنهج

 

[القرآن ربيع قلبي]

اتوقع منهج فاشل وافشل من الي قبله
اولى انتدائي مايعرف يمسك القلم يكتب امل فراشة يضاء
الحمدلله والشكر
الله يعين الامهات والمدرسات على هالحوسة
ياحلو وزارة التربية من فشل الى فشل افشل منه

 

[هيونه1]

والله المفروض يتغير للاحسن مو للاسوء انا بعرف ليش مايطبقون تحفيظ الحروف كاملة وبعدها المهارات وتركيب الحروف مثلنا اول اعتقد احسن مثل ما انتم شايفين في الحضانات والروضة جذي يعلمون الاطفال من البدايه والله ما ادري احنا شبنخرج من مدارسنا عباقره مثلاً !!!
يالله الله يعين الامهات والمدرسات وفئران التجارب (( عيالنا )) !!!!!:0bee2e8d89:

 

[vevo]

هلا فيكم ومشكورين عالردود بس المنهج وايد حلو حتى الاسئله اللي بعد كل درس فيها تنويع وتنميه للمهارات العقليه بس انا اعترف معاكم انه في ظلم للاطفال اللي ذكائهم محدود بس الطفل الذكي يصلحله المنهج حيل بس فيه تعب مو طبيعي انا اهلك مع بنتي لانه الابله بالصف يالله تشرح لهم اشلون يركبون الكلمه فلما ترد البيت اقعد احل معاها الاسئله غير الواجب صج صج تعب بس منه فايده انا لانه ما عندي غير هالبنت بالمدرسه فمعطيتها كل وقتي بس اللي عنده اكثر من ياهل الله يعينهم

 

[الأترجة]

انا ولدي مطبقين هالمنهج بمدرسته

وعلى فكرة اعتمدوه وراح يطبق على مدارس الكويت من العام القادم أو الكورس القادم

المنهج حلو والولد يكتب بس الاحظ انه يعرف شكل الكلمه لكن مايعرف ولا حرف توهم الحين بعد ما وصلو عند امل اشارت الى اسراء عطوه حرف الألف

يعطيج العافية اختي

 

[شووكولاته]

انا ضد كالمناهج المفروض أول الحروف بعدين الكلمات اليلهل يعرف يقرأ الحرف بعدين تكوين جمل ((متنا من مناهجنا تجارب واحنا ناكلها ))عاد يربي نحجي بس منو بيسمع ؟؟؟؟؟؟؟؟؟؟؟؟؟؟؟ الله يخلي السبعينات والثمانينا تطور بلا تطور بلا بطيخ سمحيلي يلختي من القهررررررررررررررررررررررررررررررررررررررررررررررررررررررررررررررررررررررر

 

[rzaan77]

انا بعد مجدرسة ولدى مع هالمنهج بصراحه احسه مو حق اولى ابتدائى لانه الاحرف الى فيه مو حق بداية طفل اول مره يمسك القلم ويكتب انا سالت الابلات هم اهم مو عاجبهم تدرين المنهج القديم سالم وعبير عندى احسن

 

[اشراقة الحياة]

يمكن اكون اهون ......

بنتي مسكينه حايسه من تجريد الحروف ملت لا انا قادره اوصلها ان هاذي كلمه مركبه ولا اهيا عرفتها ....

بدخلها عند الخياط اذا الله كتب

يسلموووو صاحبة الموضووووووووع

 

[نونا الأمورة]

هلااااااا حبيبتي

انتي تشوفين المنهج حلووووووووووووووو بس عيشي واقع التدريس مثلنا منهج فاشل

لا يغرج شكل الكتاب والوانه مافي مضموووووووووون والعيال ضايعين ومنهج صعب وفاشل

وانا قاعدة ارد عليج من واقع تجربة انا اطبقها بمدرستنا والله عيالي الى ادرسهم يكسرون الخاطر

 

[jolie_q8]

انا ولدي مدرسه خاصه ومنهجهم كله عبير وسالم !!

ما فيه فراشات

 

[نووووونا]

احنا منهنجنا سالم وعبير


ونحن نصلى بالمسجد

اختى تصلى بالبيت


بس فراشه ما سمعت عنها !!!

 

[ام دودو المزيونه]

سالم وعبير ويادوب قادرة امشي مع بنتي هل مرة فراشة لا تكفون خلونا علي سالم وعبير

 

[xxx]

صح هالمنهج تجريبي طبقوة على مدارس معينة

وفي جم مدرسة جربوه

ناس تمدحه وناس تذمه

 

[um hamed]

بصرااحة منهج فااااااااااااااااااااااااااااااااااااااااااااااااااااااااااااااشل بمعنى الكلمة
طبقووه بمدرسة ولدي بس انا ولدي 3 والله يعين حماتي ماتمدحه لان ولدها باولى يعني بصرااااحة طواالة على الفاضي​

 

[كويتية صغيرة]

كل شيء جديد ....... يلقى بالبداية اعتراض و عدم تقبل
و انا ببداية السنة ..... كله معترضة على هذا المنهج
بس بصراحة ما كنت فاهمته عدل عبالي طول السنة قصة الفراشة

بس



ترى المنهج وايد حلوة طريقته و متناسبة مع مستوى الطفل
بالبداية مرحلة تأهيل يعطونهم قصة كاملة عن الفراشة ...... مع شكل الكلمات
و بعدين قصة كاملة في كتاب ثاني عن الطفل عمر انه زعل ابوه لأن كرته كسرت زجاج النافذة و راح عمر حق جدته و قالت جدته سامحوه علشاني ...... هذي القصة


و ابتداء من القصة الثانية (الكتاب الثاني) يعطونهم الأحرف مع حركاتهم الفتحة و الكسرة و الضمة لكل حرف ...... مع تمارين مكثفة على موقع الحرف في كل كلمة


و بعدين يلخبطون الكلمات على بعض ..... و الطفل يفرق بينهم ...... و بعدين يلخبطون الأحرف مرة نفس الحرف في بداية الكلمة و مرة في نهايتها و مرة في وسط الكلمة.

يعنى باختصار
الطفل يعرف الأحرف و أشكالها ....... من خلال القصص و الجمل الكاملة و هذا..... فعلا يثبت في مخ الطفل لأنه يتذكر القصة ثم يتذكر الكلمة ثم يتذكر احرف الكلمة ..... و بعدين يعطونه تمارين على الحرف الذي يتكلم عنه الدرس مع صور مشوقه ...... مو مثل ايامنا احنا اول شي نتعلمه الاحرف يعطوننا كل الأحرف و في نهاية السنة يتلخبط الطفل 28 حرف مايقدر يركب الكلمات بحركاتها


يمكن طريقة جديدة علينا ..... بس لاحظت بعد اكثر من شهر ان الطفل اصبح يميز بين الكلمات المختلفة و بالتالي الاحرف المختلفة و بعدين في شغلة
التمارين كثيرة و مكثفة في المنهج الجديد يعنى كل درس فيه يمكن 6 او 7 صفحات تمارين على الدرس نفسه ...... و هذا من صالح الطفل و شكل الكتاب وايد ممتع و مشوق افضل بكثير من المنهج القديم و حتى لايمل الطفل لاحظت ان كتابين للفصل الواحد و الكتاب دروسه قليلة و لكن التمارين كثيرة و هذا افضل

 

[توت عنكبوت]

انا مثل البنات سالم وعبير

بس اذا كان المنهج زين ليش لأ خل يطبقونه

 

[السنعة2]

ممكن نعرف وين نقدر نحصل الكتاب اليديد
تهقون بجمعية المعلمين بالدسمة موجود؟