ابي رايكم باسلوب زوجي !!!!

[Moim]

ههههههههههههه خلاص تراضينا توه دزلي صوره بالواتس اب شفت الصوره وله صوره ارفف الكاكاو بالجمعيه !
جان ادزله ليش طالع بدون لا ادري ؟
جان يدزلي لووووول سوري مو قصدي بس استعيلت << يقلدني امس
جان اقوله اوكي ييبلي كندر عشان ارضا
قال اوكي p:

 

[قــل مـا تـشـاء]

لوووووووووووول
وانا اقرا الموضوع الابتسامة شاقة الحلج من هني لي هني جني اقرا نكته لووول
شحليلكم الله يخليكم لبعض ,,
من حماسي للموضوع قريت الصفحتين ههههههههههه
زين الحمد لله انكم تراضيتوا لأن أصلا مافي شي يدعي للزعل بس شوي حساسية ..
عليج بالعااافية بالكيندر

 

[You FOR Me Only]

هههههههههههه يحليلكم

 

[pinkoosha]

المشكله صارت منج انتي, ماله داعي هالحساسيه,, ايهو احسن ؟؟؟ انج تسألينه وتاخذين رايه بالبنطرون ويقولج ويع حدج قديمه؟؟؟ ولا انج تشترين البنطرون وتلبسينه ويشوفج ويقول ويع حدج قديمه؟؟؟!!!!!! مافيها فشله يا قلبي. اوكي افتشلت بس ما اعطيه ضهري وابجي لووول ,,, فديتج طنشي والله ترتاحين انشالله لو قالج ماعندج ذوق اهم شي انه قال الصح ولا جاملج ولا ضحك من وراج

 

[»βαzεя«]

زين الحمدلله قمت احاتيكم .. اهم شي يابلج كندر

 

[aloooya]

ذوق الرياييل يختلف عن الحريم و بالنسبه للاسلوب وايد رياييل جذي اسلوبهم مو قصده يحرجج
و شاف نفسه مو مسوي شي غلط و انتي زعلتي و كبرتي الموضوع
اذري مرات يقهرون و ما يحسون بس لازم تتعلمين اطوفين

 

[ميمي..]

حبيبتي بقولك كلام واتمنى تطبقينه
اول شي ترى كلامه عن البنطلون يمكن دفش شوي بس مايسوى تقولين له خلنا نرد البيت لا تصيرين نكديه وماتحملين كلمه والله يزهق ويطفش منك حاولي تكسبينه مو تطفشينه منك وتالي تتشكين
فوق هذا مااكتفيتي بأنك خربتي الطلعه ورجعتي البيت لا نكدتي عليه بالليل وبكيتي وماعطيتيه حقه
وروحتك للجمعيه غلط حتى لو مو قاصده لا اتعودين تعتب رجلك باب البيت قبل ماتقولين لزوجك عشان ربك وعشان ماتصير مشاكل من هالنوع
وبالنسبه لنومته تحت مووووو حلوه ابد وبعدين وش بيقولون اهله اكيد بيحسون ان بينكم شي
الحين اللي عليك انك اذا رجع تستقبلينه وانتي متعدله ولابسه وضحكي وسولفي وداري خاطره ولا كنه صاير شي
وفاتحيه بموضوع نومته تحت وقولي له حتى لو نزعل اتمنى ماتنام وتخليني لحالي
حسسيه انك تحبينه ودووم محتاجته يمك
حاولو تتكلمون مع بعض عن اللي يضايقكم من بعض وخلوا بينكم مصارحه
والله يوفقكم يااارب

 

[! بــدويه وآآيــد !]

،


ياحلوج صج صج ضحكتيني ، وهو فيه رجال عنده أسلوب؟ الا من رحم ربي
وووي انا مره فصلت بدلة استقبال ولبستها بوريها زوجي جان يبطها ضحك قال جنج دجاجه منتفه ههههههههههههههه ، عادي ضحكت معاه واتغشمر ولاجنه قال شي وقطيتها وحذفتها على اختي كرهني فيها

بس سالفة تطلعين بس تعطينه خبر على حسب اتفاقكم اهو حزة بخاطره لان نسيتي تقولين له مافيها شي صج زودها بالزعل وانتي زودتيها كل شوي شفيك شفيك سكتي عنه دام قال مو منفس ومافيني شي ردي طبيعيه وضحكي وسولفي انا جذي شوي ويرد يطخ

الله يسخره لج يااارب:*

 

[ام كوثر2007]

الحمدلله يارب عسى الله يتمم عليج ان شاءالله ولا يغير عليكم ..


فديت اللى ترضي بكندر ..

 

[PuPa^^SWeeT]

تبين اتعرفين تحليل الامووور

انا اقوولج


انتي قلتي ردني البيت من سالفة البنطلون مو حلوو

عيل لو شفتي هواشي انا وريلي بالسوق جان شسويتي رديتي بيت اهلج ؟؟؟

سوري ياقلبي انه كلامي شوي ناشف لأنه من الكي بورد بس لو انا جدامج راح اتعرفين انه مو ناشف


المهم قالج البنطلون مو حلو انتي زعلتي و رديتي البيت و قطعتي الطلعة الحلوة


وبعديين بنص الليل تبجيين

اهو فككرر انج ليلحيين تبجين عالموضوع وهذا اللي صاار فعلا


شوفي عااد غلطة الشاطر بالف


انتي نسيتي اتقوليله انج بتطلعين و نسيتي الوتس اب و شافج شايفته و بعدين مارديتي يعني الاخ فهم انج حاقرته

قالج شفيج قلتي بالجمعية


قال ايي هذي اتعاقبني على كلمة و غشمرة كراامته كرجل انجرحت اكثر من كرامتج كانثى اتعرف تلبس وتكشخ


فهمتي


قالج بنام تحت ماعبرتييه فهم انج تبينه ينام تحت



يعني اموضوع كله سوء فهم بسوؤ فهم بسوء فهم بزعل للاسف سخييييييييييييييييييييييييييف لابعد الحلووول ودموع نزلت بغير محلها




اللي علييج يا انج اتقوليله ترا انا ماقصدت احقر


اووووووو

وهذا الاحسن


انج تلبسين و اتكلمييينه و تنزليله و اتقوليله كلمات حلوة مو باللمسج


لا بالصج قابلي

دقي عليه



رفع الجام نزلي الجاام علييه


لأنج سبب بالسوء الفهم اللي حصل للاسف الشديد


انا على اللي عطيتيني من اسباب و سياق للموضوع عرفت ان الخطا غير مقصود منج



اذا قاالج انتي زعلانة من اني علقت عالبنطلوون


قوولي ابدا انا فعلا بطني يعورني

لاتقولين جرحتني ترا تكبر السالفة



اول مرة يعطيج راايه و تزعلين قوية والاساس انتي سالتي






ياقلبي الزواج اكبر من بنطلون جلد

انا مرة تهاوشت ويا ريلي على حزام خصر و عصب مايبيني اشتريه


شريييته والله ياقلبي انه مقطووط بدرج الملابس لأنه حلف علي حلف غلييظ اني ما البسه

 

[PuPa^^SWeeT]

وييييييييييييييييييييييييييييييي



وانا مشتطة و اعطي حللل

ياقلبي ربي يخليكم لبعض



بلاش زعل على قطعة خاام مرة ثانية

 

[روح مووود]

الله يصلح بينكم

 

[honey lust]

حبيبتي بدايه الغلط منج انتي بينتيله انج مو واثقه من نفسج المفروض لما قالج موضته قديمه جان قلتيله بالعكس انا توني

قبل

جم يوم شايفه الفنانه الفلانيه مثلا جنيفر لوبيز ولا اي وحده من هالطقه لابسته و هاذي موضة السنه حتى لو خرابيط

و بعدين خلاص اللي صار صار و انتهى بس دايما خليج واثقه من نفسج و من ذوقج صدقيني ريلج بيشوف الشي اللي انتي

شايفته و بينعكس هالشي عليه اذا قلتي على طول انج حلوة و انيقه غصبن عليه هالشي بيصير ابباله و بيشوفه صج

الحين من رايي تدزين له انج عازمته عالعشا و بس لا تتكلمون بالموضوع و خلاص خلصت السالفه

الله يهنيهم

 

[batool H]

هو مايقصد يحرجك بس احنا حساسين لاني مثلك
بس قولي له انه هالاسلوب يجرحك يمكن مو عارف انتي ليش زعلانه لانه الرجال يختلفو عناا عادي هالكلمه عنده

 

[Heart.LesS !!]

والله مادري شقولج انتي طلبتي رايه واهو قالج اياه
فا مالج حق تزعلين

 

[خوخة سمسم]

سمحيلي اختي بس وايد كبرتي الموضوع

مايستاهل

شكلج وايد حساسه ..

قعدي وسولفي معاه واعتذري عن روجتج للجمعيه بدون علمه ...

وترى الريال ياهل بكلمتين حلوين يطخ^^

 

[بنات حواء2]

تبين الصج و لا ولد عمه
ماعندج سالفه الريال شكله صريح و عطاج رايه بصراحه و تبين الصج انا بعد رايي بنطرون جلد وايد قديم ومو حلو يعني هذا رايي لاتزعلين مني
لاتكبرين المسائل
بنسبه لتصؤفج
طلعتج للجمعيه انتي مانسيتي تقوليله انتي تعمدتي تسوين هلحركه بس ترقعين و تقولين نسيت علي هسوالف هههههههههههههههه
عمومن تصرفج سليم و وايد حلو و خليج على اسلوبج هذا لين يرجع و طخخي الامور لاتكبرينها على بنطرون جلد موديل قديم
ههههههههههههه
اتغشمر معاج الله يوفقج حبيبتي

 

[ام داليا07]

الله يهديكم بس الصراحه انتي مسوي سالفه من لا شي تركيه اشوي وابروحه بيطخ

 

[انثى عاشقة]

عشان تريحين راسج لي كسر مجاديفج مدحي نفسج وبس
تكونين اخذتي حقك بدون زعل

الله يهدي سركم طوفي ولاتكبريها ,,​

 

[مناير ...!]

زعلتج مالها داعي
اختج او رفيجتج ممكن تقط عليج نفس القطه
انزين قالج قديم شصار بالدنيا
كنتي تقدرين اتردين واتعلميه ردوا له وخلصنا