ابي رايكم ،، موضوع يخص الهديه =)

[Artya 【ツ】●]

قوووووه




بنات عندي رفيجتي عيدميلادها قرب ومحتاره شنو اشتري لها؟ طبعا شي حلو وغريب غير العطر و الساعه

ابي شي يتم معاها على طول

بس ما يكون غالي وآيد ،، معقول ،، ومن وين؟


بليز أبي راااااااااايكم

 

[Bella^^swan]

ما حبيت ادش من غير رد .. شوفي قسم كويتيات مول مرات اييبون اشياء حلوه وغريبه وعندج بعد سايت كويتي مال هدايا :

http://strawberryonline.net/

 

[دلوعة روحي]

شوفي شيلة حلوة من فولار

شوفي شنو تحب و ييبيلها شي يكون حلو

 

[الحلا و الزين كله]

هلا حبيبتي اذا تبين لبس اشتريلها جنطه ماركه الي جذي سعرهم بالثلاثينات..او مجموعه سبا ... او تحف و شموع صغيره اللي تنحط عالطاوله مثلا او التسريحه........او سويلها مفاجاه عندج بالبيت جهزيلها حفله صغيره جذيه وعزميه بدون ماتدري عن المناسبه قوليلها يمعه جذيه.......انا رفيجتي مره سوتلي جذيه الصراحه حيل فرحت فيها

 

[Artya 【ツ】●]

ونآسه


اي بشوووووف بعد بعد

مشكورين عالمرور وناطره أكثر

 

[Artya 【ツ】●]

Wainkooooooooooooooooooooooooooooooooom

 

[looooly89]

انا يبت حق بنت عمتي كرستال على شكل مكعب وعليها صورتها جنها مرسومه عالكرستال وسعرها حلو ب 23 او 28 مو ذاكره عدل

 

[مسك الغلا]

احسن شي سويلها حفله بينج و بينهاااا مفاجاه و تصيرلها مفاجاه حلوووه عمرها ماراح تنساهاااا و ذكرى حلوه

اما على الهديه شوفي اهيا شنو تحب

 

[Artya 【ツ】●]

انا يبت حق بنت عمتي كرستال على شكل مكعب وعليها صورتها جنها مرسومه عالكرستال وسعرها حلو ب 23 او 28 مو ذاكره عدل

وين سويتيها بالضبط؟


ومشكوووووووره وااااااااايد


وتسلموووون عالمرور

 

[looooly89]

سويتها بشرق فوق جنج بتروحين مركز سلطان بس اهو مو محل مثل كشك وفي بعد بالفنار بس مادري شالوه او لا

 

[Artya 【ツ】●]

آهااااا


أحوس بشرق و اشوفه

 

[لــــين]

ممكن تشترين لها تراجي سوالف الماس صغاااار مع حجر
شوفي تشكله تراجي الفارس( الفارس اللي بالمباركيه ) .. السالم (سوق الذهب تحت )
مجوهرات سُلا اتذكر قبل فتره شفت عندهم تشكيله حلووه
او ممكن تهدينها عقد صغنون مثلا على حرفها يكون الماس او اسمها عند الفارس حلوين و مو وايد غالين مو اكثر من 100
هذا خبري فيهم ما اظن زادوه ؟
فيه وايد اشكال .. اسمها يكون دار مداره اطار الماس او اذا اسمها في نقط تكون النقط الماس ..او يكون الاسم مكتو بالالماس و دار مداره نقشه عاديه بدون الماس ..... روحي و شوفي و اختاري اللي يناسبج

بصراحة انا اشوف هالهديه حلوه .. انا عندي تراجي و عقود لي يومج البسهم يوني هديه ليما نولدت و ناويه البسهم بني باذن الله .. خصوصاً اذا كان شي كلاسيك و نعووووم حلوو و ينلبس على طول و ما تتغير عليه الموضه ولاا شي !

 

[noty]

شوفي اكسسوارات << Tous << اهبل شغله في الغالي و الرخيص << المحل بالافنيوز

شوفي بعد ب جاشنمال << فيه سوالف اكسسوارات و بواكه و و جناط

وفي اوتليت اللي يم ستي سنتر فيه بواكه و مداليات << رخاص و ماركات


و سلامتج يا قلبي :tek:

 

[Artya 【ツ】●]

وآيد فدتوني ،، الله يعطيكم العافيه

نطمع بالمزيد

 

[رورو 88]

روحي سبا تايم اللي بالمهلب عندهم عرض حق الهدايا وايد حلو اختاريلها جلسه من جلساتهم

وطبعا راح تحتارين لان كل جلسه احلى من الثانيه وشغلهم وايد حلو

 

[Viva La Vanilla]

اخذي لها سوار او قلب

من داماس او تيفاني

يتم عندها على طول