ابي دكتور يولد قيصرية بالطلب

[الحربية ام زيد]

ابي دكتور يولد قيصرية بالطلب عندي 4 اطفال كلهم طبيعي حامل وابي اولد قيصرية بمستشفى خاص وابي دكتور يرضا يولد قيصرية ويكون مجرب وشكرا :eh_s(17):

 

[ايمانو حلوة]

كل الدكاترة بالخاص يولدون قيصري لان بفلوووسج

بس اذا الله انعم عليج بالولادات الطبيعية ليش القيصري عبالج هينة والله عذاااب الم وكرش وارف وتعب واااي لا

 

[sosowaty]

نفس كلام ايمااانو

بس اختلف معاها بشي واحد مو كلهم يرضون

 

[ام عفاف الكويت]

انا والده 3 قيصري
وعكسج كان خاطري الطبيعي
لاتضيعين نعمه لطبيعي من ايدج دام تقدرين
حبيبتي كل شي مو طبيعي له مضار
كمام وبنج كامل وكرشه ومكان العمليه

 

[*TOTO*]

انا جايبه 3 طبيعي والرابع كنت خايفه ومتوتره ودخلت غرفه الولاده وقعدت ابجي وما أدري شصارلي حتى الكمام رفضت اخذه
وارتفع ضغطي من الخوف كأني اول مره ادش غرفه الولاده

ومن الخوف ابي ارتاح وطلبت قيصريه على مسؤوليتي وعادي ماقالوا شي
بس اول شي حاولوا يقنعوني ورفضت ابي العمليه ووقعت على مسؤوليتي
ودخلت العمليات وخمس دقايق الا بنتي طالعه

وقالي الدكتور ليش ماطلبتي من قبل قيصريه قبل لا تسوين هالفلم وارتحتي

ولادتي بدار الشفاء واللي سوالي القيصريه دكتور حسام

على فكره انا ما احب رجال يولدني بس العمليه طلبت حسام لان بصراحه ماثق بالمره بسالفه فتح البطن
وعمليتي تهبل توني والده قبل 3 شهور وسواها لي تجميل لاخيوط ولا كبس

 

[Moon touch]

الطبيعي افضل ربنا يقومك بالسلامه

 

[Katkoota85]

ليش تبين قيصريه !?!
غريبه الناس يبون الطبيعي لانه افضل ..
الله يسهل عليج ماعندي فكره

 

[أحلام العمر]

من صجك تبين قيصريه والله عذاب المها صج تدخلين ما فيك شي بس بعد الولاده الم ليش تعرضين نفسك لشق سبع طبقات من البطن الله يسلم ابرة الرحمه ابرة الظهر اخذيها وماراح تحسين بشي انا الحين بالشهر الثامن ورعب من القيصريه لان خذي الثالثه حبيبتي حاسه فيك الطلق والم الولاده الطبيعه رعب بس من يطيح منك غدا شرك

 

[Aloe Vera]

من صجج تبين قيصرية؟

اذا خايفة من الالم اخذي ابرة ظهر

مافي احسن من الطبيعي

و اذا عندج خوف من الولادة ترا القيصرية تخرع اكثر تخيلي غرفة عمليات و وو انا جربت العملية رعب و بعدها جرح يخرع و خياط

والولادة الطبيعية رحمة

 

[انجبر قلبي]

الله منعم عليج بالطبيعي و تبين قيصري؟

الحمدالله والشكر انا ولدت قيصري و ليل نهار ادعي ربي هالولادة طبيعي

و براحتج اي دكتور يولدج قيصري جربيها دام بخاطرج

 

[ام حمد 85]

كل دكاترة الخاص يبنونها من الله يولدون قيصري