ابي دكتورة شاطرة اركب عندها لولب

[حبيبة عز]

السلام عليكم

شلونكم بنات

بنات انا ابي اركب لولب

ومحتارة وين

بصراحه انا ماحب العيادات الخاصة

وافضل المستشفيات

وابي دكتورة مابي دكتور

نصحوني

 

[حبيبة عز]

بنات شدعوه

ولا وحدة مركبة لولب

 

[الأميرة جوري]

ماجده اليتامي

 

[*الزينه*]

ودي اساعدج بس ماعندي فكره

انا ان شاءالله ناويه اركبه عند دكتورتي خالده المجيبل

 

[حمووشه المطيري]

حبيبتي ما انصحج فيه اللولب يضر اكثر ماهو ينفع
رفيجتي كانت مركبه لولب ونزفت وشالته يعني ما فادها
اخذي حبوب او لزقه احسنلج

 

[أتقهوى عذابك]

الدكتوره سكينه اللي بالمنقف يمدحونها
وانا استخدم حبوب لان فيه بنات حملوا باللولب
وما افضله
​

 

[CuTe KuwaiTia]

سمعت ان اللولب مو مضمون
و سمعت انه موزين يسبب مشاكل عند البعض
حاولي بطرق ثانية نصيحة اخت

 

[Om_HoBi]

والله اللولب مو مضموووون
ان تحرك ماتدرين و تحملين بالغلط
و غير هذا ان حملتي عليه ممكن ينخلق بالبيبي يكون بجسمه

و ممكن حمل خارج الرحم

انا عن نفسي كنت حدي ابي اركبه بس متردده من تركيبه ان يعور جان اهون
خذيت حبوب مره وحده و مايازولي و الحين ولا شي

 

[قدساوية 99]

رفيجتي حملت عليه وتخربطت دورتها تبهدلت منه..اللولب يسبب حمل خارج الرحم واغلب الدكاترة يقولون يناسب الحريم الي فوق سن ال40 مانصحج فيه

 

[baa6aa]

انا ركبته برويال حياه عند دكتورة زينب
قالتلي احطه بعد الولاده بشهرين لان رحمي كان ليلحين طري مادري لين على قولتهم
وقالت ايي لها خامس يوم دورة
و لمن حطته قالت ماكو جماع لمده اسبوعين عشان تتاكد انه ما تحرك و عقبها بشهر رجعت لها تاكدت انه بمكانه
وقالت ان وقتها راح ينزل علي دم نفس الدورة بس اهوة من اللولب عادي اتوضى و اصلي
ونفس الشي وقت كل دورة لمده 4 اشهر تقريبا راح تكون متخربطة شوي و اذا كانت دورتج 5 ايام عادي مع اللولب باول اشهر تكون اسبوع لي 10 ايام
فانتي مالج شغل خلج على حسبتج جم يوم دورتج و الباقي توضي و صلي
وقالت ان مدته 4 و 5 سنين بعدين نغيره اذا نبي
واذا مفكره احمل اروح لها تشيله عادي
والحمدلله ايدها خفيفه كانت تسولف معاي و انا كنت حاطه ايدي على ويهي مابي اشوف عشان ماخترع
وصج الحمدلله سهالات من رب العالمين

ان شاء الله اكون فدتج

 

[زهرة التولاي]

الدكتوره أمل الراشد الي بعمارات المسيله تابع للسلام حييل يمدحونها باللولب روحيلها وادعيلي